本帖最後由 rose-mag 於 13-4-29 11:33 編輯
Jesse44Jesse44 發表於 12-10-28 04:14
好想整,請酵素要去邊度買?thanks
唔係買架,要用生果加糖浸架,好多生果食物都有酵素。
玻璃樽洗淨風乾或熱風筒吹乾或焗爐烘乾,所有生果洗淨瀝乾去皮切片,
檸檬去皮切片去核,一層生果,一層檸檬,一層糖(用冰糖砂糖黃糖蜜糖都可以),
放入玻璃樽中,最後一層要係糖,糖份量大約係生果嘅30%至45%,
密封浸最少兩星期,浸薑或加醋要浸到三四個星期至收成,
唔怕酒味可以一直密封唔打開,怕就每日扭鬆個蓋透氣,
只要見唔到黑色霉菌就冇問題,有就唔要得。有泡係正常,
唔多泡亦都係正常,因為唔係隻隻生果都咁活躍。收成後將果肉同汁液分開,
汁液要放玻璃樽中放雪櫃,呢樽就係所謂酵素,可放約個半月,
每日最多飲90ML,飲時加凍水或冰,不可加熱水,酵素會死無晒效用。
剩底果肉可以食埋,有人用嚟整賓治、麵包餡或者一邊飲酵素一邊食。
花旗太太生活在花旗國,留意時差,你問我未必即時答到。