樓主,
幾年前我讀IVE的文憑, 交學費係9月同1月既事, 即係2個學期的學期頭, 絕對唔會呢個時候交~ 而且一交就係一萬咁上下, 而且好零丁個數, 唔會幾千!
另外呢, 我講下我堂哥既故事比你聽~
我堂哥佢中三就被人踢左出黎, 工作就時有時冇, 當時有段時間佢係同我地一齊住, 佢學佢老豆去賭錢, 用左我地既地址去借錢, 我老豆知D唔知D咁啦! 應該多多少少都有比錢堂哥!!
跟住有日收到收數佬電話, 大大聲聲恐嚇我地叫我地還錢, 仲走上門! 當時屋裡面只得我同細佬妹, 父母返左工, 堂哥去左玩! 當時我細佬妹都係讀緊小學, 我岩岩升中咁上下, 真係比D收數佬嚇到喊!!
當時嚇到我地死咁濟, 以為咩事! 即刻打電話搵父母, 到父母返到屋企, 我老豆超嬲, 從來未見過佢咁嬲!!
到堂哥返到屋企, 我老豆係咁鬧佢, 好走去賭錢, 仲用呢度地址借錢, 搞到D大耳窿上黎嚇D細路!! 之後我老豆仲激到入廚房攞把菜刀出黎, 係堂哥面前一野斬落一個奶粉罐度, 個罐即刻爛左! 我老豆仲話 "好彩你唔係我個仔, 唔係我而家即刻斬死你!"
我老豆本身係一個好好先生, 好父親, 係我地面前連粗口都唔會講一句, 可以激到佢咁樣, 可想而知當時情況係幾嚴重!!
後尾可能果次老豆發火, 令到堂哥驚左, 同埋醒左D, 就開始返工(返長工), 賭呢, 呢十年慢慢介左, 比以前賭少左好多! 而且返工就從來都冇再停過!!
我想講, 未出事之前, D大人會以為D姪仲細, 幫得就幫, 殊不知咁樣其實係害左佢地, 等佢地以為錢係好易搵返黎, 越借越多, 泥足深陷, 到時想救都未必救得返!!!
而且, 你老公都唔想收數佬上黎恐嚇你地一家架? 有個男人係屋企就話咋喎, 剩係得D細佬係屋企時, 真係唔知果D人會做D咩出黎架!!!
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
發表於 
返回列表
