我試過1次，都好深記憶，果年去泰國（跟團），當晚一入酒店，初初無咩特別感覺，之後我拉開左個梳妝枱下面一個側櫃，之後就開始好暈，暈既情度係我企都企唔到。
咁我就坐響床邊啦，抖左一陣見又無暈諗住起身執野喇，點知一起身，又暈過，仲暈得好利害。我唔知點解即諗到間房住唔到。我當時即落去大堂搵領隊，同佢講我岩岩發生既事，我話想轉房，佢緊係例牌話酒店full哂唔轉得。好彩最後有兩個男性團友主動話同我地轉房。到今日都好感激呢兩位好心團友！
但轉左房係無暈，但都感覺好唔妥。成晚有水聲啦，酒店房地下係有地氈既，但成晚都係拉（登）聲……我住兩晚，都驚到無訓過！！！
之後到左巴堤雅，無哂響曼谷酒店時既感覺，老公先敢同我講返，當晚佢係見到我係自己由腳爭位係咁自己轉，佢都嚇一嚇！原來當時我唔係頭暈，係自轉緊！仲有果兩位男團友，原來第1晚訓就無野既，到第2晚返酒店時，佢地間房全完無哂電，咩都開唔到！之後無辦法下，酒店幫佢地轉左房。佢地同我地講，可能攪唔到佢地，唯有想方法唔比佢地入！
到我地返香港時，果領隊同我講……話其實第1，2晚響曼谷果間酒店係好猛，但當晚真係無房唔可以幫你轉，我真係比佢激死囉！如果唔係果兩位好心男團友！我真係會響大堂過夜都唔會返上果間房！
唔好用自己既諗法,夾硬套落人地身上囉~ 唔該!!!!
發表於 
返回列表
