【農夫解答】點解會有“醜樣”的蔬菜？

有機農場不時都會遇到外貌奇怪、“醜樣”的蔬菜。我們請教過滿記有機農場的菜農，了解影響蔬菜外貌的因素，以及應否食用這些蔬菜的問題。

點解有機菜會有窿？

「有機菜有窿係因為沒有農藥，所以有害蟲，有啲害蟲會食葉，有啲食莖部，有啲食根部。如果食根部的，成棵就會沒有。如果食莖部的，我們肉眼看不到，真係要切開了才知道。如果食葉的，我們就要人手續隻捉，如果太多，真係要用吸塵機吸，因為如果唔理佢，成棵就會沒有了! 不過請放心，有窿的有機菜是完全可以放心食用的！」

有乜因素會令蔬菜嘅外表生得奇奇怪怪？

「蔬菜外形生得奇奇怪怪就是因為昆蟲食了那些莖部或葉，植物的光合作用做得不全面，而營養都輸送不均勻。」

點解有機菜賣相一般不及常規菜？外表欠佳會唔會影響味道或營養價值？

「第一，常規菜可以落農藥控制害蟲和化肥令植物生長得較青綠，賣相就會較好。其實，相比起常規菜，有機菜需要較長時間生長，做光合作用，時間長咗，當然有較高的營養價值。」

太過唔靚仔而又賣唔出嘅菜，農場一般會點樣處理？

「唔靚仔的菜，我會捐到蘇屋村給老人家，而真係太唔靚仔，就會用來推肥。」