本帖最後由 silvia_ng 於 12-11-15 22:25 編輯
我私下識得樓主, 所以打左比佢了解左件事啦。佢而家係比較激動, 所以寫得九唔搭八, 佢請我向大家講句唔好意思!
佢仔仔而家二年級, 生得比較細粒,所以成日都成為人地欺負既對象。但佢自小教呀仔唔好還手, 有咩事話比老師聽, 所以佢個仔亦比同學覺得成日投訴, 更加蝦得緊要。
除左呢次剪頭髮事件之外,仲有其他林林總總既欺凌手法發生係佢仔仔身上,包括要佢帶錢返學, 唔係第日就帶呀媽把刀返去"筒"你,轉堂時老師走就比人打等等。
樓主每次都好嬲, 每次都好激動, 但之後都忍左。但呢次係兩個小朋友夾埋一齊蝦佢個仔, 壓住佢去剪佢把頭髮, 由於用"剪刀"去蝦人比較危險, 所以樓主今日即時返學校要求校方解釋及想與有關家長見面。
該校副校長等人解釋因該家長為經濟支柱,要返工,未能出席。及後先知原來該家長係懷有身孕,所以朝早要係屋企瞓覺休息。校方話萬一呢個會面導致佢小產, 咁大家都有好大負任喎。所以我朋友一直係該區遊蕩,等校方通知會面時間(因佢本身唔係住果區), 但等到中午都冇回覆,同埋呀仔唔舒服,想快D解決件事,帶仔仔睇醫生。
樓主覺得校方多次包庇此國內母親,及後有老師表示話會記該生缺點。但缺點我個人認為係唔足夠既,起碼都要記大過, 以示警戒。因為已經唔係第一次欺凌同學了(因為呢次除左剪樓主個仔既頭髮之外,亦剪了另一位同學頭髮, 該母親亦會與樓主一起投訴)。
我與樓主傾過後,建議佢唔洗報警, 應要求校方以白紙黑字解釋以下事項︰
1. 校方調查發生經過結果?
2. 當時有否老師在場?
3. 校方如何懲處該生?
4. 校方日後如何避免欺凌事件再次發生?
5. 該生家長之書面道歉信。
唔知大家有咩高見?
*** 藍色係更正返, SORRY
http://www.edu-kingdom.com/?10928
教育王國個人空間