霸王女間學校想D學生多D睇英文，寫作，咁就要每人訂一份英文報紙，霸王女拎返黎就劈埋一邊，從來冇見佢睇過，成份原封不動。大魚腸又唔識睇，我就間中睇下，跟住就掉！
我真係好激氣，每日花小小時間睇下份報紙都唔肯，一放學返黎就剩係掛住玩電話，乜q都唔做，我6點開始煮飯，大魚腸叫佢幫下我手開飯，佢就玩電話玩到呢個時間先去沖涼，我又要煮飯又要執枱。
早兩日我煮緊飯，大魚腸話塞車要遲小小先返，咁我咪遲d先炒菜囉！我就坐左去電腦睇少少野，霸王女鬧我好坐落去，我話借5分鐘都得掛！?
佢發癲係咁鬧我，話我唔問下佢就好坐落去，問下佢係咪咁難！?
我咪發火囉，我話你一放學返黎就掛住玩電話，乜野都唔幫手做，從來都係我地就你，你一句話唔得閒，要做功課，我都唔駛你做，自己做埋就算！你睇下你d態度，我做人阿媽，日日都要比個女鬧，我都唔知我做乜? 我為左頭家，攪到自己個戶口得幾千蚊，連買棺材既錢都唔夠，我仲係樹撐乜野? 有乜野再值得我撐落去?
佢話：你唔好叉埋其他野黎講，我而家話你點解唔問下我就坐落去?
我冇再同佢嘈，我入廚房炒埋碟菜，我係咁一路炒一路喊，大魚腸返黎見我喊，問我仲乜? 我話左件事比佢知，佢入去問霸王女，我聽唔到霸王女講乜野，剩係聽到佢好大聲喊，又鬧大魚腸！過左一陣就冇晒聲，之後食飯大家都冇出聲！
佢真係垃圾中既垃圾！我就直頭係犯賤，已經要頂住頭家，仲要日日比佢鬧，我攪乜呀?!!!!!
謀事在人，成事在天，個天先係最終揸"fit"人！！
你恨的人，來生不會再見，所以別在他身上浪費時間；你愛的人，來生也不會再見，所以今生要好好對他。
發表於 
返回列表
