吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 艾灸調理助孕分享

想生BB 今日: 0|主題: 109078

收藏本版

發帖

返回列表

跳至頁

查看: 173635 | 回覆: 817

12 3 4 5...41

積分: 6699

1^#

發表於 14-1-3 13:43 |只看該作者 |倒序瀏覽 |打印

本帖最後由 scgift 於 14-1-11 12:30 編輯

因為久唔時都見有JM問有關艾灸既問題，所以開呢個帖分享一下我既經驗。

本身我由細到大身體都唔好，成日病，小腹長期凍冰冰(即宮寒)，冬天手凍腳凍，曾經分別被2個中醫話過我好難有BB。曾經試均晒針灸，拔罐，穴位按摩等方法 (除針灸外，其他幾樣都係自行操作)，身體明顯好左，(針灸令整體身體好左，拔罐醫好困擾我多年既腸胃病，穴位按摩醫好暗瘡)，但中醫仲係話我好難有BB。後來因為某啲原因，令我開始對艾灸有興趣，於是又踏上自行調理既大道!

簡單講下我自己艾灸調理既方法＆經過：

方法：艾灸有分好多種，我自己揀左最方便既"溫灸帶"，可以同一時間縛晒上身灸唔同既位置，加上唔使就咁拎住先點著左既艾條對住皮膚，唔會燒傷自己，又可以邊艾灸邊做自己野，甚至係邊艾灸邊瞓覺。JM們唔使擔心唔識用唔識攞穴位，因為艾灸盒可以灸到既範圍好大，基本上張溫灸帶縛上身後自然就會艾到相關既穴位了，好簡單

時間：我同老公(冇錯，係我老公都一齊艾灸調理）係每日都會艾一次，每次約30-35分鐘。艾灸最好係日間進行，不過要返工，只好放假的話會盡量係日頭艾，平日就夜晚沖完涼艾。

經過：我艾灸左大半年就正式bingo。最初期只艾"三陰交" (位置請看以下既穴位圖，男性調理一樣係艾同一位置)，艾灸左2個星期左右，已感覺到小腹開始變暖，即有好大既鼓舞，開始"瘋狂＂艾灸，基本上係參照單桂敏教的婦科穴位圖（除了腳底的"湧泉"同手腕的"內關"）去灸 (如下圖: 取自單桂敏的"艾灸除百病")。艾灸左3~4個月後開始試下造人，可惜連續3個cycle都係代學懷孕，知道係身體未夠好，所以唔能夠正式bingo。因為一直都聽說女性身體唔好多數都係個腎唔夠好，於是第３個cycle失敗後我就除艾灸一直都灸開既穴位外，特別係瞓覺時灸住腳底的"湧泉"穴(腎經的主穴)來瞓覺。就係咁，第４個cycle我就正式bingo啦

我係跟單桂敏既教法，每日艾，就算ｍ到都照艾（單既講法，ｍ到艾係效果最好既），排卵後交左功課都繼續艾。雖然一般中醫都會話懷孕中唔可以艾灸，但事實我係一直keep住有艾灸 ,直至懷孕滿5個月。confirmed bingo後我停止艾灸腹部，其他位置繼續。到12w時，因為見紅（原因係胎盤低），開始睇中醫食藥調理，醫師叫我唔可以再艾，咁就停左幾日，可是仍然見紅，因為確信艾灸可以保胎（想知詳情的話請自行睇單桂敏個blog)，所以問準左老公後就灸返"足三里"，但時間老公只俾我每日艾灸５分鐘。好快，艾灸左一日，就冇再見紅啦，所以我又keep住艾灸"足三里"一直到5個月就完全停晒(因為有人話5個月打後繼續艾灸的話會有胎毒)，但中藥就繼續食，因為呢個post係講艾灸，食中藥安胎方面就唔講詳情啦。現在BB已滿4個月，身體健康又精令(touch下wood先)

***各JM也可以google一下單桂敏既39 blog, 懷孕篇入邊有好多人分享佢地通過艾灸而成孕，得閒睇下參考下，信心都多啲

***艾灸的反应及注意事项 - http://blog.39.net/shanguimin/a_12623389.html ***

溫灸帶：

我用既係呢個系列既溫灸帶，價錢比較貴，但質量好好多。以下幾款係我自己必用既：

腰部溫灸帶，可以灸小腹同後腰。

呢款係艾灸"足三里"穴

呢款係艾灸"三陰交"，"湧泉"同"內關"

以下呢種係平價版溫灸帶，budget有限或想先試下睇下效果既JM可以考慮。平價版係艾灸時會比貴價版大煙大陣味，艾柱都會燒得快啲，仲有條帶會好快霉。

以下就係＂艾灸盒＂，先把艾柱放入，點著，然後再放入溫灸帶中，就可以輕鬆艾灸了。艾灸左一排後，會發現艾盒入面會有啲啡色既污漬出現，呢啲係燃燒艾柱時出現既油，慢慢就會越積越厚越黑，慢慢會影響熱力。清洗方法：用滾水＋洗潔精浸佢一陣，之後用刷刷。一定唔能夠洗到好似新既咁乾淨，同埋一次過洗一堆都幾煩麻，所以我自己多數就用一排，用到個盒勁污穢時我就掉晒佢，開個一個新既來用

艾柱：　調理最好買好一點，金艾絨艾柱。另外，有一種叫"14味婦科女寶"，有藥材成份，同貴價版溫灸帶同一間店買。艾柱有平有貴，金艾絨艾柱同藥寶係最貴，效果都係最好。艾絨要純要陳（３年以上），沒有雜質，顏色為黃／金黃就為之好。通常冇咁靚既艾柱都會有白紙包住頭尾，買時留意一下。

＊＊＊以上溫灸帶同艾柱全部都係淘寶買，只要係淘寶打"溫灸帶"就會搵得到(貴價版溫灸帶只得一間店有得賣，所以JM們唔使叫我PM店名/taobao link啦。

係度祝大家都好快好孕～

***最近有JM問開，我先留意到原來貴價版溫灸帶已有老翻！所以我係度講一講我既艾灸用品係邊間買:

溫灸帶 / 35:1艾柱/14味婦科女寶艾柱 - 扶陽養生館 (吾艾) <==呢間先係正版
35:1金艾絨艾柱 - 養生之家2010

點評

la_source

發表於 17-11-22 12:01

pig_pig_pig

發表於 16-9-24 19:04

wewingDC

發表於 15-6-26 21:31

alphabetagamma 我買的是五年艾發表於 14-8-19 19:50

8MEI VERY GOOD

發表於 14-5-22 18:57

manlam66 Thank you for sharing! 發表於 14-3-6 19:49

Bobo_Fung 好好！多謝分享～我一到冬天又係手腳冰冷和成日頭痛，我都試下先^_^ 發表於 14-2-23 16:22

twinniee 呢間係咪要買滿某個價錢先可以包郵架? 發表於 14-1-9 09:56

linglingcat1012 你寫得太好..多謝分享！發表於 14-1-4 19:07

0 9 0

私人傳訊

ilovedancendanc

伯爵府

積分: 17239

2^#

發表於 14-1-3 13:59 |只看該作者

回覆：艾灸調理助孕分享

多謝分享，我都買左單桂敏自製既溫灸罐，好似你呢款好d同靚d, 我未收貨，希望唔太差啦

私人傳訊

scgift

男爵府

積分: 6699

3^#

發表於 14-1-3 14:06 |只看該作者

ilovedancendanc 發表於 14-1-3 13:59
多謝分享，我都買左單桂敏自製既溫灸罐，好似你呢款好d同靚d, 我未收貨，希望唔太差啦

...

單桂敏的溫灸罐我冇買過，因為睇圖覺得一段（應該似我講巴＂平價版＂）。不過我相信不影響使用。

私人傳訊

audrey_tse

大宅

積分: 1419

4^#

發表於 14-1-3 19:36 |只看該作者

你好有心分享呀!!!

想問下你知唔知如果輸卵管塞左，用艾灸ok嗎? 同埋你推介果款溫灸帶在哪買到?
thanks!!

私人傳訊

winnie37

男爵府

積分: 6364

5^#

發表於 14-1-3 20:20 |只看該作者

回覆：艾灸調理助孕分享

等bingo 可以艾嗎？

私人傳訊

elainelam1228

子爵府

積分: 12814

6^#

發表於 14-1-3 20:33 |只看該作者

引用：多謝分享，我都買左單桂敏自製既溫灸罐，好

原帖由 ilovedancendanc 於 14-01-03 發表
多謝分享，我都買左單桂敏自製既溫灸罐，好似你呢款好d同靚d, 我未收貨，希望唔太差啦

...

我同你一樣。都係單桂敏fans~ 我艾左半年～都改善左身體，現在我IUI 都係靠呢個暖宮，你寫得好詳細，忍不住讚～我都係艾灸fans , 艾柱成日要入倉～好快無晒

私人傳訊

elainelam1228

子爵府

積分: 12814

7^#

發表於 14-1-3 20:36 |只看該作者

引用：你好有心分享呀!!!+想問下你知唔知如果輸卵

原帖由 audrey_tse 於 14-01-03 發表
你好有心分享呀!!!
想問下你知唔知如果輸卵管塞左，用艾灸ok嗎? 同埋你推介果款溫灸帶在哪買到?
tha ...

你睇單桂敏既blog 是有助子宮任何問題，包括輸卵管塞，我以前有盆腔炎，婦科醫生都擔心我會塞，可能我見醫生前半年係成日艾～到驗輸卵管好彩話我無事～所以我覺得有幫助

私人傳訊

audrey_tse

大宅

積分: 1419

8^#

發表於 14-1-3 21:05 |只看該作者

真的嗎??謝謝，我會睇下!!

私人傳訊

audrey_tse

大宅

積分: 1419

9^#

發表於 14-1-3 21:13 |只看該作者

我去唔到你上面果條LINK!!!
另外想知那可買溫灸帶?

私人傳訊

Pekoccc

複式洋房

積分: 481

10^#

發表於 14-1-3 23:39 |只看該作者

scgift 發表於 14-1-3 13:43
因為久唔時都見有JM問有關艾灸既問題，所以開呢個帖分享一下我既經驗。

本身我由細到大身體都唔好，成日病 ...

有野想請教下你 :
我買了平價版温炙帶，但我見平價比起貴價多了一個穴位，那我是要一次過點著5個穴位，還是只做4個就可以了？

每日做完肚後係咪要做埋腳，還是一日做肚，一日做腳？

鐵盒通吼位置是要用膠著冚住嗎？

我個人感覺很快就燒完一支艾柱，好似維持唔到30分鐘，是我買的艾柱品質有問題嗎？

唔好意思，有咁多野要問，希望你唔好介意

thanks

私人傳訊

ilovedancendanc