自由講場今日: 1722|主題: 1304684

收藏本版

回覆發帖

返回列表

跳至頁

樓主: nachoboy

4 5 6 78

積分: 15062

141^#

發表於 23-11-13 17:56 |只看該作者

本帖最後由莫失莫忘於 23-11-14 07:06 編輯

aidan08 發表於 23-11-13 08:50
Exactly! 我就係咁嘅意思！

十幾年前，我大仔年代，小朋友被標籤為SEN係少過而家好多，但已經見好多我覺 ...

我自己覺得呢種情況同學校要求愈來愈高都有關係。小朋友一日咁長時間喺學校, 要坐定定要留心聽書要趕課程, 放學後又冇時間free play。只要小朋友有行為阻住老師好大機會被要求做評估。做評估我認為好多時醫生已經有左前設, 因為一般係家長/老師覺得有問題先會帶小朋友做評估。評估時有一半時間係講老師/家長對小朋友既看法, 就好似你咁講, 並唔係用最科學既方法去做。

我第一個小朋友pn 開學飲泣到12月,少講野, 老師叫我帶佢去做評估。醫生係名幼學習支援介紹, 行內都出名。醫生聽左我平時情況同轉述老師講既學校情況,做左一系列test。我最深印象係醫生同我小朋友話要玩開party, 擺左4隻碟喺檯。我小朋友拎左一隻俾自己,然後等醫生指示。到評估完醫生同家長講診斷結果, 話開party時我小朋友淨係拎隻碟俾自己, 冇意識要拎俾佢, 係social skills有問題。我心入面都"吓"左一下。最後佢將我小朋友評為自閉傾向, 建議我小朋友上ot, st 同 social class。但我小朋友講野係冇問題, 上st時根本唔駛治療師指引就完全做到啲task。好快我自己就停左。

宜家過左多年, 我問番小朋友pn時做咩喊咁耐, 佢話因為掛住媽咪。我小朋友宜家都係內向形, 唔係好容易同朋友熟, 但小息時都會同一大班同學玩freeze tag, 我唔太認同佢係自閉。評估好大部分係靠口述內容右同小朋友狀況(講野叻唔叻, 性格外向內向, 當時情緒), 有太多太多因素會影響評估結果。如果當年我喺政府做評估我就留左個自閉record。

我自己建議係家長覺得小朋友有需要仍然應該帶小朋友去評估, 但自己都要多啲認識sen, 同要定期檢視啲治療對小朋友係咪真係有幫助。宜家已經有好多聲音話醫生太容易開adhd藥俾小朋友, 亦引起有啲小朋友有副作用,所以家長係要把關,唔好完全信哂專業人士。

私人傳訊回覆引用

小玲太太

子爵府

積分: 10604

142^#

發表於 23-11-13 18:42 |只看該作者

Bobo1210 發表於 23-11-12 23:30
聽過唔識爬直接行，大左會大d機會有讀寫障礙，平衡力無甘好。
我fd 個仔讀寫障礙，佢話醫生問佢仔Bb 時有 ...

無錯呀，唔爬係要特別留意，亦唔係咩值得驕傲既一件事

私人傳訊回覆引用

aidan08

伯爵府

積分: 19585

143^#

發表於 23-11-13 18:45 |只看該作者

本帖最後由 aidan08 於 23-11-14 07:12 編輯

莫失莫忘發表於 23-11-13 17:56
我自己覺得呢種情況同學校要求愈來愈高都有關係。小朋友一日咁長時間喺學校, 要坐定定要留心聽書要趕課程, ...

非常明白你感受，你嘅情況實在十分之普遍。你講得無錯，醫生評估前其實已經有曬前設，去得評估，我幾乎無聽過check 出嚟係無事，就算無典型自閉、ADHD特徵，點都會話個小朋友有一兩樣發展遲緩。

再者，醫生嘅評估，都係建立喺一兩次嘅見面，好多小朋友對陌生人，本來就係會有同平時好唔同的表現。我覺得呢D評估，基本上都係流於草率。另一點就係，成個行業根本有點專業之間相畏的情形。老師叫家長帶學生去評估，即係老師覺得小朋友有問題，去到醫生度，醫生靠口述了解大部分情況，其中老師乃專業，醫生亦較傾向老師前設，而且，好老實講，寧嚴勿鬆吧？小朋友去做training 一定無壞，但比醫生評估咗無事，然後之後發現更多問題，咁醫生咪好大責任？咁點解唔話咗你點都有D問題，叫你去做training 先呢？呢個就係無絕對科學化嘅驗證方法帶來的問題。

成件事，家長壓力就最大！其他各方根本都有好處，老師將個小朋友交比治療師去train 到個小朋友更易處理，醫生nothing to lose, 又可以介紹治療師，治療師更好少話小朋友無事，咁細個，大部分小朋友點都有D嘢做得未夠好，照train 照收錢。而家長無咁強自我判斷能力的，就會照單全收，要接受小朋友被標籤，要比錢同周圍帶去做training, 小朋友響學校有乜問題，都可以歸究為小朋友自己有問題，而唔係老師嘅問題。