小學更加冇分 Banding,因為大家都係靠關係(自行)同運氣(大抽獎),同學術成績無關,所以頂多只能叫一線、二線。除非你係講埋班直資、私立。
不過唔係咁多間一線津小係英文教,但係佢地都爭崩頭,Marymount、灣仔 St Joe、Maryknoll、拔小,依家連李陞大坑呢 d 南亞裔鍾意嘅學校都有人乙二不入。其他一線津貼學校都係中小,但係當中好多間學校都非常重視英文,有 d 甚至英文教深半年至一年。以 St Mary's 同大圍聖心做比較,兩間都係中小,但係 St Mary's 一開波第一次測驗就有長答閱讀理解(即係唔可以答一兩個字,要成局寫),小二就已經要學 past tense。大圍聖心小一份卷都係偏淺,有類似 A B _ D 呢種填字母嘅題目,小二都冇任何 past tense。跑馬地聖保祿都開始學女拔小咁,唔用 textbooks 用故事教英文。喇沙同 St Mary's 都一樣,就算係中小,Science 都係英文教。