唔少家長開始為子女部署入讀幼稚園嘅事，除咗要幫子女諗要讀邊間，做一系列嘅評估、安排同準備外，自己作為家長都要有唔少準備，正所謂「人靠衣裝，佛靠金裝」，老師或校長都係知識人士，家長帶子女去幼稚園面試時，除了應對問題外，係服裝上都可以留意，花少少心思進行搭配，亦可以避免一些不必要嘅服裝問題！
斯文大方
幼稚園入學面試大約係秋天時節，顏色搭配可以選擇粟子啡配白色、黑色配米色或大地色系，這些顏色會令人感覺和諧、舒服。
再者，秋爽嘅天氣可選擇加上薄外套，如輕風衣、皮衣或針織外套，盡量避免穿一字肩、運動全裝前往面試，會顯得太過輕便。
時尚便服
幼稚園面試大多只有一次，因為只有一次的機會，家長可以以純色連衣裙或簡單的衣服搭配長西褲、直筒褲或牛仔褲，盡量以簡單時尚為主，不少的品牌，如Zara , G2000等等，都可以在面試前去試穿作為參考。
親子搭配
唔少媽咪都會將自己嘅衣服連同子女嘅一起搭配，這類嘅親子裝既吸晴又有個性，除了同款，亦可以選擇係色彩上作搭配，例如媽媽米色上衣配白色褲，而女兒則間條粉紅上衣配白裙，或者碎花裙配不同色調針織外套等，一眼認出親子搭配就可以。
更多文章：【幼稚園入學】幼稚園入學面試衣著小貼士（小朋友篇）
因為始終係幼稚園面試，唔係見工，所以家長可以較為隨心，盡量體現出得體、重視這場面試即可。
父親衣著推薦
除咗媽媽會帶子女去面試外，亦有唔少只有爸爸帶子女去面試。爸爸衣著方面，則可以以穩重裝扮，純色嘅恤衫或有領嘅格仔、間條衫，再配搭西褲或直筒褲，既簡單又顯個性。
更多文章：
而爸爸衣著方面，可以唔使打呔，如遇天氣太熱，最好準備小風扇，這樣可以避免大汗淋漓嘅情況。
避免衣著
金光閃閃：穿着過於隆重，會顯得有點過於浮誇，幼稚園面試嘅對象唔係家長，係小朋友，如家長真係唔知如何打扮，建議衣服整齊、簡潔便可。
運動全裝：面試畢竟只有一次，以運動套裝出動，顯得過於輕鬆，不夠莊重。
性感衣著：唔少家長會係平日穿著熱褲、短裙或背心配涼鞋。面試嘅機會因只有一次，過於新潮嘅衣著確實會吸引人嘅眼光，但裙子太短或上衣太低胸亦容易出現走光等問題，家長衣著或會令面試嘅老師留下唔太良好嘅第一印象。
幼稚園面試最重要都是看孩子嘅臨場表現，以及親子之間嘅關係，家長衣着是否光鮮非重點，打扮大方簡單即可。
