首先講吓要唔要選中介
喺資料蒐集嘅過程中，我睇到好多人都選擇自己去，香港人去過嘅有杰特宁，個度有中文翻譯，如果自己去嘅話可以選擇。但小診所(我去個間）啲接待其實中文同英文都不太好。我以為自己英文都不錯，原來泰國人的英文只懂單字，他們本身以為我有請翻譯，點知我係自己一個人去，即刻面有難色，抽血或者去廁所都只可以講英文單字或短句（pls go toilet, take off shoes etc)。但翻譯都唔平，無論你係小紅書定係去到醫院自己請都係2000 銖(四小時或每次）我感覺上我唔一定要有翻譯，尤其是香港人國語又唔係特別好，請過中文翻譯翻譯做國語再講返俾我聽，不如我直接用英文同醫生溝通。另外翻譯嘅作用都係幫你叫下外賣同你一齊等抽血，我通常都係抽完血直接返酒店兩個鐘頭之後等結果見醫生。但我見其他夫妻同翻譯就會喺診所度等幾個鐘，翻譯嘅作用就好似一個接待，幫你安排文件、定外賣、陪你一齊等幾個鐘。
我嘅中介服務費（一促一移一個週期28 天酒店）本身係$30000港幣，包酒店、包機場接送、包兩張電話卡、幫我翻譯、包文件對接。
但我話酒店我可以自己訂、機場接送我可以自己做，翻譯我可以用英文跟醫生溝通，所以本身不打算給中介。中介話本身翻譯要$9000、加埋酒店、會比較便宜。佢話可以唔收我錢，因為診所會俾返一萬蚊傭金佢(另外佢話泰國任何一間醫院也可以，她也會收到回傭），因為我自己私人需要，同埋覺得佢較真誠，另外文件對接方面亦都比較方便到最後我決定跟呢間中介簽約，比多一萬蚊佢做服務費（我覺得唔俾錢人哋係唔會為你服務）。咁就簽約了。
過程: 基本上，月經第二、三天要到泰國見醫生，每日自己係酒店自己打針16:00/18:00，Day 2, Day 6, Day 10, Day 12總共四次早上9:00左右返去見醫生、照超B，兩星期都要在泰國
取卵當日:
由月經开始第十四天終於取卵，沒有痛楚，非常感謝医生、診所、中介。
早上6:45 準時一個人到達診所，先量血壓，去個廁所，7:00 跟护士入房換衫（不可以化妝，6 小時前都不可以食和喝包括水），準備好了入手術室，挺多人，一個男痳醉師、四個护士、医院的翻譯（我沒有付錢但也好好的來了）、医生进來，簡單講解過程吸了全身痳醉，醒來已經2 小時後。完全不痛。診所給了粥我食，医院的翻譯/护士講解之後食藥和移植過程，付了費我便一個人走了。至今我都沒有痛。
發表於 
返回列表
