哈哈, 即刻諗返自己細個d白痴野!
1) 偷野食, 成日睇雪櫃有乜食, 最鍾意偷食壽星公煉奶同蝦米! 唔可以整污糟成樽奶, 於是逐隻手指篤入去, 5隻手指都污糟晒, 洗完又唔可以即刻偷食, 因為媽話有濕氣入左樽會發霉, 通常隔一陣又會心思思!
2) 第一次游水係阿姨帶去, 1個大人帶5個小朋友, 果時我同家姐妹係小學生, 佢吩咐我地換泳衣就去幫表妹換, 換泳衣時心諗... 咁著唔著底褲呢... 家姐話梗係唔著, 換好再望下, 覺得唔著會走光, 於是又著返, 落水就知 跟住就好驚, 同家姐講要去廁所, 走返入去換出唻, 但係已經濕晒, 又怕畀佢地鬧, 於是索性丟左條底褲, 驚左成日, 怕畀人知我無左條底褲
3) 爸爸朋友做曬相, 成日回收d菲林畀我地用, 曬相又好平, 所以好細果時爸爸已經買左部相機等我地四圍影相, 有一日爸爸曬完返唻交畀阿媽, 我地就畀人打到九彩... 打完之後先知... 有一日睇到報紙覺得d人s型pose影相好靚, 我地幾姊妹就學佢影, 玩到後來睇到風月版, 跟住衫都除埋, 其實果時都未發育, 我地仲駁咀話跟報紙學, 不過都畀阿媽打左鑊甘既! 而且自始之後每日買左報紙, 爸媽都會即刻丟左風月版, 怕我地學到其他衰野
講野唔好笑又唔識講爛gag
上forum只為吹水唔好同我認真