婆媳關係今日: 9|主題: 27701

收藏本版

發帖

返回列表

跳至頁

查看: 1453 | 回覆: 2

好激氣, 扮失憶,又比壓力我c6 [複製鏈接]

barbie公主

大宅

積分: 1183

1^#

發表於 09-8-3 10:24 |只看該作者 |倒序瀏覽 |打印

前日食老爺生日飯, 我無咁早上去酒樓, c6陪99打牌.尋日我同c6行街睇傢俬,坐左0係張梳化度, c6突然話食飯前99又問佢做咩結左婚兩年都仲未有細路?

呢個問題, 0係今年過年前佢已經問過, 我地都直話直說左佢知咩原因, 係因為c6嘅丁丁問題, 睇緊好多醫生, 睇埋不育科,食緊藥. 之後99又耐唔耐拎出黎煩c6, c6知道係自己嘅問題, 已經好唔開心, 我同我父母都無同佢提起, 因為唔想比壓力佢. c6好乖, 佢知自己有事, 叫佢食咩藥佢都肯食, 我媽煲d好難飲嘅補品比佢佢都照吞.
但呢個99咩都唔做, 淨係不停咁問做咩咁耐仲未有孫抱, 比壓力個仔, 但就無為個仔做過d咩野, 連最普通煲d好湯水都無, 淨係顧住打牌!我聽到當然勁唔開心, 睇見c6同我講時, 佢都好sad.
我話之前一直都同佢講左發生緊咩事喎, 點解又提?c6話99老了, 真係會唔記得野. 不過c6加多句, 99係鍾意嘅野就記得, 唔鍾意嘅野就唔記得囉. 我頂!
如果佢繼續扮失憶再煩c6, 我應該點做好? 我真係唔想c6因為呢件事再唔開心.