各位國民，親子王國網頁版現時嘅版面都推出咗好幾年喇，我哋嚟緊會打造一個全新界面，全面提升使用觀感，等國民可以更加容易搵到各方面嘅資訊。
今日我哋先推出咗初步試驗版本，會有1%用戶隨機試用，而呢個試驗版本，主要係全新設計嘅親子王國網頁版嘅首頁，今個2月會陸續有更多用戶隨機試用到。
如果您入到嚟親子王國網頁版時發覺唔同咗樣，唔駛以為自己去錯地方，您就正正係被選中使用試驗版本呀~ 如果國民瀏覽過試驗版面頁後有任何意見，都非常歡迎您喺呢度留個言，打低您對新版面嘅評價，我哋有您嘅寶貴意見先可以做得更好。謝謝~
