本帖最後由 小寶貝兒 於 13-5-20 19:03 編輯
頭先答一個JM既留言, 寫下寫下寫左好長篇, 所以順手PO埋過黎唔好SIDE~~
去羅東唔難呀~ 我女第一次去果陣得歲半之麻~
去台北/松山火車站, 搭火車約1hr15mins至2hr內(不同車種同埋停靠站既多少), 可以先上台鐵個網度睇岩時間訂埋(不過我未試過), 又或者早少少去到火車站買, 最好買埋來回票, 因為回程都好full下, 如果去到羅東先至買回程, 可能要買到好夜先有~ (羅東夜市係宜蘭縣羅東鎮, 揀自強號會比較短車程, 如果係櫃位買唔到, 可以去自助售票機度買, 有機會買到, 因為我第一次去果陣就係咁~)
推介:
必食 : 羊鋪子羊肉湯, 魏姐包心粉圓, 三星蔥餅, 小春卜肉, 西瓜汁(忘記左店名, 係小春卜肉正對面)
可以一試 : 阿灶伯羊肉湯, 糕渣
必買 : 鴨賞, 牛舌餅, 諾貝爾草莓卷, 華家鞋園
宜蘭一日, 因為我地鐘意食野, 所以行程全部都係食食食, 想時間輕鬆d, 就搭朝早10點半既自強號, 12點就到羅東, 先去諾貝爾order定個草莓卷(味道唔錯, 如果第2日就飛返香港, 可以叫佢比個保冷盒你, 拎返香港做手信, 不過就呢hea d~), 再去夜市行個圈, 有d店已經開左, 有2間食羊肉湯出名既, 阿灶伯同羊鋪子, 我個人鐘意羊鋪子多d, 可以買走係中間個公園度食, 就唔洗排隊排到傻, 行埋去同佢講"一碗羊肉湯帶走"就ok, 唔洗排隊架~ 羊鋪子12點左右就開, 阿灶伯就4點, 可以先試羊鋪子, 下午再試阿灶伯~
到下午約4點, d夜市檔就開始開檔, 早d係羊肉湯斜對面的cosmad門口等三星蔥餅, 因為一陣就會好多人排隊~ 呢款蔥餅最岩鐘意食蔥既人, 因為佢係成碗咁多既蔥包係包皮裡面煎, 比台北食到既蔥餅多好多好多蔥~ 買完蔥餅就過隔離小春卜肉度買卜肉同糕渣, 卜肉好好食, 糕渣就一試無妨, 之後再到對面的果汁檔買杯西瓜汁飲, 唔知佢加左d咩呢, 比台北飲到既好味好多~
買齊就攞去中間的公園食, 又舒服又唔洗同人逼, 通常我會叫老公睇住囡囡, 我去買(因為我認路叻d~), 咁就唔洗擔心夜市d檔會整到囡囡啦~
食完可以去羊肉湯對面, 有間賣牛舌餅既店買手信, 裡面有埋鴨賞賣, 鴨賞買左返去可以涼拌, 或加落d菜度炒熱食都好好食~
買完手信可以去埋華家鞋園度買小朋友鞋, 仔仔款多唔多我又冇留意, 不過女仔款好多同好靚~ 最緊要係, 好多都made in taiwan, 有信心d~ 我每次去都會幫囡囡買返2對~ 大人鞋都有架, 不過我冇乜睇~ 哈哈~
買完食完, 去埋諾貝爾攞返個草莓卷, 就返去搭火車, 6點50分同6點55分有車返台北, 返到去約8點-8點半(一班車停站比較多), 係松山站落車, 跟住d人行, 係附近就係饒河街夜市, 又可以掃街一輪再搭的士返酒店~
呼~~ 終於打完~~ 哈哈~~
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!