論盡家傭今日: 3|主題: 133736

收藏本版

發帖

返回列表

跳至頁

查看: 701 | 回覆: 2

衰agent,介紹斷約工人!!! [複製鏈接]

leegap

洋房

積分: 300

1^#

發表於 10-3-15 03:24 |只看該作者 |倒序瀏覽 |打印

見到好多媽咪講唔好請斷約工人, 以下係我一個唔好既經驗, 想post間衰agent出黎, 唔好意思內容係長d, 請見諒.

我第一次請工人係有人介紹agent比我, 我因為乜都唔識, 眼見幾個friend 由佢介紹d工人都ok, 咪信佢囉, 點知....個agent真係好衰, 我講明要未黎過HK的 ( 因為我幾唔識都好,我都聽過黎過HK做野個d都係精d既, 我寧願用多d時間教佢, 都想請個未黎過的) 但原來佢黎過...仲要個白痴自己話我聽做過2個幾月左右就比人抄左, 時間係咁既 :

我7月頭請的, 10月我想去旅行, 考慮帶唔帶埋佢去, (因為我想玩得舒服d, 有人湊住阿女) 所以問agent拿佢既passport copy黎訂住機票先, (訂定個位先, 無蝕底) 點知, 個agent唔知點解俾埋佢個HKID我, 吓?無黎過點解有ID既? 仲要係4月簽發的, 打去問個agent, 佢話 : " 係呀, 佢之前黎過, 但個老公有急事佢要即刻番去 " 哼, 無計, 我都簽晒囉, 仲可以點. 大家留意, 4月簽發, 即係第一次剛黎到, 做左2個幾月, 即係6月中至尾啦, 我7月頭請既, 即係個agent有心心心心.....介紹比我的. 根本d agent就虾我地呢d未請過工人既人.

當佢9月中黎到後, 唔駛一個月我都已經頂佢唔順, 同個agent講, 佢死都要我比三個月時間佢,佢話三個月試用期喎, ( 乜呢d人都有試用期麼? ) 再唔掂就免費換個, (點解要三個月? 一定有古怪, 我當初真係唔明點解要三個月, 又係怪自己當初乜都唔識) 同個agent抄大獲後, 個agent仲打比介紹比我o個個friend聽我點點點, 哼, 興到我吖, 而家好似係佢唔啱, 比左個唔對阪既人我, 大聲夾惡, 我而家諗番仲好嬲呀!!!

就係因為我乜都唔識, 又好白痴咁信個agent, 最終請左個中英文唔識講, 無腦,又激氣既工人.

唉...我根本就唔知佢俾人抄出黎, d agent咁呃人真係賤格, 各位未請而就請工人既媽咪, 請問清楚agent個工人background,小心d簡, 唔好心急而咁信agent呀, 我而家真係好後悔....( 都係o個句, 好既唔會俾人抄出黎 )

個衰agent叫千x/x悅, 半島中心個間, 個工人叫WIYATI.