吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 食飯的規矩

少年成長今日: 2|主題: 15858

收藏本版

發帖

返回列表

跳至頁

查看: 9180 | 回覆: 15

食飯的規矩 [複製鏈接]

csir3290

子爵府

積分: 10977

1^#

發表於 20-5-10 10:51 |只看該作者 |倒序瀏覽 |打印

前幾晚開始又試再回復食飯嘅時候要熄電視嘅規矩。其實由兩個小朋友好細個開始，食飯嘅時候屋企都唔開電視，更加唔好話用電視嚟送飯，因為實在見過太多親戚朋友嘅細路仔食飯嘅時候淨係顧住望電視，又或者食飯嘅時候冇規冇矩跑嚟跑去，食食吓飯又走去玩，啲父母，工人或者老人家又要追住餵，食餐飯要成個幾兩個鐘頭，大人把口就一路鬧話唔準咁，又話再唔食就冇得食，但身體就好似失控咁一路追住餵。有啲細路就更加冇咗部手機冇咗部電視就更加難氹佢哋食飯。所以自細就訓練自己對仔女食飯會有食飯嘅規矩。最簡單食飯唔準開電視，食飯時候就係一家人溝通同傾偈嘅時間。佢哋未入學嘅時候因為日頭屋企得佢哋所以到我哋兩公婆放工返嚟食飯就會成家人好多嘢講，到佢哋返學時，食飯嘅時候又係講好多學校同埋屋企嘅嘢，所以全家人食飯就係溝通嘅時間。

到佢哋再大啲已經有曬呢個規矩，所以食飯嘅時候有陣時就會開電視睇新聞，但係亦都唔影響大家食飯，因為佢兩個嘅規矩已經建立曬。但係因為而家疫情。多咗時間係屋企好多時佢哋一早已經做完曬啲功課同練習，咁我哋就會畀你睇吓卡通，我同老婆亦都多咗時間係屋企，起碼少咗好多OT先，所以屋企嘅食飯時間都早咗，導致佢哋有一套好鍾意睇嘅卡通片，以前可以睇完先食飯，但係而家因為早咗食飯所以套卡通片做咗一半佢哋就要食飯，又唔忍心佢哋睇睇下熄咗部電視，佢哋好似好唔開心咁，所以就畀佢哋睇住食。但係點知我老婆就成日話佢哋啦淨係顧住望住個電視，終於話咗兩日，如果再望住部電視食飯就唔準開電視。但係因為套卡通片可能真係太吸引，我老婆終於都忍唔住所以我哋又回復熄咗電視先食飯嘅規矩。

其實呢啲都係訓練小朋友守規矩最基本嘅方法。要小朋友守規矩，最重要就係要由家長開始，能唔能夠營造一個環境令佢哋知道規矩係點，除咗要同佢哋講個規矩係點之外，仲要有唔守規矩相應嘅後果。我唔係話一開始就要罰要鬧，好似食飯睇電視咁，如果講咗話唔專心食飯就熄電視，就一定要做到。講咗食食吓飯離開開張枱去玩就會收嘢冇得食就要做。我自己對仔女都試過好細個嘅時候食緊飯行開咗去玩，當警告咗一次兩次之後，真係試過收曬佢哋啲飯冇得食。當佢哋知道父母真係講得出做得到嘅時候，佢哋就會知道守規矩。好似我對仔女咁自細習慣咗食飯唔開電視，唔可以離開張枱，更加唔好講話玩玩具。咁好快佢哋食飯就已經唔係一個問題。有啲家長可能會覺得要小朋友守規矩好似好難，好多時問題都係出自於家長自己可唔可以一齊守到個規矩，有陣時會唔會自己心軟。我自己嘅睇法就係開頭可能有少少唔開心，但係長遠佢哋就學到個規矩亦都會習慣，反而減少咗之後嘅麻煩同埋唔開心，可能就係長痛不如短痛。另一方面家長自己本身有冇一套規矩亦都係好緊要，因為細路仔其實都係跟家長。好簡單你要細路仔專心食飯，會唔會家長自己都係揸住部手機嚟食飯呢！要細路仔有規有矩，家長自己都應該先做到有規有矩。

0 0 0

私人傳訊

CMMANDY

公爵府

積分: 27323

牛年勳章

2^#

發表於 20-5-16 17:27 |只看該作者

如果有my tv super, 食完晚餐追返個卡通, 無既, 就吾好推前食飯時間, 人人都想有娛樂, 肯看卡通, 吾追父母陪玩, 大人都自由d 喇!

你看唔看英超足球架, 間吾中, 早埸7:30 開波, 如果一向7:30 吃晚餐, 係咪要大家吃完才可以看呢? 其實, 規律係規律, 不過有動彈性既,

, 例如, 卡通係星期一至五5:30做既,看完才吃, 星期六日咪吾洗咁咯, 5:30 / 8:00吃

私人傳訊

kcwss

禁止訪問

積分: 2053

3^#

發表於 20-5-16 19:29 |只看該作者

回覆樓主:

提示: 作者被禁止或刪除內容自動屏蔽

私人傳訊

ppiikkoo

男爵府

積分: 7232

4^#

發表於 20-5-17 11:09 |只看該作者

就我嚟睇呢個唔係睇唔睇電視問題而係規矩問題無規不成方圓要小朋友自小守規矩好重要但如果比佢哋咁做即使大人係容許佢哋隨便打破規矩

私人傳訊

csir3290

子爵府

積分: 10977

5^#

發表於 20-5-17 18:09 |只看該作者

回覆 ppiikkoo 的帖子

同意!!

私人傳訊

MeBeHe

大宅

積分: 3782

6^#

發表於 20-5-30 16:41 |只看該作者

回覆樓主：

本帖最後由 MeBeHe 於 20-5-30 18:31 編輯

我嘅食飯規矩就係唔准用電話

之前阿仔好沈迷電話邊玩邊食一係就開住youtube睇住黎食
我自己其實都會電話喺檯面有wsp都總會忍唔住睇下

初初定規矩阿仔都唔太遵守仲發脾氣
我就叫佢二選一你一係就離開飯檯玩埋先一係就放低電話坐埋黎食飯
佢慢慢就習慣左開飯就放低電話

定左規矩之後非常之好大家都放低電話
大家可以傾下電視劇傾下時事
難得有個時間大家溝通下

犯規嘅就要罰洗碗

阿仔被罰過兩三次就唔敢了

私人傳訊

csir3290

子爵府

積分: 10977

7^#

發表於 20-5-30 18:29 |只看該作者

回覆 MeBeHe 的帖子

所以其實唔係冇辦法，衹係能唔能夠堅持。

私人傳訊

niu

男爵府

積分: 7417

8^#

發表於 20-6-7 20:46 |只看該作者

我有少少唔同意，其實係唔係你早左食飯在先？即係，破壞規矩嘅係大人？

私人傳訊

csir3290

子爵府

積分: 10977

9^#

發表於 20-6-7 22:51 |只看該作者

回覆 niu 的帖子

我就覺得食飯嘅規矩就係食飯嘅時候用，唔理幾時食或者係食邊一餐飯總之就係食飯時候嘅規矩。況且香港有幾多家庭真係可以做到日日準時食飯呢！

私人傳訊

niu

男爵府

積分: 7417

10^#

發表於 20-6-7 23:41 |只看該作者

csir3290 發表於 20-6-7 22:51
回覆 niu 的帖子

我就覺得食飯嘅規矩就係食飯嘅時候用，唔理幾時食或者係食邊一餐飯總之就係食飯時候嘅規 ...

你有你道理。

私人傳訊

子爵府

積分: 10825

好媽媽勳章環保接龍勳章

11^#

發表於 20-7-15 18:06 |只看該作者

csir3290 發表於 20-5-10 10:51
前幾晚開始又試再回復食飯嘅時候要熄電視嘅規矩。其實由兩個小朋友好細個開始，食飯嘅時候屋企都唔開電視， ...

本帖最後由 KW 於 20-7-15 18:15 編輯

绝對認同。我屋企一向吃飯唔開電視，小朋友由小至大都習慣了。一家人晚飯時間是傾下日常學校/公司遇到的趣事甚至瘀事，一家人習慣用晚飯時間傾計溝通。我自己小時候家教也規定吃飯不開電視以免掛住睇電視唔吃飯。另外，我亦講明和長輩飯茶/晚飯不可以低頭玩電話好似搭枱咁，這樣做是不尊重在場的長輩，也錯失關心長輩，學懂做後輩的態度。我地係要知道乜場合做乜事。

私人傳訊

csir3290

子爵府

積分: 10977

12^#

發表於 20-7-15 19:19 |只看該作者

回覆 KW 的帖子

好家教!

私人傳訊

子爵府

積分: 10825

好媽媽勳章環保接龍勳章

13^#

發表於 20-7-15 20:12 |只看該作者

csir3290 發表於 20-7-15 19:19
回覆 KW 的帖子

好家教!

只是盡力教而已。教到學到的話係對佢地將來為人處事有益處。

私人傳訊

FashionBabe

禁止訪問

積分: 630

14^#

發表於 20-8-23 18:09 |只看該作者

提示: 作者被禁止或刪除內容自動屏蔽

私人傳訊

hyhyhy

別墅

積分: 731

15^#

發表於 20-9-9 09:10 |只看該作者

csir3290 發表於 20-5-10 10:51
前幾晚開始又試再回復食飯嘅時候要熄電視嘅規矩。其實由兩個小朋友好細個開始，食飯嘅時候屋企都唔開電視， ...

我見你話如果唔係套卡通，小朋友係會遵守規矩，對一個小朋友嚟講睇唔到心愛的卡通係大事，咁不如你改變食飯時間，藉此教佢哋「互相尊重」的重要。因為將來在學校同同學相處，都要在規矩及專重之間取得平衡，例如做project, 點樣manage組員有唔同available 的時間，但個project 又要在大家心悅誠服之下進行，有啲同學仔係特別適合做leader, 我覺得係細個生活環境所致