去左N咁多次台灣, 連個囡都當左台灣係佢第2個家 (成日叫住開既酒店做"新屋企"! 
), 我都收埋相當多既美食名單, 同大家分享下~
最近去完, 有3間我覺得係必食既!
1. 72牛肉麵 -- 可以話係我食過最好食既牛肉麵, 尤其是個湯底(我點左紅燒), 唔辣又諄厚又順口, 食完幾個鐘之後我個口仲會有果陣味既幻覺! (中間已經食左不少野食) D牛肉淋得來唔會完全冇咬口, 好好食~
2. 台南滷三塊 -- 好隔涉下, 但絕對值得一去! 推介黃金蔥花蛋(厚厚的煎蛋餅), 外面香, 入面嫩, 有蛋味又帶少少甜味, 蔥味唔係好覺(我愛蔥, 相信唔愛蔥既JM應該都受得到); 煎虱目魚肚, 煎得勁香脆, D肉好軟嫩有肉汁, 不會乾爭爭 ; 五花肉飯及滷肉飯, 都係帶甜味, 肉好香好林又不會死咸, 好岩小朋友食(我女不停叫要食飯, 好少見!)
3. 永林綜合料理(涮牛肉鍋), 佢係台南好出名, 所以如果會去台南既JM不妨搵黎食下, 係食溫體牛, 我地係點最貴果隻牛肉, NT480左右一碟, 雖然冇安格斯果D咁肉味濃, 但又真係會令你食唔停手架喎~ (認真, 真係唔知點解!) 我地叫左一個共鍋, 2碟牛肉(NT480同290果2款)(價錢係大約, 因為我地掛住食都冇影到餐牌), 仲炒左個菜, 最後食完加一份牛肉碎, 蛋, 飯, 佢地STAFF會幫我地煮成牛肉粥, 呢個先係精華, 絕對要點! 好食到再三回味! 我地決定下次屋企打邊邊都一定要買定一份牛肉碎黎煮粥食~
以下就係我地覺得好食, 如果有打算去果區玩, 可以買黎試下~
1. 北投
-- 王掌櫃私房滷味咸水雞, 佢既咸水雞係我食過最軟嫩又多汁, 我都食過不少台灣人推介既咸水雞, 不過總係覺得佢地D雞比較鞋, 即使雞比都一樣! 王掌櫃既咸水雞比較近似我地既白切雞!
-- 蔡元益紅茶, 我最鐘意佢既無糖紅茶, 好順喉不會澀, 有種回甘既感覺~ 鐘意無糖紅茶既真係要試下~
2. 西門町
-- 辣滷哇, 係熱滷水, 最特別係2面牆上面擺滿晒不同種類既菜, D菜仲要擺到好似花檔咁靚, 青翠欲滴, 睇見都想食~ 而且地方好乾淨, D菜都係洗到好乾淨, 味道都唔錯(我個人好喜歡食菜), 佢就係阿忠碳烤對面, 可以去買D碳烤又買D菜食, 平衡下~
-- 魏姐粉圓, 本來羅東先有得食, 而家西門町都有, 方便好多~ 食過好多不同甜品店既粉圓, 都係佢D最好食~ 連我女都每晚叫我買碗粉圓返酒店食(我地住西門町)
-- 楊記冰(唔係成都楊桃冰啊~), 係永和豆漿附近, 粟米冰好食, 仲有麥角冰唔係度度有, 佢都整得幾好食(食得落麥皮既人會覺得好好食)
-- 永和豆漿, 成日係度買早餐, 好多都好好味~
3. 中壢
-- 壹等品『霸王豬腳』, 推介豬腳飯(中段)! 入口充滿膠質但又不肥膩, 軟林有少少彈牙, 汁咸中帶甜, 食完覺得自己補充左好多骨膠原!! XDD (如冇中段, 可以叫豬腳飯, 口感相似但我覺得中段肉和皮比較平衡, 一起吃好食D, 蹄膀飯我覺得太多皮, 我唔太LIKE)
暫時諗到咁多, 有諗到或試到新野又補充下~
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
發表於 
返回列表
