想生BB 今日: 0 | 主題: 109078

積分: 9211

6562^#

發表於 24-5-4 05:28 |只看該作者

babycome2022 發表於 24-5-3 20:49
Dear cutecutetown,

你好呀！我好耐之前問過你問題，好多謝你耐心咁答我！兜兜轉轉，我依家終於行人工週期 ...

Dear babycome2022,
如果唔太肯定係咪念珠菌，醫生又唔建議用藥，唯有即管試試飲紅莓汁(cranberry juice),可以from concentrate, 但唔可以係溝咗其他果汁，雖然冇指定份量一日飲幾多至夠，但盡量飲多啲，當飲水咁，盡量令自己多啲需要去小便，通常有飲得兩三日都會見效、起碼止倒痕。但若果仲痕，或開始有分泌，就可能要放棄今個周期放胎了，始終黃體藥有限錢，但胚胎無價。

私人傳訊回覆引用

babycome2022

積分: 351

6563^#

發表於 24-5-4 10:55 |只看該作者

cutecutetown 發表於 24-5-4 05:28
Dear babycome2022,
如果唔太肯定係咪念珠菌，醫生又唔建議用藥，唯有即管試試飲紅莓汁(cranberry juice), ...

Dear cutecutetown,

多謝你回覆，我尋日太心急已經自己塞左藥了

因為只係需要塞一粒，應該唔會影響到星期日塞黃體藥掛...

都好多謝你既建議！我會飲多d紅莓汁！雙管齊下！如果都真係仲痕或者有分泌，都唔會強求一定要呢個cycle放胎了

。謝謝你！

點評

發表於 24-5-6 16:59

私人傳訊回覆引用

積分: 40

6564^#

發表於 24-5-6 14:57 |只看該作者

你好 Cutecutetown,

今年36歲，34歲結婚開始備孕唔成功，AMH 0.9 上年做咗兩次IUI 唔成功 , 今年二月做咗一次IVF ( 已經係好高嘅劑量) ，當時結果係基礎卵泡有八粒，長大嘅時候size不齊整，但由於第一次做所以都繼續進行，預計有五粒，最後都係抽咗三粒。兩粒不成熟，等第二天成熟做了 ICSI ,一粒做IVF, 最後ICSI其中一粒去到D4就冇停左 ( 只有5分)。

五月份做第二次，用咗兩個月時間做運動改善diet , 基礎卵泡有九粒 ( 過往都係只有七至八粒) 。中途大大下出現12粒，但係去到後半嘅時候，比預期中大得慢。最後打了10日針。破卵針應該亦都打多咗，而且亦都係等耐咗少少先取卵。

最後抽到14粒， 14-18cm不等, 13粒成熟，但係只有5粒成功受精 ( 當中有九粒ICSI 只有兩粒受精好奇怪) ，IVF 四粒有三粒受精，但其中一粒授精不良。

最後
D3 , 有一粒喺8分滿分雪左
D5 , 暫時有一粒有機會可以去到D6
另外嗰兩粒都唔得

1) 我想請問一下D3 成功嘅機會係咪好細

2) 成熟到問題係咪冇得改善？因為我知道卵子唔同精子，出世已經決定咗，所以我好擔心佢哋嘅成熟度係之後都會係咁

3) 擔心年紀越大成功機會越低，所以呢幾日心情都好擔心，但係我見數量比上一次有進步，但最後都係好多不成熟 ( 估計是裏面不夠成熟) 好無助

4)ICSI 我上網見到受精率係好高，但我係超低，好唔開心，係咪唔會知道原因？

4)醫生建議休息一個周期之後再用人工周期放粒D3。呢個是否係比較建議嘅選擇？還是建議再抽多次先? ( 但係又擔心抽出嚟嘅質素都差唔多好驚)

5) 我嘅情況係咪真係好差?

多謝你答覆🙏🏼

私人傳訊回覆引用

積分: 40

6565^#

發表於 24-5-6 18:03 |只看該作者

想補充一下先生精子無問題。
同埋想知道，如果成批卵都咁差，呢粒D3 係咪其實都係會差 ?
定係每粒都不同，獨立睇的 ?

謝謝你，多謝你時間!

私人傳訊回覆引用

積分: 9211

6566^#

發表於 24-5-7 04:42 |只看該作者

poohchanns 發表於 24-5-6 14:57
你好 Cutecutetown,

今年36歲，34歲結婚開始備孕唔成功，AMH 0.9 上年做咗兩次IUI 唔成功 , 今年二月做咗 ...

Hello poohchanns,
36歲其實唔算好大，但AMH真係頗低，所以都要趁卵巢仲有少少儲備快啲做。你嘅情況，即抽到幾多蛋但又好似徒勞無功，在較年輕而又AMH低嘅群組都常見。因為本來儲備低，所以抽幾多粒都只係一個「虛數」，通常到最後都係只有一兩個胚胎可用。不過AMH低但比較年輕的，往往卵子質素會比年紀大嘅好，所以只要有質素好嘅胚胎，成功機會不會比同齡差。如果跟同齢嘅比較，AMH低其實只代表你會少啲蛋，即胚胎唔會多到放完鮮胎都仲有幾個雪胎。通常做多幾次在胚胎總數上會追番。
回答你的問題：
1. D3成功機會比D5細，但你的是8分滿分，機會應該不錯。
2. 就如我上面說，14粒絕對係虛數，你有些卵子是從14mm(有些可能更小）的卵泡出來，所以這些都會是不成熟，怎樣都不會受精。除了看抽倒嘅卵子總數外，其實賀爾蒙E2也有指標性，雖然你未必知道這數值，但我估計不會太高。
3. 整體來說其實你嘅成績不算很差，不用過份擔心。
4. ICSI只係將精子直接放入卵子內，卵子裏面唔成熟就不會受精的。
5. 你可以安心先放這個D3胚胎；萬一唔成功就盡快做下一次IVF.
6. 你嘅情況唔係咁差，只係抽多咗卵子令期望澎漲咗好多，所以失望相對亦大咗好多。

私人傳訊回覆引用

積分: 9211

6567^#

發表於 24-5-7 04:50 |只看該作者

poohchanns 發表於 24-5-6 18:03
想補充一下先生精子無問題。
同埋想知道，如果成批卵都咁差，呢粒D3 係咪其實都係會差 ?
定係每粒都不同， ...

Dear poohchanns,
真不可說「成批卵都差」，因為真係抽多咗，連帶唔成熟嘅都抽埋出嚟。就如我上面回覆，你其實只幾個成熟卵子，是成熟而又可以受精的都受精了，希望你day6也有一個可以雪

私人傳訊回覆引用

積分: 40

6568^#

發表於 24-5-7 08:28 |只看該作者

本帖最後由 poohchanns 於 24-5-7 13:27 編輯

回覆 cutecutetown 的帖子

Hi cutecutetown
多謝你回覆!
一開療程前check E2係3000幾 ( 二月嗰次第一次開針前check 係千幾)

1) IVF前兩日抽血E2 係好高啊但我冇問數字。醫生打來話好高所以要高蛋白飲食小心OHSS …做完之後的確持好肚漲唔舒服左幾日所以請問高係代表咩呢 ?

2) AMH低會影響卵子quality嗎 ? ( 想知點解我AMH咁低但係今次會多左卵泡…雖然好多都內在唔成熟）

3) 想了解決下點解卵子外觀成熟但入面都唔成熟呢 ? 係時間問題定係關quality 事 ?

4) 我批卵IVF 前兩日check ，其中AVG size around 19mm x 1 , 18mm x 3 , 17 mm x 3 , 16mm x 3 ，其他14mm及以下。 16-19計是大的合格算大嗎 ? 完打完破卵針還會大？

5) 我地有準備了藥做IVM的( 因上次都全不熟) ，但是今次因為抽出來後外表係成熟所以冇用到藥 …. Lab都話見到成熟就不會用藥了。所以外表成熟的不會做IVM，但我這個情況你你認為如果呢 ?

6) 卵子IVF照泡大小不一係好common ? 通常range大若幾多先叫比較合理 ?

不好意思，問很多問題多謝你快速的回覆….十分感謝你的私人時間 !
Update ! D6有一個成功，不過得5分

私人傳訊回覆引用

積分: 9211

6569^#

發表於 24-5-8 08:47 |只看該作者

poohchanns 發表於 24-5-7 08:28
回覆 cutecutetown 的帖子

Hi cutecutetown

Dear poohchanns,
個E2咁高嘅？係月經周期嘅第幾日？
1. 抽蛋前兩日，即打排卵針當日，如果E2太高會有機會OHSS(卵巢刺激過度症）。高其實冇一個指標說高過就一定會OHSS,這亦因人而異，一般此時若高過20,000醫生就會特別留意，一般都係叫你高蛋白飲食。不過嚴重嘅可能要留院觀察。
2. AMH低只代表卵巢儲備低，唔係卵子質素嘅指標。你之前提過你的AMH只0.9, 但看卵子數目和有OHSS徵狀，真係唔似咁低。
3. 卵子外觀同入面有少少唔同步，因為卵子其實係一個好大嘅細胞，佢變成熟時先會整合好自己嘅染色體，亦即是核心要先成熟（nuclear maturation),接著才到細胞內嘅「器官」成熟(cytoplasmic maturation),預備未來受精後嘅需要。這是時間問題，如果將成件事比擬為工廠，我哋就係會先見到工廠開燈，似乎生產線在動，但我哋睇唔倒入面嘅機器開啟和warm up咗未。但卵子這工廠只會在開燈後數小時才有生產，若果啲機器仲未warm up,咁就趕唔到deadline,唔受精。
4. 一般打完破卵針，卵泡會再長大少少，但那些14mm或以下的，通常都不成熟，又或外表熟入面唔熟。
5. 你嘅情況不會用IVM的，因為分唔開哪些是內外皆熟、哪些只外面熟。
6. 大小不一實有嘅，除非卵泡數目不多而又大小相差太遠、賀爾蒙指數又不達標時才會取消療程。
能有一個day6都算不錯了！囊胚嘅5分唔可以同day3嘅5分相提並論，因為大家兩者評分所評嘅層面唔同。好簡單咁講，一個day3 5分嘅我哋好少會雪，但囊胚5分我哋就雪；如果我哋明知個胚胎唔得，我哋就唔雪啦。

私人傳訊回覆引用

積分: 40

6570^#

發表於 24-5-8 14:55 |只看該作者

本帖最後由 poohchanns 於 24-5-8 18:19 編輯

回覆 cutecutetown 的帖子

Dear cutecutetown,
第一次IVF經期第三日check E2好似千幾 , 今次IVF都係第三日check 好似3000 ? 打破卵針係周期第12日，下午抽血話高。E2同數目醫生都覺得同AMH唔太match，但過往都係得八個卵泡左右又好合理。

1) 我明白成熟的原理了。

是否代表係時間的問題，再放多兩日表裏成熟不一的就會有機會成熟呢？( 但大的卵有可能太老.. )

2) 之前醫生有提過AMH低，卵會熟得快啲，根據之前我IUI嘅history ，打針後卵都係比較早長得大，請問係咩意思呢？

3) 今次有一個IVF D3 ( 8分) , ICSI D6 ( 5分) 從來都冇放過胎，想請問應該逐個逐個還是一齊放？但是不同Day數要分開放？

4)有聽聞過一齊放的話，會有互補作用？

5）明白。但我這個情況請問你認為D3 8分還是D6 5分較大機會?

6) 順帶一問，當時先生交精子那一天，剛剛COVID完…其實這樣的話會不會有影響呢？

7) 還有一個問題想請教一下…家人將會做電療，唔係同住的。但我先生可能要經常接送同相處，請問一下輻射有影響嗎？( sperm / embryo )。上網見到病人唔會帶輻射性但係輻射會慢慢釋出…都建議孕婦小孩少接觸。我地都唔係好了解，擔心影響放胎。睇睇你有沒有接觸過類似經驗/ case，謝謝。

真係非常感謝你抽空回答我咁多問題。有好d問題未必可以當時立即問到醫生/ 胚胎專家… 好多謝你咁耐心有禮回答到，釋除咗好多疑問 ! 感謝

私人傳訊回覆引用

積分: 9211

6571^#

發表於 24-5-9 09:52 |只看該作者

poohchanns 發表於 24-5-8 14:55
回覆 cutecutetown 的帖子

Dear cutecutetown,

Dear poohchanns,
1) 固然係時間問題，但等多兩天才打破卵針的話，又連累正常成熟的那些卵子，因為過熟的就算受精了亦多數分裂得不好。
2) 我不清楚你醫生所說的AMH低就卵會熟得快嘅說法，可能我不明白他說的是卵子還是卵泡，不過是哪一樣我也不見得。
3) 不同day通常都分開放，所以你應該會放一個。因我唔知個5分是怎樣評分，好難講會先放day3定day6. 但如果係我嘅實驗室，我唔會响day3雪胎。若真係有，我都會有囊胚(day5 or day6)就先放囊胚。
4）有是有聽聞過互補作用，那是其他動物，不是人類。
5）看上.
6）你兩次IVF嘅受精情況都差不多，所以就算Covid有什麼影響，都唔係主因或唯一嘅原因。
7) 對放胎應該沒影响，因為你先生只作接送，而放胎後若有著床都已在你體內，就算有什麼輻射也散到近乎零了。

私人傳訊回覆引用

積分: 40

6572^#

發表於 24-5-9 11:42 |只看該作者

回覆 cutecutetown 的帖子

Dear cutecutetown,

多謝回答。
明白！其實就係擔心在體內剛發育的B容易受輻射影響..除接送外仲會食飯，一星期有幾天會相處兩三小時。先生驚自己身上都會有輻射帶回家

1)不好意思，問多少少。所以意思是說從病人釋放到先生身上的輻射，再釋放出來影響到我 / bb (假設植入成功) 的機會很低 ,對嗎 ?

2) 我會用人工周期植入，請問人工周期同自然周期的分別係咩呢 ? 醫生有提及過我唔可以用自然周期

3)好奇一問，我見之前有group member 話植入前天可以先行房，話精子物質可以提高成功率。請問有聽過嗎？係基於咩原因呢。

再一次謝謝你的回覆 !

私人傳訊回覆引用

積分: 9211

6573^#

發表於 24-5-10 06:56 |只看該作者

poohchanns 發表於 24-5-9 11:42
回覆 cutecutetown 的帖子

Dear cutecutetown,

Dear poohchanns,
1. 影響你嘅輻射量，如果真係仲有的話，應該低到近乎零。你坐一次飛機可能仲多啲。
2. 人工周期就是用塞藥(體外賀爾蒙)來代替正常自然周期的體內賀爾蒙。塞藥因有規律，醫生亦可因應時間和你身體需要控制份量；當然，雖然用藥份量比抽卵用的少很多，但仍是一個花費。自然周期就簡單便宜，但若本身經期不準、又或排卵不太正常，就很難採用自然周期放胎。
3. 有聽過，但不見得可提高成功率。很多時group member之間都流傳住一啲完全冇根據、又或似是而非嘅論點，其實如果唔係醫生或專業建議，最好不要盡信。

私人傳訊回覆引用

babycome2022

積分: 351

6574^#

發表於 24-5-10 22:07 |只看該作者

回覆樓主:

hello cutecutetown,

又係我呀！我今朝早終於放左胎喇。其實我一向都便秘問題... 食左好多款益生菌都搞唔掂... 今朝十點半放完胎之後，大概下午6點左右有d便意，所以去左poopoo。本身諗住叫自己唔好咁用力，但去去下又好似大力左

。用左平時大概7-8成力... 請問知唔知咁樣會唔會影響著床？
其實有冇d咩係可以舒緩到便秘..可唔可以食乳果糖？

私人傳訊回覆引用

積分: 9211

6575^#

發表於 24-5-11 03:12 |只看該作者

babycome2022 發表於 24-5-10 22:07
hello cutecutetown,

又係我呀！我今朝早終於放左胎喇。其實我一向都便秘問題... 食左好多款益生菌都搞唔 ...

Dear babycome2022,
好多jm都响我呢度問過同樣嘅問題，有幾個仲要係肚瀉。其實真係冇關係，唔影響倒，佢哋亦有回來報喜，有個仲係生咗B之後回來reassure大家說肚痾係唔影響著床

舒緩便秘其實都要看你平時生活習慣，中醫有教早上起床後可喝1-2杯暖水，一氣呵成灌哂佢，唔可以慢慢來，並持之以恆。呢個係保健，唔一定會幫到便秘問題，但我已跟著做了十餘年，感覺係快飲暖水以後腸道會有蠕動，會有便意但又唔係一定要去嗰種。至於乳果糖，你是否指lactose,還是糖果candy？如果指lactose,飲奶就有，但如果你唔係lactose intolerant, 唔會有肚瀉作用。平時亦最好多飲水，清水嘅水，食多啲蔬菜水果增加纖維量都有幫助。不過若果都唔得，K字頭嗰隻牌子有一款早餐穀麥叫bran buds, 一粒粒的（亦有一條條的一款，但比較難食），加奶吃、做早餐，通常食一兩餐都有得去。

私人傳訊回覆引用

積分: 40

6576^#

發表於 24-5-11 09:56 |只看該作者

本帖最後由 poohchanns 於 24-5-11 10:01 編輯

回覆 cutecutetown 的帖子

Dear cutecutetown ,
多謝回覆。另外想請問一下:

1) 睇到話若果胚胎少的話不建議做PGS. 但係又搞不清楚，係唔係因為PGS係好嚴格好難pass? 所以一下子就可以冇晒所有胚胎 ? 而即使做咗唔合格的，其實都有機會成功 ?

2) 植入成功與否係咪就係取決於胚胎染色體的完整性以及子宮嘅環境 ?

3) 我過去的卵子質素不太好，會不會令到胚胎嘅染色體唔靚嘅機會比較大 ?

不太明白係咪精子同卵子嘅質素就係直接同染色體有關？

4) 我同我先生都係36歲，呢個年紀胚胎染色體不好的機會大概是多% ? 係唔係人工受孕或者自然受孕，其實都係同一個機率 ?

謝謝回答 !

私人傳訊回覆引用

babycome2022

積分: 351

6577^#

發表於 24-5-11 10:55 |只看該作者

cutecutetown 發表於 24-5-11 03:12
Dear babycome2022,
好多jm都响我呢度問過同樣嘅問題，有幾個仲要係肚瀉。其實真係冇關係，唔影響倒，佢哋 ...

Dear cutecutetown,

好多謝你既回覆呀！希望我都可以返黎reassure大家便秘係唔影響著床

我指既係lactulose, 都算係軟大便藥既一種？不過我都會試下你既建議。可能自己工作壓力大，又少飲水。

私人傳訊回覆引用

flyB

積分: 286

6578^#

發表於 24-5-12 08:54 |只看該作者

Hello cutecutetown

雖然你嘅專業係Lab，但係都想請教下以你經驗會唔會解答到我嘅問題，唔該晒你先

我5月10日(週期第6日，period第5日已乾淨晒)開針，打menopur 300iu

300iu算唔算多？我上網見通常都係150至225…

11號朝早發現有啲啡紅色分泌，明明period已經乾淨晒，會唔會係因為打咗針有分泌？

今朝打第三針，我見人哋話打完針會覺得肚脹，即係啲卵長大緊，但係我完全冇咁嘅感覺，正唔正常定係冇咁快有反應？我怕係我卵巢對啲藥冇反應，要打多好多日針T.T

私人傳訊回覆引用

積分: 9211

6579^#

發表於 7 天前 |只看該作者

poohchanns 發表於 24-5-11 09:56
回覆 cutecutetown 的帖子

Dear cutecutetown ,

Dear poohchanns,
1. 唔係PGS嚴格，而係真係好多胚胎都有染色體數目異常嘅問題, 所以若只有一個囊胚，一般醫生都會建議唔做PGS,因為如果佢係正常，就做唔做PGS佢都應該會著床同活產；如果佢唔正常，很多時都唔著床又或很早便流產。平衡付出與收穫，如果唔係試過好多次冇著床又或早期流產，通常醫生都會建議較保守嘅方案。
最重要係，如果做咗PGS而result係唔正常，就算放咗會著床，活產機會亦好微，而活產的B B都會帶住有問題染色體，即例如影響智商又或其他身體機能。
2. 胚胎著床與否真係主要睇胚胎是否正常同要放响一個啱嘅子宮環境。
3. 整體來說，因為女性卵子在出生時就已經存在，不會再由零開始從幹細胞分裂出來，所以年紀越大，卵子質素自然會下降。所謂質素，形容比較虛泛，其實主要包括染色體同卵漿內嘅粒腺體。當然，胚胎嘅染色體係卵子精子嘅結合,然後細胞分裂時，染色體數目要保持正常胚胎才會正常成長。染色體數目正常通常基因數目都會正常，一般來說，父母沒有基因問題或遺傳病，胚胎都不會有基因問題。至於粒腺體就如細胞嘅電池，負責提供一切機能嘅能量，但卵子受精後，胚胎頭兩三天一切機能都仍然依賴卵子嘅粒腺體供應能量，所以較老嘅卵子電池有機會較弱，唔夠「電」胚胎就分裂不好。
4. 其實過咗35歲，卵子有染色體數目異常嘅機會在40%或以上，自然懷孕或IVF也沒分別，只是做ivf嘅往往有其他原因而難於自然懷孕。

私人傳訊回覆引用