本人34歲,政府工,月入31K, 太太30歲月入16K,
預首期有約160萬
睇中左大圍唐5樓,樓齡50年,
價值440萬,正糾結買唔買好,
打算頭兩年自住,之後應該會放租或出售,想問問意見
更多文章：疫情下40歲生意人好唔好再買樓？
ANSWER:
50年樓只可做廿年按揭，加上買左好難出貨，大圍呢個碼係都睇金獅啦，不過要等，一般好少呢個價。你可以報買樓001之後等POWER TEAM通知你，佢會聯絡重點屋苑既經紀為你發掘低於估價或值得考慮既樓盤。唔好夾硬為平買唐樓，至少要攪清幾件事:
唔少唐樓係老豆淨落比仔(可以係一間分比三個，老豆係鐘意人人33%，不過咁就造成日後很多家庭糾紛)，而家賣家是其一業權定係代表全部業權先? 唔好落左訂先返去問其他人
隨時因為漏水又唔肯整，比人告釘釘釘契，要評估及識點拆。或者低層近野食多老鼠都好困擾
預只5成上會，可能更少，年尾唔借。所以都係個句: 無人陪新手唔好試唐樓，有人陪都未必好，始終件貨質地差，就當你以為筍左，可能做唔齊野及後發現係比人昆左
更多文章：銀行趁低息劏客 槓盡買債上路
POWER TEAM更有按揭、律師、經紀網絡提供，成個流程有人同你睇住去到邊同比意見，好似project manager咁! 想搵POWER TEAM報名買樓001，學費2000可當按金之後搵POWER TEAM做野例如買樓佣金扣返。樓一買錯要返轉頭太難，讀者借貸力為(31000+16000)/10000*50%*2.59 ~ 620萬，而首期可比成160萬，計埋有近800萬借貸力買第一城三房都得! 邊個咁玩野提議未買過樓既人入唐樓? 係咪當日有經紀同業主夾埋開高左個價? 收取佣金之外既收入?
即係唐樓原本放390萬，但係經紀同業主有協議比390萬賣貴左個部份，每人一半分左佢。有D細AGENT你見佢成年都唔做半單生意但都仲可日日開鋪? 唔少可能因咁既原理。
至於細A另一作用是幫手提價，心急客見心儀樓盤簽左臨約，即加碼入票。可以用細A比票買樓個位，可能同業主夾開，唔成交都唔會追佢差價既..亦有可能係間細A本身就係業主搵人揸住既。
當然個客都可以「古惑」，例如想買樓但其實就話租樓，比半個月租做佣識左個業主就省回十幾萬佣。經紀行業做生意，唔係真係簽個名就有佣收。
更多文章：三樣野好過你買樓收租？
其實更千奇百趣既野，已經係2010年有左辣招之後無左。不過見讀者好人一個政府工，又唔係無錢一開波就買唐樓，係唔係別有內情? 要人幫下眼睇睇?
其實有160萬，最「度」個隻，400餘萬買細第一城或者更遠的大埔，九成上會只50萬首期唔使，計450萬入手，月供410/259 ~ 15K。之後淨100萬，投入D餐唔槓桿收成9%，一年收成9萬蚊即7.5K/月，變相7.5K夠住第一城仲可供樓當儲錢。如果槓桿埋仲勁，一個月收成11K，只需比4K就可住第一城成個單位，平過租劏房!
保守既可用美國國債為主的債基收息，5%年息，一個月都有4K收，當津貼下租金。收得2-3年息，100萬又滾大左用老婆名買下一間，而唔好160萬首期葬哂係50年唐樓咁X…..
