樓市動向 今日: 3 | 主題: 74231

積分: 371

1^#

發表於 08-3-14 10:57 |只看該作者 |倒序瀏覽 |打印

我嗰新屋已經裝修咗差唔多三個月, 由12月26日開始, 但係間屋一路都無咩進展, 最激氣就係嗰裝修師傅, 成日都要問我拿錢. 仲有成日做埋啲嘢就係唔合乎羅輯, 例如: 全屋仲未批盪, 就要求傢俬店送晒全屋傢俬來並安裝埋, 另外啲地磚又鎛到唔平, 廚房的柜背竟然同我貼上磁磚, 而有啲訂造傢俬, 在訂之前已經要求過佢同度尺師傅夾, 及最終都由呢個裝修師傅, 結果送到嚟啲呎寸唔啱, 仲要我額外俾錢再整過.

全屋裝修的大部份面料, 都係我自己俾錢, 包括所有傢俬, 廚櫃, 地磚, 厠櫃, 厠所, 水龍頭及配件, 全屋大門及房門.

我已經俾咗成12萬俾佢啦, 樣樣事情都未如理想, 一單比一單精彩, 依家我晚晚都訓唔著, 日日都諗住呢單嘢, 搞到我精神很緊張, 嚴重地影響我啲工作及家庭生活, 因為我哋這幾個月嚟, 一直住在親友家里, 而我哋的積蓄已差不多使咗一大半, 事在如今, 都唔知點解決好?

希望您哋可以幫吓我, 幫我諗吓, 點樣去處理呢件事件.

多謝!

[ 本文章最後由 Vanessa_mum 於 08-3-14 11:18 編輯 ]

0 0 0

私人傳訊

beagledog

積分: 3828

2^#

發表於 08-3-14 11:22 |只看該作者

如果你決定唔再用佢可以換鎖.

點解你要比錢佢, 佢只收工錢, 一日未完工都唔比足佢, 料應該你直接去買, 唔好經佢, 如果經佢, 叫佢比返單據你.

我都唔係好識教你
但你依家開左個頭, 真係唔知點好.

個師傅係自己搵定係人地介紹架?

[ 本文章最後由 beagledog 於 08-3-14 11:25 編輯 ]

私人傳訊

積分: 371

3^#

發表於 08-3-14 11:47 |只看該作者

係朋友介紹啲, 仲要你嗰朋友本身都係搵佢, 點知又係貨不對辦, 結果都要俾咗佢67萬才可擺休.

但係, 呢個朋友都曾經上過嚟同佢講, 但係呢個師傅應該係爭落人哋一身債, 所以要用我哋啲錢去填數.

我真係好煩, 好想即刻趕佢走, 但係佢又唔走, 又話要我哋賠番啲尾數俾佢, 仲有佢仲有啲工具係我屋企, 我都唔知點算, 我仲因為呢件事同我老公不知嘈咗好多次.

私人傳訊

Steplau

男爵府

積分: 8066

4^#

發表於 08-3-14 12:10 |只看該作者

ohh...另一個食錢騎呢怪, 我個frd裝修 c fu 又係咁不過無拖咁耐, 最尾俾佢'整完', 有d手尾都係搵左第2個 c fu 跟jar!

我新屋裝修梗 , 我個 c fu 都係話一個月度搞掂,佢上一單job 整左28日jar!!!

我都唔識點教你, 你俾哂尾數未?我係 4成-4成-2成咁俾我個c fu lor, 俾我就會炸佢形, 佢整唔哂我都hold住唔俾尾數佢, 仲有傢俬係佢度錯, 我會要佢幫我諗掂佢,再唔係同佢講, 你額外俾錢再整過傢俬o係尾數度扣起佢! 仲有梗係一定要唱衰佢啦, 最好post埋佢公司資料上黎, 等其他人唔好再上當

原文章由 Vanessa_mum 於 08-3-14 10:57 發表
我嗰新屋已經裝修咗差唔多三個月, 由12月26日開始, 但係間屋一路都無咩進展, 最激氣就係嗰裝修師傅, 成日都要問我拿錢. 仲有成日做埋啲嘢就係唔合乎羅輯, 例如: 全屋仲未批盪, 就要求傢俬店送晒全屋傢俬來並安裝埋, ...

私人傳訊

積分: 371

5^#

發表於 08-3-14 12:30 |只看該作者

佢要求我俾佢4, 3, 2 & 1, 我到依家都俾咗7成佢啦, 但係佢話18號交樓俾我, 但係仲有好多嘢都未做, 仲話無錢買料, 一日到黑, 都問我拿錢買料同埋俾錢啲工人喎, 但係又俾我發現佢哋, 做嚟做去都係佢2兄弟, 我諗佢應該仲爭班工人錢, 無人肯同佢開工.

咁你話係呢啲情況, 我係咪應該繼續俾錢佢呢, 或者再搵第二個cf再執過呢?

原文章由 Steplau 於 08-3-14 12:10 發表
ohh...另一個食錢騎呢怪, 我個frd裝修 c fu 又係咁不過無拖咁耐, 最尾俾佢'整完', 有d手尾都係搵左第2個 c fu 跟jar!

我新屋裝修梗 , 我個 c fu 都係話一個月度搞掂,佢上一單job 整左28日jar!!!

我都 ...

私人傳訊

chuiiris

積分: 1507

6^#

發表於 08-3-14 12:57 |只看該作者

如果我对個 C F 無信心, 同他講清楚, 18号收樓才比尾數. 現楷段 1個仙都吾比.

每日上去看他搞セ, 如有吾对路叫他執野走, 吾駛再來.

同看更講吾比他入屋,換鎖,
搵第 2 個師傅執手尾.
1個仙都吾比. 影低晒証據, 大佢話有可能再告他賠償損失.

你的損失大過他 .

私人傳訊

beagledog

積分: 3828

7^#

發表於 08-3-14 13:16 |只看該作者

如你真係唔用佢, 唔好等18號, 因為你仲可以話佢未完工唔比尾數, 又拖你成3個月, 仲要寫低佢有咩做錯.

今晚等佢走左即換鎖, 叫看更唔好比佢入大廈, 你執好晒佢d工具, 明天等佢嚟時, 比返晒佢.

你最好搵幾個人嚟幫你, 如果佢玩野, 你就報警.

私人傳訊

積分: 371

8^#

發表於 08-3-14 13:17 |只看該作者

其實我都好認同你啲作法, 但係又好驚啲cf古惑嘢, 因為佢知道我哋住係邊, 驚會影響到我哋一家大細, 所以一路都唔敢做到太絕.

查實我哋日日都有上去賜, 日日都係整少少嘢, 每次都係我哋上去買少少料, 佢就係整果啲.

不過你都講得啱, 我真係對佢無晒信心, 根本大家都無共識, 做落去都無咩意思啦, 我會同我老公再商量吓, 多謝您!

原文章由 chuiiris 於 08-3-14 12:57 發表
如果我对個 C F 無信心, 同他講清楚, 18号收樓才比尾數. 現楷段 1個仙都吾比.

每日上去看他搞セ, 如有吾对路叫他執野走, 吾駛再來.

同看更講吾比他入屋,換鎖,
搵第 2 個師傅執手尾.
1個仙都吾比. 影低晒証據, 大 ...

私人傳訊

Steplau

男爵府

積分: 8066

9^#

發表於 08-3-14 13:37 |只看該作者

上次我個 frd 夾硬完工, 搵第2個 c fu 再執, 要俾多左$, 當破財送走瘟神

佢買d料幾$$ ar?!

俾左7成, 又話18號交樓, 都無幾多日淨啦!
我就唔prefer再俾$$ 佢啦, 俾左佢又唔係買料咪渣都無...

俾埋$$佢, 仲有咁多o野未整好, 爛尾咪仲死, 過左海就係神仙, 咁多o野未整, 俾左$$想佢幫你跟就難lor!

星期日, 佢地應該唔開工架嘛, 你靜靜雞搵個第2個 c fu報價, 睇下執埋d手尾要幾多 $$先! 如果唔太貴, 都係轉c fu...現階段梗係唔好俾$$ la!

再唔係, 你話要sunday睇下咩進度, 完到90%先會再俾$$, 拖住佢先
你唔俾$$佢, 我諗佢又會拖住交樓, 呢d咁o既食$$怪...

原文章由 Vanessa_mum 於 08-3-14 12:30 發表
佢要求我俾佢4, 3, 2 & 1, 我到依家都俾咗7成佢啦, 但係佢話18號交樓俾我, 但係仲有好多嘢都未做, 仲話無錢買料, 一日到黑, 都問我拿錢買料同埋俾錢啲工人喎, 但係又俾我發現佢哋, 做嚟做去都係佢2兄弟, 我諗佢應該 ...

私人傳訊

積分: 371

10^#

發表於 08-3-14 13:49 |只看該作者

Good idea, 我當前就係最想送走呢個瘟神. 若果唔係, 俾咗錢佢, 佢仲係度磨, 浪費晒啲時間.

原文章由 Steplau 於 08-3-14 13:37 發表
上次我個 frd 夾硬完工, 搵第2個 c fu 再執, 要俾多左$, 當破財送走瘟神
佢買d料幾$$ ar?! 俾左7成, 又話18號交樓, 都無幾多日淨啦!
我就唔prefer再俾$$ 佢啦, 俾左佢又唔係買料咪渣都無...

俾 ...

私人傳訊

kingho18

禁止訪問

積分: 193

11^#

發表於 08-3-14 23:16 |只看該作者

提示: 作者被禁止或刪除內容自動屏蔽

私人傳訊

katrinafu

男爵府

積分: 6843

12^#

發表於 08-3-14 23:45 |只看該作者

回覆 #1 kingho18 的文章

你做這行就最清楚了 , 另我有睇你個blog , D裝修好合我心意 , 我正在搵緊樓 , 到時找你報價 !

私人傳訊

積分: 371

13^#

發表於 08-3-15 13:11 |只看該作者

多謝您的專業意見.

我只係簽咗佢啲報價單, 報單價內只係普通的報價, 並沒有任何條款.

另外付款條款, 只係佢口頭話, 行規要4,3,2,1, 所以我先至俾咗7成佢. 一直以來, 我都都係講過信字.

其實, 佢原先口頭承諾, 第一次交樓俾我啲時間係15號, 跟住佢話無錢, 我就俾埋果3成佢 (即係3月3日, 佢就話可以係18號交樓), 但係, 係12號果日, 我哋上咗去睇, 同佢傾有邊啲嘢仲未做及未合乎要求, 佢就話無錢買料, 結果呢2日就咩都無做過, 你話我係咪要同佢即時攤牌好, 因為等多佢幾日, 我又要延遲我啲工程.

原文章由 kingho18 於 08-3-14 23:16 發表

其實你有冇同佢簽約?
如果有就睇清楚先,做到咩(街)段俾邊一期錢,
如果佢未做到某個(街)段,你就無需俾嗰期錢,
直到18號,咁佢就係毀約,你先採取行動,
因為咁做,咩道理都喺你到,
就算佢告上法庭都冇可能會贏,
而你就 ...

私人傳訊

connie04

積分: 1241

14^#

發表於 08-3-15 18:08 |只看該作者

Hi Vanessa_mum,

可唔可以形容下你個CF 係咩樣? 叫咩名, 我早兩年在BK 找了個衰人CF做裝修, 當時又係以為同佢可以靠個信字, 點知最後攪到差點要報警, 而你所形容的CF, 同我找那個有點相似, 又係成日只見兩兄弟開工, 成日要攞$, 做我單工程做了5-6個月, 如果真係同一個衰人CF, 我再話給你知, 那時我是如何對付他.

私人傳訊

Bugslife