論盡家傭

收藏本版
發帖
返回列表
跳至頁

首頁
1

尾頁
   0
PINKAVA


男爵府

積分: 7534


1#
發表於 08-1-31 17:24 |顯示全部帖子
我等亞仔返左學先黎炒工人, 佢好顎然問我咩原因, 我費是遂點數佢, 佢唔開心更加唔同我簽野, 我就求期講我因亞仔成績唔好, 我取了一年長假自己教仔。

死老賓望住我準備晒既文件唔肯簽, 我話你快d啦, 我趕住去產檢, 15分鐘後大家出門口, 死野叫我出去先,佢在家等我再傾, 痴架, 我炒你呀, 仲要話事幾點走呀?

e+要走喇, 再續....

[ 本文章最後由 PINKAVA 於 08-2-2 13:19 編輯 ]
私人傳訊

PINKAVA


男爵府

積分: 7534


2#
發表於 08-1-31 20:45 |顯示全部帖子
繼續...

我同佢講, 你快d簽野喇, 15分鐘後大家走, 我真係要趕去醫院, 我book 左時間, 唔可以遲到. then 佢望住d文件同我講欠$300, 我問佢$300 係咩, 佢話合同寫要另比$300佢, 我叫佢取合同出黎比我睇, 死野指住 food provided 個 term 同我講要比$300佢, 我話呢句係你唔在我家食用, 我先要比 $300你, 仲要係一個月, 唔係你走既一日 (佢以為我唔識字, 同埋佢簽過n咁多張合同, 點會唔分唔到 travelling allowance 同 food allowance 既分別? 擺明呃我啦), 我話你走既錢我亦補足比你, 你仲有咩問題? 我真係趕時間走喇. then 死野叫我補一張解僱信佢, 佢先簽收d錢同機票, 我話我即時打比你, 你同時間執野啦, 我好趕. 佢仲4圍打電話出去唔執野, 我打左封信出黎比佢睇, 內容係即日終止佢, 佢睇完又唔肯簽喎, 叫我唔好寫今日終止佢.... 再續
私人傳訊

PINKAVA


男爵府

積分: 7534


3#
發表於 08-1-31 23:45 |顯示全部帖子
又繼續... (我炒工人時我老公都在埸的)

又係佢叫我出解僱信, 信中我只寫由今日開始終止合約, 都唔寫佢d衰野, 出左佢又唔肯簽, 求我唔好寫今日, 因為佢仲要搵太太, 叫我等佢搵到太太簽左合約既日期, 我話當然唔得啦, 我真係今日終止你, 我唔會講大話, 跟住佢求我幫佢, 又話我唔早d知道佢, 而且我講唔係佢有問題, 點解要炒佢? 佢咁樣就一定要返菲律賓, 但佢真係唔想, then e e 哦哦, 我話你明唔明我講咩? 要唔要翻譯, then我打比個朋友再同佢講多次, 朋友在電話中講太太既責任已完, 補足錢出晒文件比你, 你明唔明? 工人話明, 但又死螺話太太好人, 想太太幫佢, 又再同我朋友糾纏. 我頂佢唔順, 又用另一個電話打比勞工署同佢講, 勞工署亦講清楚比佢知太太唔會幫佢, 責任已完. g後我再問佢有無野再問勞工署? 工人話清楚收線, 咁我就叫佢簽收. 佢又唔簽喎, 頂~~~ 我真係火都黎埋, 拍台點佢想點? 我無時間同佢玩, 你夠竟執唔執野? (當時我都想報警架喇) 老公話你趕時間不如走先, 我話你咪同工人傻啦, 佢e+都唔肯走, 我走左佢屈埋你非禮, 呢個時候咪再同佢仁慈啦. 攪一大輪終於肯簽喇, 因為佢知道迫我唔到. 簽完後又唔執野喎, 只係入左房不停打電話, 我已經遲左成個鐘, 不停摧佢快d, 佢當聽唔到, 又再講電話. 我乍乍林幫佢執埋廁所既野, 佢講夠電話又執野喇, 我地比一個紅白藍佢, 佢唔要, 算, 可能真係太大唔岩用, 但又見佢一袋2袋, 我又送左一個大d唔用既手袋比佢, 死老屎忽笑口世世多謝我. then 我地大家出門口, 老野就自己行落樓又講講講, 我聽到好嘈問老公咩事, 原來佢報左警, 一直唔執野係拖長時間等警察黎. 嘩~ 我真係個心 xyz 佢, 我已經遲到急到死, call埋的士等我, 佢又再玩野....

[ 本文章最後由 PINKAVA 於 08-1-31 23:49 編輯 ]
私人傳訊

PINKAVA


男爵府

積分: 7534


4#
發表於 08-2-1 00:08 |顯示全部帖子
我同警察講我都想報警架喇, 不過諗住無咁既必要, 但點都估唔到係工人報警先, 咁我叫警察入屋傾, 係就大家攪番清清楚楚喇. 警察問我之前同工人有無爭執誤會? 我比晒d工人簽既文件同警察解釋一次, 我話我都想知個工人仲咩報警, 工人講因為同我溝通唔到喎, 警察問佢有咩溝通唔到? 死老鬼夠膽死同警察講要求我唔當今日終止佢, 但我唔肯喎. 妖得佢少, 我同警察講又係呢樣野, 我話我無責任幫佢搵新顧主, 同埋關乎保險問題, 我絕對唔會幫佢, 警察又解釋比佢聽, 佢都無晒計, 警察就取了大家簽收既 copy 返警署備案, 我順便再叫警察問佢有無野漏同要執? 叫工人 check 多次, 我講明我唔會再開門比佢架喇, 出門口個刻大家合約就終止架喇。 好喇大家再落樓, 老patpat 問我係咪有的士, 可唔可以兜佢出荃灣mtr, 我話我出tst, 架車上 high way唔去荃灣, 老公仲話叫工人跟我出tst, 我話採佢都傻, 心諗佢唔落車我又再同佢玩過? 我叫老公送佢去車站就算. 就係咁, 15分鐘既野攪左一個半鐘, 以為件事告一段落啦, 原來仲有下文....

私人傳訊

PINKAVA


男爵府

積分: 7534


5#
發表於 08-2-1 00:46 |顯示全部帖子
5:00, 死老賓sms我: pls can u change my termination letter, pls write that u dont need my help already and u do it by yourself. or u may put it financial problem so that i can process my papers here...., and i forgot to get my underwear outside and my slipper, if u dont mind i come to yr house first.

我老公話佢call police 時有無問下我地? 有無商量? 如果佢唔係玩到咁串, 都幫下佢丫. 我姐就話佢地都係想搵份工姐, 你咪答應佢出封信, 但有顧主打黎問時咪數佢d衰野, 咁我又send sms 比佢, 我只可以做到在信上講係我唔用佢, that is. 我唔會同佢講大話我 financial problem, 因為我真係無呢個 problem. 同埋你唔使黎我家, 我回send 信比佢 agent, 叫佢 agent 明天call我. 咁工人好開心多謝我幫佢。

後來, 我朋友提我唔好心軟, 教我同工人講: 亞sir話我無權再更改任何文件, 因為警方開左 file 及已取了我們簽收既copy, 如果我再改野，即係我比假口供, 鬼叫係你自己走虫報警? :tongue: :tongue: :tongue: 仲有, 警察中午已再3問你有無野要取, 亦講左你無權入屋. 你e+要取番d野都得, 不過你要報警先, 由警察帶你入屋及做見証, 因我都要保障番我自己。

我估工人睇完我呢個sms, 佢都慶過火屎喇. then 佢 sms 我話: 既然我唔比番d野佢, 佢自己再買過啦, anyway thanks u.

佢擺明又諗計想入屋賴死啦, 螺我幫佢啦, 其實佢d un un同slipper 值幾多錢呀? 佢暫住佢細佬家由西貢番入深井既車錢來回夠佢買1打un啦. 死老賓, 大奸狗~~~

成個故仔講完, 可以大覺訓了, 多謝收看, good night 各位~~~

[ 本文章最後由 PINKAVA 於 08-2-1 00:48 編輯 ]
私人傳訊

PINKAVA


男爵府

積分: 7534


6#
發表於 08-2-1 11:28 |顯示全部帖子
如果妳寫financial problem／自己湊返，仲要俾埋hin散費。妳隻bun擺明想俾tum妳踩！ ===> 我一定唔會咁寫, 因為我e+申請緊另一個妹仔黎, 我點可以有 fin. problem.　工人都傻既.


出解僱信俾佢唔寫佢performance咪算好囉。 ===> 我講明, 我唔寫係對佢最有利既, 如果我寫, 一定寫佢唔好. 但佢仲要死纏難打.

佢仲o係hk時一定會日日煩妳 ===> 我都怕, 仲要新年流流, 算啦, 捱14日先算, 日日要倒數。

記得通知埋學校,怕佢還去接你仔放學呀 ===> 通知左校車保母, 又叫左我仔, 如果工人接佢, 千其唔好落車住同叫保母打比我.


昨晚自己煮飯, 個飯煲蓋可以一層白色肥油架, 成個廚房d樽又肥滕滕, 真係早炒早著。

[ 本文章最後由 PINKAVA 於 08-2-1 11:31 編輯 ]
私人傳訊

PINKAVA


男爵府

積分: 7534


7#
發表於 08-2-1 12:44 |顯示全部帖子
之前講過死老野在我家只識飲飲食食, 我後尾同佢講, 以後佢要飲奶茶/糖茶自己買, 唔好再飲我個d. 昨晚回家一睇, 死老鬼依然飲我既茶包, 真係你有你鬧, 佢有佢無賴.

大家留意隻死老鬼大名:---

Barxxx Arsexxx
1960 (47歲)

[ 本文章最後由 PINKAVA 於 08-2-1 14:01 編輯 ]
私人傳訊

PINKAVA


男爵府

積分: 7534


8#
發表於 08-2-1 16:30 |顯示全部帖子
原文章由 Littlebd 於 08-2-1 15:36 發表
I feel sorry for your helper after reading the whole story. She's lucky that you've fired her and hope she can find a normal, polite and friendly employer. Only HKD4000(more or less) to get a full-tim ...


Littlebd

乜你認為一個顧主必須接受---
工人在亞仔面前痾尿;
去廁所唔關門;
洗衫洗埋朱古力, 糖, 廁紙....n 次;
煮完飯自己都覺得難食留比先生、太太, 然後自己煮公仔面;
工人自己食既飯就熱, 比太太食既係凍冰冰
一早起身入定一個鐘, 等太太出門口番工後唔知幾點先做野
中午2:00就房坐直到 6:00 再工作
小朋友未食飽飯就執碗, 收埋d飯入雪櫃唔比小朋友添飯/食凍飯
生熟食物比埋指引都唔識處理, 如廁不洗手, 無衛生常識
食盡家內既食物及飲品
洗杯只洗太太一隻, 小朋友既唔洗
間屋亂糟糟, 廚房油立立

乜你認為接受唔到工人上述問題就係一個唔normal, polite and friendly employer. ???

咁既工人我要用 double請佢?

中國人話張心比心:- day 1 我大住肚半夜12:30去接佢, 咁夜原因佢佢落機後同家人團聚食飯, 我在車站一直等

見佢話凍比件羽絨佢著, 比個保溫杯佢用.

見佢唔肯抹地, 我都比佢用地拖拖地

食壽司/打邊爐/食pizza /bbq...都預埋佢一份

咁仲唔叫張心比心?

咁唔該你介紹份工比佢丫, 或者你唔好用part time 接收佢啦!

痴痴地
私人傳訊

PINKAVA


男爵府

積分: 7534


9#
發表於 08-2-1 23:33 |顯示全部帖子
多謝各位媽咪幫我平反, 由我6年前用第一個工人開始, 我就同工人講, 我唔係100分既顧主, 你亦唔係100分既工人, 因為人無十全十美, 但只要大家做好本份, 我絕對會係一個好既顧主及希望用一個好既工人, 我一直覺得工人係黎幫我的, 所以我會抱感激之心去對佢地, 就係咁, 我同老公一直都唔會計較工人既飲食, 節日安排節目一齊去, 有朋友 gathering 都帶埋工人, 等工人同工人之間都有得鬆下, 什至抽獎都預工人一份, 我咁樣對工人, 有人會話我太過放鬆添, 但真係未比人話過我係衰既顧主.

littlebd 講得好咁, 我個老賓 lucky that i fired her, 因為工人可以求求其, 厚面皮, 鬧佢笑嘻嘻, 就可以有糧出, 有好野食, 有人出埋錢比佢黎探親旅遊探朋友, 因為佢在港成廿年, 有班好朋友, 又有成棚親戚. 未做滿3個月, 聖誕新年照放假比佢, 仲要7:00出去 10:00 先番, 因為佢有 party. 2個月任食, 仲有一個月旅費袋袋平安, 坐埋 cx 食埋飛機餐飽飽落機返老家, extra 10kgs 行李 衣錦還鄉, 仲要我直接請佢黎hk, 無比agent 食成皮野佣金. 比我炒佢仲唔數佢既不事, 因為顧及老賓既感受, 佢咁比我炒法, 仲唔係超級幸運???????
由請老賓既手續費+驗身+機票+保險+稅+炒佢+回程, 黎左2個月計, 平均要用 $8500 月薪, 唔知咁算唔算 littlebd 口中既 double pay 呢? 但我工人又比番咩我????

momo

你個賓又真係好鬼勞氣, 最慘我地指意佢湊初生, 但咁既工作態度, 我地又點放心? 事實上正苦又幫唔到我地, 乜都係我地顧主自己諗掂, 好彩bb未有受傷乍, 如果bb有意外, 工人都可以置身事外. 你現在找到工人未? 我已申請一個印妹黎, 預計4月先可以來港, 2月份就自已取大假湊大仔做家務, 3月放產假叫媽咪陪月, 今年新年因為無工人幫手, 我已通知街坊好友謝絕來我家探訪, 因為大肚臨dum, 真係唔想做咁多野, sorry 親友都要講句喇. 呢d苦況, 只有自己先知道.
私人傳訊

PINKAVA


男爵府

積分: 7534


10#
發表於 08-2-2 11:52 |顯示全部帖子
原文章由 丫頭 於 08-2-1 23:23 發表
真係睇到妳個case人都顛但係都未及我炒嗰d經典
新年個幾日假等我有時間上黎再share佢地d死罪比妳地"分享"下


丫頭,

我個老賓已經好激架喇, 你個點經典? 一於新年假等你.



今日我一露收衫同浪衫, 我個心不停地講"痴欖線", 因為個工人浪我仔既校服無揚開浪之餘(正常浪法), 係領口向下, 衫腳向上卷成一推野+2隻衣夾去掛, 呢d邊係廿年經驗工人所做得出架? 仲有bb衣架全部黑色邊封塵, 我收時d手指都黑架, 佢洗都唔洗下d衣架照掛bb衫, 我火到第一時間搵相機影比大家開下眼界, 但部機又無電, 叉電又唔知工人收埋去邊. 呢件老餅, 就係諗住做我家好, 乜野都唔 check, 無皇管, 就快生得, 我無佢唔掂, 所以佢就大支野乜都求期, 除左出糧簽收個下係用心外, 其他野跟本無心同我做, 呢個工人一定好開心地以為搵著我呢件筍盤顧主, 佢無諗到我係識炒人兼夾準備充足。

真係早炒早著, 無比機會佢照顧我初生係岩架。
私人傳訊

PINKAVA


男爵府

積分: 7534


11#
發表於 08-2-4 21:12 |顯示全部帖子
原文章由 SandraLo 於 08-2-3 16:41 發表


我都試過炒其中一個時佢問我, 我想講時C6喝住我示意我唔好出聲......... 其實啱架, 佢邊會覺得自己有錯, 咁好快會變駡戰, 情緒激動起上嚟就好煩, 一切小心為上, 等佢出咗門口至算！ ...



Siu choi 就話炒時要數佢地d衰野, 而 SandraLo 老公就話唔好講, 其實我地應該數臭佢定唔數呢?

我個老賓同 momo媽咪一樣, 似住自己有經驗, 我買佢怕, 見我唔聲唔聲, 就越來越賴同污糟. 我朋友話佢未必肯就咁就算, 因為我炒佢時無講係工人問題, 只係我要自己湊番個仔, 所以死老賓一定會諗辦法留在hk, 最大可能告我無理解僱, 其實我想問下大家:--

1. 我有無理解僱我都賠左一個通知金比佢, 機票又open 加埋 travelling allowance, 佢仲有咩機會玩野呢?

2. 有無d agent 真係可以好把炮幫到佢留在hk搵新太太呢?

3. 係咪佢唔完contract 佢一定要飛返去老家? 佢下次再來港係咪多數唔批呢?
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見