在職全職

收藏本版
發帖
返回列表
跳至頁

首頁
12

尾頁
   0
happy_cow


大宅

積分: 1451


1#
發表於 09-10-25 16:56 |只看該作者
如題, 點搞
私人傳訊

happy_cow


大宅

積分: 1451


2#
發表於 09-10-25 17:02 |只看該作者
由結婚嫁入呢個屋企，關係開始有變化，大ｂ出世就更明顯，因為咁，自己嘅情緒曾經好差；依家有埋細ｂ，仲更明顯．
試過覺得好辛苦好辛苦，好想離開呢個屋企，”離婚”又似乎唔抵，其實老公好鍚我，對我好好，我亦都好愛佢．但我真係受唔到老爺奶奶呢套，長此落去，我知道自己會有一定嘅問題．
點算好
私人傳訊

Narumi00


大宅

積分: 1394


3#
發表於 09-10-25 18:13 |只看該作者
搬屋?
原帖由 happy_cow 於 09-10-25 17:02 發表
由結婚嫁入呢個屋企，關係開始有變化，大ｂ出世就更明顯，因為咁，自己嘅情緒曾經好差；依家有埋細ｂ，仲更明顯．
試過覺得好辛苦好辛苦，好想離開呢個屋企，”離婚”又似乎唔抵，其實老公好鍚我，對我好好，我亦都好愛佢．但我真係受唔到老爺奶奶 ...
私人傳訊

emma_lws


大宅

積分: 2664


4#
發表於 09-10-25 19:28 |只看該作者
原帖由 happy_cow 於 09-10-25 17:02 發表
由結婚嫁入呢個屋企，關係開始有變化，大ｂ出世就更明顯，因為咁，自己嘅情緒曾經好差；依家有埋細ｂ，仲更明顯．
試過覺得好辛苦好辛苦，好想離開呢個屋企，”離婚”又似乎唔抵，其實老公好鍚我，對我好好，我亦都好愛佢．但我真係受唔到老爺奶奶 ...

我同我奶奶都溝通唔到嫁..依家成棚人一齊住..
仲有個太麻..所以我依家都係等搬屋咋..
你放鬆D心情啦..或者咁..我以前陀BB睇過D書
佢話建議D新抱係奶奶面前就用佢個方法湊仔
係背後就用返自己方法囉..不過我唔知你係咪因為呢D問題啦
總之有乜問題都可以上黎傾下..大把人幫到你

私人傳訊

我愛Corina


瑪瑙宮

積分: 134435

2024年龍年勳章 2024勳章 好媽媽勳章 醒目開學勳章 環保接龍勳章


5#
發表於 09-10-25 20:56 |只看該作者
好彩我老爺奶奶都唔太差....
不過有個太99,佢好煩...仲有個間唔中返黎既姑奶都好煩....

雖然老爺奶奶對我幾好,但湊BB都有D分歧,不過我不停同自己講,BB係佢地個孫,一定係錫架啦....如果到自己真係頂唔順,我會搬走....
私人傳訊

happy_cow


大宅

積分: 1451


6#
發表於 09-10-26 00:11 |只看該作者
我都係咁諗, 大b細時老公唔理架, 佢怕兩面都得罪, 會叫我忍, 我仲唔開心.

以前一齊住, 大家有心病, 依家搬開, 又同人地講我要分開佢地同啲孫... 奶奶仲教大b講, 唔好鐘意媽咪要嫲嫲,... 我心痛極了. 而且仲特登"種"孫, 大大聲講老人家種孫應份架... 大b經已好難教, 而且全職媽媽照顧小朋友, 方法唔同, 小朋友好易受佢果套....

我... 真係好難受, 老爺奶奶覺得我唔好, 唔認同我, 冇問題, 邊有人話新抱好丫... 不過唔好教壞我啲小朋友呀..
私人傳訊

gutgut22


男爵府

積分: 6658


7#
發表於 09-10-26 03:35 |只看該作者
我會搶返個仔返黎話架喎~嘈架又點姐~話我又點姐~理得佢~個仔係我生出黎~唔係99同62想點就點~最好就搬出黎唔好一齊住~唔係就忍~無計~我自己都係等緊儲夠錢就搬~

私人傳訊

我愛Corina


瑪瑙宮

積分: 134435

2024年龍年勳章 2024勳章 好媽媽勳章 醒目開學勳章 環保接龍勳章


8#
發表於 09-10-26 06:27 |只看該作者
原帖由 happy_cow 於 09-10-25 16:11 發表
我都係咁諗, 大b細時老公唔理架, 佢怕兩面都得罪, 會叫我忍, 我仲唔開心.

以前一齊住, 大家有心病, 依家搬開, 又同人地講我要分開佢地同啲孫... 奶奶仲教大b講, 唔好鐘意媽咪要嫲嫲,... 我心痛極了. 而且仲特登"種" ...

即係已經搬開左??
你地住得好近架?
你唔洗心痛,佢講je,你大b彩佢至得架,小朋友好知架...知道媽咪永遠係最好架...

不過佢地又幾攪笑wor,分開佢地同d孫!!!
你老公細時同你太62,太99一齊住架咩??
私人傳訊

happy_cow


大宅

積分: 1451


9#
發表於 09-10-26 18:06 |只看該作者
唉, 錯在我當初錯誤決定... ... 結婚冇耐開始覺得同佢地唔對路, 同老公講不如搬, 但老公好孝順, 為免大家唔開心, 我接受住係同一屋苑... 原來... 我錯了. 佢地有埋鎖匙, 老爺奶奶當然可以日日上黎, 後來我鋇門(一定要我地係裡面開門), 佢地咪有說話... 老實, 如果你地可以自出自入, 我同冇搬冇分別... 我自己媽咪都冇鎖匙啦

搬左, 佢地就你一句我一句, 表面對我好好, 但就同個仔講, 話見唔到個孫, (其實個大孫要返學, 一至五當然唔得嫻啦, 星期六陪公公婆婆食飯, 星期日就陪爺爺嫲嫲飲茶), 佢地又呻唔公平, 但忘記了weekday有3-4晚係一齊晚飯... 又六即係, 除環境有少少改變外, 我地生活根本冇改變

依家又黎啦, 話我唔俾個孫佢地... 係我... 令佢地同個仔同啲孫分開.... 唉... 如果當初你個仔唔同結婚, 你地咪一齊lor..

我好驚呀, 大b出世時我因為呢啲野成日喊, 覺得好辛苦, 因為咁, 我之後有咗bb都唔夠膽要, 經已累咗一個生命, 後來, 覺得唔應該俾佢地影響, 因為除咗婆媳問題外, 老公真係好好好好... 當我決心要幫佢生多個bb時... 問題又黎啦, 細b依家出世啦, 老爺奶奶又要大b, 對佢地黎講, 我唔係新抱, 只係呢個家啲一個生仔機器, 曾經我奶奶對我講唔怕我點諗, 唔會對我好, 亦唔須要理我感受, 因為佢自己對佢個仔好就得... 但女婿就唔同, 怕啲女俾人蝦, 所以... 佢對女婿真係好好... 我就更加覺得會諗, 係呢個屋企自己係咩呢? 老公一唔係屋企我就仲難受... 老爺奶奶試過老公唔係屋企時抱咗阿b入房鎖門... 又係果句, 大b見番我時就話唔要媽媽... 我雙重心痛呀...

依家搬咗, 問題似乎冇咗, 其實仲大, 佢地仲有更多嘅借口.. 而我又變番以前嘅我, 小小事就兩行眼淚, 收唔到制.. 又唔可以番屋企同媽咪傾怕佢擔心, 雖然自問年紀唔細, 但朋友又未婚, 我根本搵唔到人幫, 我自己都開始驚啦...而且全職媽媽, 可能期望大, (對自己, 想事事照顧好小朋友), 壓力同時間都好大....

*.p.s. 老公細個都係同老爺奶奶幾兄弟姐妹自己住... 冇上一代, 如果奶奶唔得嫻, 都只係搵自己媽咪幫

[ 本帖最後由 happy_cow 於 09-10-26 18:07 編輯 ]
私人傳訊

estherm


大宅

積分: 1975

好媽媽勳章


10#
發表於 09-10-27 02:46 |只看該作者
你好, 其實我同你個case都幾似, 我老公對我都好好, 佢又係唔識點樣同佢阿媽deal, 我地唔係一齊住, 但住得好近, 佢阿媽都有key, 但我老公強調一定要先打電話通知先可以上來,不過佢次次都差不多到樓下先打電話, 我有時會唔聽佢電話, 佢就會係我樓下行來行去同向我老公投訴知我屋企有人唔聽佢電話等等。真實我同99關係原先都係一般,因為佢實在太多無理要求同太愛管我既事。不過我正式頂佢唔順係因為係我阿B出世3日佢同c6講 "I'll come to see my grandson everyday. I dont care how she feels and that she needs to rest" Fine, 我決定唔需要再理佢感受。總之因為佢我有產前+產後抑鬱, 時常喊。之後我同c6成日因為佢而唔開心,而家我覺得我同佢既距離越來越遠, 我地搵緊屋搬遠D, 希望我地既關係會好D啦。所以你試下同你c6講下你既感受, 等佢同6299傾。重有, 唔好理佢地既閒言閒語, 最緊要小心身體, 照顧好大B先!
私人傳訊

我愛Corina


瑪瑙宮

積分: 134435

2024年龍年勳章 2024勳章 好媽媽勳章 醒目開學勳章 環保接龍勳章


11#
發表於 09-10-27 04:56 |只看該作者
原帖由 estherm 於 09-10-26 18:46 發表
你好, 其實我同你個case都幾似, 我老公對我都好好, 佢又係唔識點樣同佢阿媽deal, 我地唔係一齊住, 但住得好近, 佢阿媽都有key, 但我老公強調一定要先打電話通知先可以上來,不過佢次次都差不多到樓下先打電話, 我有時 ...

你奶奶咩人黎架...
咁都講得出口既...
佢唔CARE你,你洗鬼care佢呀?
私人傳訊

ahlokma


民房

積分: 16


12#
發表於 09-10-27 10:32 |只看該作者
好明白你感受，唉！
原帖由 happy_cow 於 09-10-25 17:02 發表
由結婚嫁入呢個屋企，關係開始有變化，大ｂ出世就更明顯，因為咁，自己嘅情緒曾經好差；依家有埋細ｂ，仲更明顯．
試過覺得好辛苦好辛苦，好想離開呢個屋企，”離婚”又似乎唔抵，其實老公好鍚我，對我好好，我亦都好愛佢．但我真係受唔到老爺奶奶 ...
私人傳訊

happy_cow


大宅

積分: 1451


13#
發表於 09-10-27 11:44 |只看該作者
唉, 今次搬經已用咗好多$$$$, 黎梗十年八年我都唔會搬架啦! 漫漫長路點算

我唔想佢地湊我大細ｂ有原因架, 兩個小朋友四年幾以來, 奶奶冇一次開啱奶, 大細ｂ都係, 佢只會本住一匙開一安水的想法, 結果次次佢湊完, 兩個都會喊, 肚痛嘛. 依家我叫姐姐去幫手, 佢又叫姐姐走. 人地都好無耐, 好彩姐姐脾氣好冇嬲我.
叫佢湊細ｂ幾多個鐘, 佢就抱足咁多個鐘, 有一次抱足六個鐘, 結果連續幾晚我同老公都冇得訓, 我都好啲... 老公第二日要返工, 其實好辛苦
湊大ｂ更過份, 無論出面咩天氣小朋友身體點, 想玩咩就咩, 十二點至一點正午去outdoor, 出曬一身汗又唔帶衫, 就咁走入商場行街, 如是者每次都要睇醫生, 害嘅唔係我, 係小朋友辛苦咋

老爺傳統, 奶奶八卦無理, 佢地拜神我信主, 其實我經已冇部份教會嘅姐妹咁執著, 我只係本住你我各自信仰就算, 佢仲踩埋黎, 同人地講我信埋啲唔知咩教, "沖"喎, 有野會累倒佢地... 我唔拜, 佢又話我唔為佢地好... 其實我都冇迫你地祈禱啦

estherm
你好叻可以唔聽佢電話, 不過換轉我奶奶一定打俾我老公.. 其實老公個各式好梗要, 不過佢又唔識做
私人傳訊

estherm


大宅

積分: 1975

好媽媽勳章


14#
發表於 09-10-27 12:26 |只看該作者
係呀, 99只會做自已想做既野,唔會理其他人,重要分化我同個仔(得半歲),所以我已經唔理佢, c6知我唔想見到佢, 但99會成日打電話來問幾時可以見阿B, 真係好煩。
私人傳訊

mingger


別墅

積分: 553


15#
發表於 09-10-27 18:00 |只看該作者
happy cow..不如你同99講明边日得閒比佢見仲好啦,例如every tue and fri咁, 佢知道边日有得見, 咁其它日子堅持no way, 當然你老公要同你意見一致..

至於spoil小朋友...其實我自已亞媽都係咁, 我亞媽得我2隻孫(仲係孖女),我住東涌,亞媽住將軍澳, 因為住得遠所以我只會叫亞媽每2星期入黎一次(約係市區飲茶唔計), 但每次會住幾日咁. 每次佢黎親2隻女就唔要我架啦, 食飯要婆婆,去toilet要婆婆, 每朝仲要6点幾就起身去飲茶(平時瞓到7:30-8点先起身返學), 玩又玩到顛, 2隻女知道婆婆係度會叫佢買糖...唉..開頭我同老公都頂唔順,因為每次亞媽走後我都要好幾日先返到我既schedule同方法..

不過久而久之,而家我會完全交比亞媽湊幾日,自已揾朋友tea同老公去街咁, 當睇唔到囉..好彩2隻女而家都習慣了,知道婆婆走咗無得扭計要呢樣个樣..

婆婆琴日走,我只係要tune返佢地啲瞓覺時間咁..so far so good...
私人傳訊

eva_kcy


洋房

積分: 60


16#
發表於 09-10-27 19:35 |只看該作者
其實做人新袍真係好難, 我都唔明d 99自己都做過人新袍點解仲要咁對我哋, 我99都係好麻煩, 最慘我哋兩公婆無本事仲要住喺佢地方(仲同佢住得好近), 佢就似住咁無時無刻走上嚟, 我仲記得亞b啱啱出世時, 因我無媽咪, 所以無人幫唔識湊b, 諗住叫佢老人家幫手湊吓, 點知佢話佢好忙唔得嫻, 但就成日無時無刻走上嚟睇b, 又多多意見, 幫唔到手仲增添我麻煩, 例如明明bb瞓著咗, 佢一上嚟就要整醒佢要同佢玩抱佢, 之後唔夠兩個字就走咗佢, 你知啦, 俾你整醒咗再放返落床梗喊, 初初湊b要喂夜奶, 邊有咁多精神, 梗係個b瞓時你又瞓, 佢一句無唔該就整醒晒, 又週不時打電話過嚟問東問西漕住晒你瞓覺, 嗰時我真係俾佢整到人都顛, 我同我老公講, 佢又唔諒解, 佢認為嗰個始終係佢亞媽, 佢可以點, 我哋又住緊佢地方, 所以頭兩年我同我老公為咗我99成日鬧咬, 關係攪到好差, 直至兩年後我再出返嚟做嘢先好d, 所以我覺得依個世界如果d 99識做d, 我諗夫妻關係會好d, 地球會靚d, 空氣會好d, 社會會和諧d, 你話係唔係?!
私人傳訊

happy_cow


大宅

積分: 1451


17#
發表於 09-10-27 20:54 |只看該作者
原帖由 estherm 於 09-10-27 12:26 發表
係呀, 99只會做自已想做既野,唔會理其他人,重要分化我同個仔(得半歲),所以我已經唔理佢, c6知我唔想見到佢, 但99會成日打電話來問幾時可以見阿B, 真係好煩。 ...




estherm
佢最大嘅問題係, 同一件事, 姑姐可以做, 而我, 就錯... 咩都係我錯... 例如姑姐搬, 都係因為婆媳問題, 奶奶又話個女點慘點慘, 同住難, 搬開好... 我依家搬... 天大嘅錯咁... 周圍同人講我要搬.. 係我錯
私人傳訊

happy_cow


大宅

積分: 1451


18#
發表於 09-10-27 20:59 |只看該作者
原帖由 mingger 於 09-10-27 18:00 發表
happy cow..不如你同99講明边日得閒比佢見仲好啦,例如every tue and fri咁, 佢知道边日有得見, 咁其它日子堅持no way, 當然你老公要同你意見一致..

至於spoil小朋友...其實我自已亞媽都係咁, 我亞媽得我2隻孫(仲係 ...


mingger,
但我真係做唔到呀! 因為屋企之前有一個小朋友, 奶奶都教唔好, 依家操行上都有少少問題... 個小朋友唔係我, 我可以當冇事... 但依家自己個仔...

而且問題係, 奶奶連基本飲食作息等都搞唔好個小朋友... 我點放心呀! 小朋友病, 佢唔理, 照俾雪糕薯條佢食... 但冇考慮小朋友氣管有問題... 如果朝早唔知醒, 就請假唔好返學... 我覺得... 佢過份咗小小喎
私人傳訊

happy_cow


大宅

積分: 1451


19#
發表於 09-10-27 21:01 |只看該作者
原帖由 eva_kcy 於 09-10-27 19:35 發表
其實做人新袍真係好難, 我都唔明d 99自己都做過人新袍點解仲要咁對我哋, 我99都係好麻煩, 最慘我哋兩公婆無本事仲要住喺佢地方(仲同佢住得好近), 佢就似住咁無時無刻走上嚟, 我仲記得亞b啱啱出世時, 因我無媽咪, 所 ...


eva
我完全明白, 因為我老爺奶奶都好鐘意係bb訓時叫醒佢, 醒咗就傻咗玩, 有咁癲得咁癲, 方死bb半夜唔喊咁... 其實佢地冇諗過會苦了自己個仔同個孫
私人傳訊

shrekbb


男爵府

積分: 6528

好媽媽勳章 畀面勳章


20#
發表於 09-10-27 21:10 |只看該作者
原帖由 happy_cow 於 09-10-25 17:02 發表
由結婚嫁入呢個屋企，關係開始有變化，大ｂ出世就更明顯，因為咁，自己嘅情緒曾經好差；依家有埋細ｂ，仲更明顯．
試過覺得好辛苦好辛苦，好想離開呢個屋企，”離婚”又似乎唔抵，其實老公好鍚我，對我好好，我亦都好愛佢．但我真係受唔到老爺奶奶 ...

我同你嘅情況一樣,但我唔係同佢哋住,但都住得比較近,最終我迫我老公同我搬遠d,一年都見唔到佢哋幾次,so far而家ok dd la!!!
私人傳訊


首頁
12

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見