噚日的花小b，已經31wks5days了，到余醫生診所產檢，真是等到花兒也謝了，由三點半等到五點幾，差不多兩個鐘呀! 我躺在u/s床上ready時，我同花小b講，你要乖豬
呀，爹d媽咪等咗好耐先至有得睇呀!
上星期三睇董醫生時，花小b明明已經掉了頭向下，但係今日，他的頭仔又掉回响上，余醫生話，媽咪一定睇得奧運多，小b响入面做體操呀! 
我答：「係呀，佢仲成日响入面打我添」，余醫生話小b佢响入面打boxing
，第二時小b出嚟要打佢pad pad呀!
照花小b頭仔時，我哋見住他擰個面仔過嚟，和醫生、爹d媽咪say hello!!!! 連醫生都覺得花小b的面豬登好肥好肥呀! 肥啫啫的，好可愛呀!
簡直係花老爺面豬登的翻版。
現時，花小b重4lbs4oz、頭仔直徑8.2cm、大肶骨長6.1cm、肚圍有28cm
產檢後，順路到mothercare行吓，發現有另一款既怪獸衫，媽咪當然唔會錯過，媽咪相信花小b都會好鍾意d怪獸。 (半價後hk$55)
媽咪意想不到，花老爺竟然話，點解成日都係買衫仔呀! 一條褲仔都冇架? 所以花老爺揀了一pack兩條既褲仔，可以襯翻媽咪今次買的和上次買的怪獸衫。 (半價後hk$70)
晚上聽完仁安產前講座回家，安躺在sofa上睇奧運，我的奧運小b又嚟啦! 他真的不斷地打boxing，在我的肚皮上，時不時做出多個波浪，今爹d媽咪好開心呀!
