香港18區媽媽會 今日: 2|主題: 156882

我就想仔仔讀返上午班，如果有全日班都好啊，起碼他可以更加獨立。但，前提系，幼稚園有位先得，因為好似真系好緊張下。29號學校家長接見日，到時候我就同老師傾下，問問可否幫手轉介過去屯門D幼稚園。

而早教及特殊學校，我完全都唔盼望啦，因為政府排位，起碼等到仔仔5歲先有位，到時候都遲曬啦。目前同他系出面做私人的訓練，導師都話他進步好大，過多3-4個月就會跟返正常同齡的小朋友差不多，所以我都比較安心小小。

擔心完個幼稚園位，跟住就系小學，接住就系中學，唉，諗到都頭痛

多謝曬啊！我呢幾日開始打電話去問，希望儘快處理仔仔的學位問題。
^_^

你好，好想同你傾下，因為我而家都好彷徨。我問左好多間幼稚園，好多間都已經話無曬位，有幾間就話留位排隊輪候。而東華三院田家炳同世佛真言宗就無SAY NO，話填表之後就安排面試。頭先問仁愛堂葉德海就話下午班有位。仔仔而家情況就系唔識得點同小朋友玩，但他好想同人玩架。如果你以過來人的身份，你會選擇邊間呢？
其實幼稚園同幼兒園，系教學內容上，會唔會相差太遠？入讀小學會唔會俾人地比較?

Hello, 仔仔真系比較遲先開始排啊（2歲10個月，上年7月）。 唉，11月再去尤德夫人中心度見幾個專科醫生，點知道個結果就系：到明年3月我地再安排復診，到時候如果情況理想，我地就會同社工講建議仔仔排I位，唔洗去S位。所以而家搞到我都暈曬。田家炳同世佛會真言宗都系I位幼稚園，講真，我只求D老師有愛心同耐心教我個仔，知識方面我可以系屋企幫他。我都想同果兩間幼稚園D老師傾下，但我拿申請表的時候，她們好忙，我古我都系要等交表格的時候先可以問下野。你之前同她們傾過，感覺如何啊？