吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 可分享妳們全人奶「苦盡甘來」的經歷來勉勵我嗎? ...

母乳餵哺今日: 0|主題: 85696

收藏本版

回覆發帖

返回列表

跳至頁

查看: 760 | 回覆: 14

可分享妳們全人奶「苦盡甘來」的經歷來勉勵我嗎? [複製鏈接]

yeemao

複式洋房

積分: 452

1^#

發表於 10-11-23 18:10 |只看該作者 |倒序瀏覽 |打印

bb 全人奶差不多兩個月了, 餵奶仍是最困擾我的事, 常令我好唔開心...

因為bb 起初唔識埋身, 體重過度下降又黃, 健康院同醫院姑娘都話要補奶粉. 但我唔想bb 食左奶粉唔食人奶, 於是死ji爛ji, 再加泵, 咁比bb 食, 好彩都上到奶同埋夠佢食. 當時好心急, 冇堅持用杯餵, 用左樽, 一心諗住追返體重就再教佢埋身, 結果bb nipple confusion 一直到而家都係埋唔返身. 每當我諗起呢樣就好sad. bb 間中埋身試食, 雖然只得幾分鐘, 但我都好珍惜... 因為佢之後一定大喊, 真係好hurt

用樽食佢又食得唔好, 搞成個鐘, 又嘔奶, 又多風. 常常唔願食, 差不多兩個月了, 都未必可以finish 3 安. 有時想谷佢食多幾啖, 就作嘔, 成餐出晒尼, 搞到我好想喊, 所有心機精神和時間都白費了

每日pump 4 次, 早上6:30, 夜晚有時餵完佢, 再pump 奶, 搞到一點幾, 之後5點幾又要餵, 餵完冇耐又pump, 一直唔夠訓. 但日頭佢食奶用好多時間, 同埋我冇人幫, 唔係好夠時間休息, 常常擔心遲早愈pump 愈少, 因為我知道埋身才keep 到奶量. 那種心理壓力很大的, 所以不敢懶, 一定pump 足4 次每次半個鐘.

我都好想埋身, 但係而家好難, 每次試都搞到大作戰同用好多時間, 結果都係要食返樽.

幾時先可以苦盡甘來呢?

0 0 0

私人傳訊回覆引用

polarmama

子爵府

積分: 13429

好媽媽勳章

2^#

發表於 10-11-23 19:06 |只看該作者

惟有放鬆啲, 餵得幾耐得幾耐

覺得唔夠就食多奶丸

見呢版都有好多全泵媽, 加油!

可唔可以喺相簿加相落個人簽名度？

私人傳訊回覆引用

Lovely_Babybaby

大宅

積分: 2756

3^#

發表於 10-11-23 20:39 |只看該作者

我都係自己一手一腳揍BB,
雖然BB 好肯啜,但係奶量一路都好少.
出世果幾日,佢可以不停3個鐘咁啜,
一唔比佢啜就喊,因為啜極都唔飽,
佢又無得訓,又想食,跟住我先知原來自己唔夠奶,
即刻補奶粉,佢先食飽飽訓覺.
宜家差唔多三個月,都係得好少,
餐餐當甜品咋,不過我都會努力,
食到幾多得幾多啦,大家都要努力呀!

私人傳訊回覆引用

jijincat

大宅

積分: 3604

4^#

發表於 10-11-23 23:03 |只看該作者

加油呀!! 各位媽媽!! 我依家全人奶3個幾月喇, 開頭都係唔夠奶, 但努力每餐飲一大碗上奶湯水後, 依家夠阿b食仲可以儲到少少咁啦~ 開頭2個月係最難捱o架, 大家努力呀!!!

私人傳訊回覆引用

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

5^#

發表於 10-11-23 23:50 |只看該作者

我覺得你已經開始有成績啦, 你由初初乜都冇, 變到而家泵到奶, 已經係大躍進啦, 都叫苦盡甘來, 但問題係你係咪認為要埋身餵至係最好?

埋身餵到當然係好, 但如果唔得既話, 泵出黎都可以刺激造奶. 你要放鬆d, bb 慣左用樽, 你都唔好咁介懷, 一係放鬆心情做泵媽, 一係慢慢黎俾多d 機會佢埋身啜.

你不如試幾晚夜晚餵完, 快d 去訓啦, 第二朝個胸谷d 果陣, bb 會易d 啜, let down 果陣都會勁d, 咁佢就會肯啜耐d 架啦. 我個細仔就係咁..

bb 食夠你就由得佢啦, 唔好谷佢食, 有d bb 係食得少既, 最緊要係夠濕尿片. 同埋初生bb 個胃仲未發育得好, 鎖唔住d食物, 所以好易嘔奶.

你個b 就黎2個月大, 要磅豬仔啦, 到時你咪知你既努力冇白費.

私人傳訊回覆引用

yeemao

複式洋房

積分: 452

6^#

發表於 10-11-24 09:05 |只看該作者

謝謝上面幾位的回覆!
係呀, 我真係幾介懷bb 埋唔返身呢件事, 好羡慕你地可以.......我生之前冇諗過會埋身失敗的, 點知事與願違. 如果而家要train 返埋身, 都要好多精神同時間, 同埋佢食樽已經麻麻地, 好驚佢兩個月去磅重太輕, 我諗係繼續食樽算啦, 佢重得理想先train 埋身啦...

其實有冇媽媽全泵都可以繼續有奶餵到一歲以上架?

私人傳訊回覆引用

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

7^#

發表於 10-11-24 09:20 |只看該作者

湊bb 係有好多事都係出乎我地意料之外, 唔到我地去控制咁多, 你唔駛覺得hurt, plan a 唔成功咪行plan b 囉, 我地做阿媽既有時要放鬆d, 咁對我地同bb 至好.

加油.

[ 本帖最後由 bosch 於 10-11-24 09:42 編輯 ]

私人傳訊回覆引用

yeemao

複式洋房

積分: 452

8^#

發表於 10-11-24 09:24 |只看該作者

回覆 7# bosch 的文章

你講得o岩, 做左阿媽先知真係好多野唔到我地控制, 好唔慣, 但要學下接受..

如果bb 增重正常返, 我會開始試下你的方法!

私人傳訊回覆引用

fishcowcow

男爵府

積分: 5517

9^#

發表於 10-11-24 11:56 |只看該作者

我BB初初係陪月湊, 成日都係用樽食架, 好在後尾我改埋身, 佢又無問題, 而家佢鍾意埋身多過食樽添...

我用唔到樽餵架, 因佢知係我, 可以埋身食, 我俾樽佢佢唔要喊哂咁, 所以我向屋企, 我一定要埋身食

你都加油呀, 得閒就俾BB埋身啜下, 就算啜一陣都好架, 其餘時間唔得咪泵出黎用樽囉, 我睇BK好多全泵媽咪, 越泵越多架

私人傳訊回覆引用

草

伯爵府

積分: 18713

環保接龍勳章

10^#

發表於 10-11-24 12:35 |只看該作者

我bb四個幾月, 全人奶, 一出世去左兒科用樽餵, 唔識啜, 都係兩個幾月大先識埋身食, 開頭好好心機用spoon, 後來放棄了, 轉用樽. 阿b出世得5磅半, 四個月時15磅半, 米之連級數.

有幾個我遇到的問題, 可以參考一下:

問題一: 黃及輕
bb黃, 醫生幫我計左佢每日要食奶份量, 我就用spoon餵, 好似餵藥咁餵, 唔吞就唔攞支spoon出o黎, 要佢每日都食夠, d黃就退左, 體重都追返.

問題二: 唔識啜
只要一得閒就比佢試, 按或佢下巴, 要佢個口張大d. 識啜之前一餐我第一次用avent肥樽餵佢(平時用開pigeon樽), 唔知有冇關係, 第二餐佢突然啜到, 我真係勁開心, 不過再過一餐又唔識, 再用多一個星期到就開始真係ok啦.

問題三: 奶量
我本身唔食魚(魚湯都唔飲) 唔飲奶唔鐘意食補野(薑醋,雞酒...), 我相信人奶是供求的問題, 我keep奶方法是唔好比壓力自己, 我會覺得休息夠是很重要的, 如果唔夠咪比佢食一餐奶粉lor, 又唔會有好大問題, 一直都咁諗, 不過一直都夠佢食, 唔洗補奶粉. 另一個方法係勤力d, 阿b三至四個鐘飲一次, 我就每兩個半鐘泵一次, 一日泵成六至八次. 半夜阿b唔飲奶我都照起身泵. 全日就係泵奶, 餵奶, 換片, 訓教, 間中煮下野食, 家務唔理, 淨係一星期洗一次衫咁.

問題四:
返左工勁谷, 有乳腺炎, 血奶, 仲有膿, 睇醫生好返, d stock差d比阿b清晒, 不過好快又儲返.

問題五:
而家有一邊有事, 泵清/ 食清就有針桔咁痛, 係超勁痛, 到有奶係裡面就冇痛. 試過兩次, 唔想有第三次, 我都想搵人救下我> <

私人傳訊回覆引用

小曳人

侯爵府

積分: 22599

開心吸收勳章醒目開學勳章畀面勳章貢獻勳章

11^#

發表於 10-11-24 12:36 |只看該作者

記得大仔時.. 佢餓就要即刻食, 完全唔肯試啜, 成間餵奶房個個b都努力啜, 係佢喊到拆天咁~ 好hurt!
我無堅持~ 佢一路都係主要食奶粉, 佢衰到飲得出人奶味~ 唔飲! 我要溝奶粉, 一餐奶兩個樽, 第一樽係mix, 第二樽係全奶粉~ 嗰時無請工人, 仲要洗埋樽! 個人攰, 又唔知要食飽飯, 一路都唔夠奶.. 但係都堅持到3mth

經過第一胎嘅教訓, 我堅持每餐要食一大碗飯! 飲黑豆茶, 飲湯! 雖然好唔好彩~ 細b第二日啜損我之後就唔再肯啜~ 出咗院之後我自己又再入院 (唔到我話全人奶, 我仲衰到未教過個工人點湊! 唔放手都唔得!).. 我都堅持繼續擠奶! 其實上奶上得好慢, 一路都要補奶粉, 但係阿b每減一餐奶, 就食少d! 最後我地可以全人奶!
係好辛苦架! 但慶幸當初健康院個姑娘好好, 佢話我再教bb啜~唔係唔得, 但預咗好痛苦! 其實全泵都一樣可以! 我無樓主咁捱得, 身體唔好~ 我諗起大仔時嘅喊聲, 我揀泵喇! 半夜都係餵完bb再要泵奶, 但又可以搵家人代勞~ 舒服好多!

我捱到阿b 6mth, 佢好鍾意食嘢~ 7個月已經可以食兩餐糊 (+4餐奶) , 佢一路改變, 我就開始減奶.. 跟住佢厭奶添! 我唔知咁樣算唔算苦盡甘來~ 我一日泵兩次, 夠個傻豬食3餐 (佢食到100ml一餐咋~ 越食越少!), 半夜佢仲未戒奶, 不過就俾咗工人睇, 餵一餐奶粉

你咪睇佢食得唔多, 最叻嗰排食140ml一餐, 佢係大碼b, 我好滿足架喇~ 就算我唔係富媽媽 (最叻時一日得24oz), 但係養到隻小肥豬..

努力啦~ 樓主! 堅持係好, 但係如果你精神上支持唔到, 就要俾人幫你! 多d休息先有奶俾bb飲架!
仲有泵奶時要relax! 你個人太緊嘅話, 會少d奶架!
天氣涼~ 記得唔好冷親呀!

[ 本帖最後由小曳人於 10-11-24 12:40 編輯 ]

私人傳訊回覆引用

szekamama

大宅

積分: 3887

環保接龍勳章

12^#

發表於 10-11-24 12:42 |只看該作者

個個bb都有唔同性格ga,我bb餵一餐要50mins 都唔知夠唔夠, 咁我就成日安慰自己話有bb餵奶粉都要成個鐘啦, 我同我bb 算好ga啦,你能夠泵到出來餵都係好叻叻喇. 用樽定埋身, 就當好似大人食嘢咁,有人鍾意用湯碗, 有人鍾意用細婉咁睇啦, 食入肚的都係有益咪得囉.
你諗下, 我地返工咪又係要泵,都係靠飲水同休息, keep 好心情來維持奶量. 你都要呀!

私人傳訊回覆引用

yeemao