唔經唔覺，黃二少已經8日大，湊住佢回想當年生大少嘅時候，不過今次無咁幸福，上次响媽咪屋企坐月，咩都唔洗做，今次得我一個人响自己屋企，樣樣嘢都要自己做，雖然媽咪隔日過來幫我買餸，整好晒全部嘢，但係好多嘢都要自己做，有時想叫老公做，但係佢做嘅時候我又睇唔過眼，又係自己做返。有時真係好唔開心，一個人响屋企對住個仔，老公又唔得閒理我，個仔食奶又食得密，夜晚又成日起身，都無覺好訓。個傷口又痛，而家先至坐月坐咗8日，幾時先至坐到一個月！