很多朋友都說英國的天氣「陰陰沉沉，很影響心情」，出發前有至少廿人向我們說同一翻話，我們本著大無畏的精神，深信「香港人無理由唔得嘅！」
初到貴境，寒冷天氣真係唔講得笑，剛步入冬天，每日都有7-10度，晚上去到0-1 度，對於長期處於溫室的香港人嚟講的確係幾凍，香港可能最凍都係7-8度，英國呢邊嚟講叫「好暖」，諗住「咁同香港最凍時差不多」，不過英國人又少，又冇乜高樓大廈，真係長期食風，吹到面都痛！
更多文章：【幾個移民媽】居英「滿月」凡事沒有不可能
更多文章：【幾個移民媽】飛英生活體驗日記 第三章：離開家園的傷感
仲未到聖誕節及最凍的一月二月，英國朋友教落，落地後第一個月一定唔可以凍親，COVID 19期間要睇醫生或者去醫院都特別麻煩，所以保暖功夫真係要做足啲。
我哋都即時去買多幾張被、保暖底衫和保暖褲！打厚啲個底，冷帽、手襪更加係出外必備用品！就連BB車都要添加裝備！因為BB仲細未識講，當媽媽發現的時候他可能已經凍傷了，對腳又紅又腫又痛。
更多文章：飛英生活體驗日記 第一章：Shall We Move？
例如BB 着襪都可能會凍傷對腳，一定要加著羊毛厚襪或鞋仔。另外要再添加fleece 被套包實個bb, 擋風擋雨的BB車raincoat 。在香港擁有這些物資的時候根本想不到怎樣用，原來過到嚟英國真的很需要，好在很多款式在英國這邊很容易買得到，大家都要保暖至上，喺英國要過一個夠暖的冬天！！
