吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 給T21 Positive 的媽媽

懷孕前後今日: 3|主題: 329759

收藏本版

發帖

返回列表

跳至頁

查看: 11207 | 回覆: 11

給T21 Positive 的媽媽 [複製鏈接]

motmotmot

複式洋房

積分: 168

1^#

發表於 23-1-19 19:25 |只看該作者 |倒序瀏覽 |打印

在剛剛的12月底, 收到了T21 report, 一向只視作「走流程」做一做, 同知道男定女, 真係無諗過打開報告, 會見到紅字的 POSITIVE.
見到之後呆咗, 完全唔知即係咩事, search了一下, 中咗21, 即係唐氏, 心知不妙. 接住落嚟的幾日, 我google了很多, 出呢個POST係希望, 將來某1日, 有媽媽遇到呢個情怳, 可以有一個概念, 想幫下同路人.

首先, 如果你是search到我呢個POST, 即你遇到相似的情怳, 實不相瞞T21準確度係>99%, 不要浪費時間找翻盤的post去安慰自己. 直接去確認一下.
T21是screening, 不是診斷, 以下我係我睇完google所做的過程, 也請問你的產科醫生意見
收到T21的當日已經是13W, 週數不少了, 但撞正除夕假, 很焦急
要確定是否真的中了21即唐氏, 我是這樣的:

報告後第4天
1) 找有做早期結構的醫生, 睇下有冇唐氏表徵, e.g. 心臟, 鼻骨, 頸皮等
唔好彩我踩正幾日假期, 我一朝早找到林勇行醫生, 很感謝他和姑娘讓我即日去做驗查, 結果已經見到有明顯問題, 那一刻我已沒有再想可以翻盤

2)抽絨毛
13-14週就可以做抽絨毛, 如果再大D去到16W可以抽胎水, 好多Post話胎水先係100%準, 絨毛都有機會有ddddd機會有差, 但我問過3位醫生, 都認同T21+表徵+絨毛都中, 其實都係中的了
因為我掛嗰間政府醫院唔係日日都有得睇, 雖然話絨毛可以去政府做, 但要2日後先見到醫生, 再俾期做絨毛, 實在拖太耐, 所以我即時俾多$5000做埋絨毛, 2日有結果, 做絨毛都係少少痛, 唔使太擔心

報告後第5天
其實做咗早期結構我已打定輪數, 已經預咗要引產, 之後我又開始準備, 因為我接生的醫生是不做引產的, 而引產身體都太辛苦, 我不想去公立, 想有老公陪, 所以已決定燒錢去私家
約了醫生見, 檢查同睇完報告, 就幫我安排仁安醫院引產, 由於週數較大, 吸宮不能用, 只可以塞藥, 我自己痾/生出嚟, 真係好似惡夢一樣, 要經歷陣痛自己痾. 說實話費用真係唔平, 但我只想盡快解決

報告後第6天
去仁安做核酸, 回公司交代一下工作安排, 執定野準備入院
其他除咗報告都無乜野要帶, 可以帶少量麵包蛋糕

報告後第7天
一朝早8點入院, 醫生己經到了, 講多次一陣安排, 就入房開始
醫院安排了做引產的1間房, 不會和生bb的一起, 2人1房
藥流1個course係塞5次藥, 醫生話人人反應唔同, 有人塞晒5次都未排到. 要再塞第2個course, 我好驚過咗探病時間晚上9點都未排到, 咁老公就要走, 得我1個人. 我同Bb講乖乖出嚟, 我地好快可以再重逢的
我10點開始塞第1次, 3小時1次, 中間都係喺房休息, 可以叫食野.
藥係姑娘塞, 塞係唔痛的, 塞完第第1粒即想嘔, 個肚少少拉扯, 第2粒有少許M痛感覺, 到4點塞第3粒, 開始嚟料
感覺到宮縮, 而且次數好多, 每分鐘至少2次, 15 mins開始頂唔順, 叫姑娘打止痛針, 又過咗15Mins, 痛到忍唔住明知隔離床有人都大叫好痛好辛苦, 喊晒咁, 姑娘見我咁就叫我坐住個盤, 話如果feel到有野頂就用力, 其實我已經痛到癲, 唔知可以點用力, 又再痛咗10mins左右, 感覺到真係有少少頂住, 一下就排出來, 聽到噹一聲觸碰到鋼盤的聲音, 雖然不用痛, 但還是傷心的大喊了, 姑娘叫我合眼不要看, 她驗查一下, 話胎盤未出, 佢教我另1個Pose, 用力, 隔咗一陣也排出來了.
之後醫生用超聲波驗查, 同用夾用清一清子宮, 暫時不用做手術刮宮, 出院後7-10天再回去驗查.
休息一晚, 第2天中午就可以回家.

回來休息身體沒甚麼大不適感, 主要是會谷奶, 24小時穿較緊的bra, 再飲下麥芽淡豆豉, 第3天還出奶和脹痛, 第4天之後已經好了一點.

由收到報告, 到引產, 1星期之間已是天堂與地獄. 聖誕節時還在開開心心的渡過, 心中感恩自己幸運, 真係無諗過幾日後就掉進了深淵
至今2星期, 頭幾日, 靜下來的時間, 內心很難受, 開始想, 咁低機會, 咁唔好彩都遇上, 如果無中幾好. 到最近幾天對所有事都無動力, 每日就睇手機休息咩都唔想做。完成引產後想念bb才是難受的開始, 我都不知道要幾耐我先可以走出呢個傷心的情緒。有1天放下了, 心中也不會遺忘曾經來過的bb

希望各位在懷孕路上遇到困難的mama也加油, 祈望很快可愛的bb也會來臨我們的家。

0 0 0

私人傳訊

Nbs

水晶宮

積分: 56521

2^#

發表於 23-1-19 19:45 |只看該作者

想請問，仁安邊位醫生可做>12 週的引產？

私人傳訊

fifi3388

大宅

積分: 1772

3^#

發表於 23-1-19 20:06 |只看該作者

motmotmot 發表於 23-1-19 19:25
在剛剛的12月底, 收到了T21 report, 一向只視作「走流程」做一做, 同知道男定女, 真係無諗過打開報告, 會見 ...

你好勇敢，寶寶一定好快番黎你地身邊！

私人傳訊

ninewest882

大宅

積分: 2008

4^#

發表於 23-1-20 00:03 |只看該作者

媽媽加油呀，我係上個月係仁安做咗吸宮，我係11W6D（同我準備做T21相差3日）發現BB冇左心跳，胎停咗係9W2。我已經坐完小月子，過幾日準備同大囡，老公去旅行散心。其實我到而家呢一刻我都係度捻，點解我個BB會離開我？夜深人靜我會流眼淚，好掛住佢

其實我地一家人都好期待細B的到來，可惜真係未夠緣分。但我相信好快佢會健康來搵我地。呢段時間記得坐好月，好好休息夠，記得有咩唔開心要同朋友，屋企人傾訴。我嗰陣好在有一班好姊妹傾訴下，日子好快過。當然內心都係好傷，唯有同自己講，當大家都準備好，佢就會返來架啦。

私人傳訊

射手貓

大宅

積分: 1990

5^#

發表於 23-1-20 01:43 |只看該作者

motmotmot 發表於 23-1-19 19:25
在剛剛的12月底, 收到了T21 report, 一向只視作「走流程」做一做, 同知道男定女, 真係無諗過打開報告, 會見 ...

我第1胎無原因胎停
都係大約12w塞藥
但塞1次勁快已經尼料
可能我比較忍得痛
後生m痛強烈
所以忍到死都唔叫出聲
（第2胎催生藥加到最大都無叫聲）

放心 bb未準備好
漏左野未拎齊
好快會返尼的
2年後第2胎就返尼喇
仲要係勁大隻健康
而家3歲
第3胎下月出世
產檢又係勁大隻

bless you