吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 有無媽媽會係聯合生？

懷孕前後今日: 35|主題: 329783

收藏本版

發帖

返回列表

跳至頁

查看: 6585 | 回覆: 9

有無媽媽會係聯合生？ [複製鏈接]

babywhat95

複式洋房

積分: 322

1^#

發表於 22-2-24 19:53 |只看該作者 |倒序瀏覽 |打印

應該會係聯合生，有媽媽都係嗎？

0 0 0

私人傳訊

sillysi

別墅

積分: 870

2^#

發表於 22-2-24 22:50 |只看該作者

我 12 月 31 日喺聯合生完

私人傳訊

kysva

複式洋房

積分: 312

3^#

發表於 22-2-25 12:16 |只看該作者

sillysi 發表於 22-2-24 22:50
我 12 月 31 日喺聯合生完

聯合好嗎？感覺如何？

私人傳訊

melissssa

洋房

積分: 84

4^#

發表於 22-2-25 18:21 |只看該作者

回覆 babywhat95 的帖子

我會係聯合生丫，不過係今年10月預產期。之前兩胎都係聯合生，so far感覺良好，第二胎時係剛爆疫情，無得陪產，感恩遇到一個好好既助產士，不斷鼓勵我，生完又主動幫我同bb影相影片🥰

私人傳訊

natural_life

複式洋房

積分: 462

5^#

發表於 22-2-25 21:24 |只看該作者

我黎緊10月都打算係聯合生，我住tko
有無人可以分享下

私人傳訊

為食寶B

大宅

積分: 2040

6^#

發表於 22-2-27 22:20 |只看該作者

babywhat95 發表於 22-2-24 19:53
應該會係聯合生，有媽媽都係嗎？

我9月聯合生
姑娘so far 都好nice

私人傳訊

sillysi

別墅

積分: 870

7^#

發表於 22-3-2 14:38 |只看該作者

聯合都幾好，初時掙扎聯合定私家好，我 38 歲高齡，又有 3 粒子宮肌瘤，都驚私家唔收，最後都揀左公院，始終設備係齊 d，有咩事可以即刻急救。

我係夜晚 10 點幾見紅入院，姑娘都好詳細解釋入院情序，bb 出世後打針同意書，剪會陰同意書等等。

跟住帶我去待產房檢查，肚上駁住兩條帶，check 媽媽同 bb 心跳，陣痛指數，隻手俾個掣你數 bb 胎動。嗰晚好多姑娘，醫生輪住check 宮頸，少少唔舒服，但唔痛。

因為我已經過晒預產期 40w3d，所以未穿水都幫我入院催生，之後就換衫，留小便同留口水檢測，檢測無事先可以聞笑氣。

返上床後，繼續 check 住 bb 心跳，姑娘會俾本書仔你睇，睇下各種舒緩痛楚既返法，仲會教你駁衛生巾，記得一定要買有扣嗰種，而且帶 2 包穩陣 d，因為喺產房時都幾粗用，次次檢查宮頸，放尿就會掉左舊嗰塊，我生完離開產房已經用晒 1 包，上病房未落床都要有人幫你換。

醫生種豆，都係一下少少痛，之後係郁到佢好冤唔會痛。

跟住就推我過產房，嗰晚全層得我一個產房門外有 mon 住心跳，陣痛，應該成晚得我一個，所以全晚十幾個姑娘圍住我好好服務。

12 點幾有醫生再檢查宮頸，宮頸口已成熟，所以會直接用催生藥，唔駛再軟化宮頸，落藥前幫我人工穿水，我見唔到坊間講既用尖野拮穿，我只覺得係醫生用人手伸入去拮穿，過程唔痛，突然有陣暖暖地感覺，因為 d 胎水就流出嚟，話會一直流到完為止。

我穿完水後都無陣痛，1 點幾開始落催生藥，過左陣見到我陣痛唔夠多，所以再加藥。我到 3 點幾已經痛到顛，開始問姑娘無痛分娩，姑娘話我檢測報告出左，不如試左聞笑氣先，到 4 點幾再問姑娘無痛分娩，話我已經開左 4 度，無痛唔係咁適合，叫我試下打止痛針，公立醫院唯一唔好係好難先會俾你打到無痛。

我聞完笑氣都已經好模糊，加埋眼訓，4 點幾打電話俾我老公叫佢可以過嚟醫院準備陪產，度數未開晒前，老公可以入產房陪住我，佢見我每次陣痛都好辛苦但又幫唔到手，可能仲嚇親佢。

因為自己無辦法排尿，但膀胱脹會影響 bb 頭落，所以要插尿喉排尿，到時陣痛到已經俾姑娘插左幾多尿喉都無感覺。

去到 9 點幾話我度數已經全開，就喺床度拉個腳踏出嚟，準備分娩，跟住姑娘會教點 push，hold 住呼吸 10 秒用加 push，push 既時候好似係醫生會用手指不斷拉開我會陰既肌肉，幫 bb 頭仔慢慢落，我本身生之前都有幫自己做會陰按摩，不過醫生用既力更大，所以都幾痛，不過佢唔拉開 d 肌肉 bb 頭仔更加出唔到，甚至爆開，去到咁上下姑娘會打局部麻醉剪會陰，聽到剪落去既聲但唔會痛，跟住我再 push 時已經見到姑娘扶住頭仔慢慢出緊，跟住就有舊暖粒粒既野喺我肚上剪臍帶，我嗰刻覺得成件事好 amazing。

跟住到姑娘處理胎盤，佢會用力按摩個肚，幫助排出個胎盤同瘀血，之後再鏠針，鏠針都有局部麻醉，同時都俾定笑氣我話痛就聞，痛都係幾下拮入皮膚痛，嗰刻攰到無咩反應。

由痾阿 b 出嚟嗰刻計 1 小時就可以推返我上病房，由痾阿 b 出嚟嗰刻計 10 小時唔落得床，嗰時係早上，可以叫老公喺 canteen 買飯俾你食，未落得床記住唔好飲太多水，分 10 個鐘去慢慢飲，我急過龍痾唔出，就算到落得床都痾唔出，姑娘會檢查膀胱，爭 d 要插尿喉排尿，生完突然驚左插尿喉，我用意志用左 6 小時慢慢將 d 尿排清。

未落得床姑娘已經埋嚟教揸奶，總之有咩問題可以隨時問姑娘，點換片，點幫 bb清潔，有問必答。

我 bb 出世發燒，佢要住兒科病房，抽血驗係 C 蛋白感染指數上升，所以要訓箱 + 打 7 日抗生素，我第二日早上已經可以落去兒科病房探 bb，姑娘仲觀察到佢喊時有雜聲，再轉介去呼吸科，依家出院都排左個期俾 bb 返去覆診。

聯合成個生產過程我覺得係幾好，私家未必觀察到咁多野，又未必幫你繼續跟進，同埋有咩照顧 bb 既問題都可以問，我喺兒科甚至提出想學出涼，佢地會留一個時間俾我試下幫 bb 沖，有姑娘望住指導，起碼出院返屋企自己幫 bb 沖都無咁驚。

私人傳訊