由一月到依家，經歷過停課、復課再停課，家長嘅心情好似過山車咁高高低低。想帶小朋友出外走走，都要選擇郊外地區，避免去人群聚集嘅地方，疫情下可以參與嘅活動都好似試過。不如還原基本步，留喺屋企同小朋友做廚神，嘗試整「造型便當」，激發孩子想像力同創造力之餘，亦係一個溫馨嘅親子活動！
據說「造型便當」早於1192 年喺日本已經出現，當時係一位日本媽媽為咗揀飲擇食嘅子女嘅製作，估唔到呢鼓風潮一直流行。
更多文章：【收納教路】冰箱收納整理法
製作造型便當都有幾個要訣：
-避免太過稀薄嘅醬汁，配菜要以乾爽為主，例如：烚熟、煎、炸、焗、炒。
-使用小朋友喜愛的角色作主題，令佢哋期待製作過程及成果，忘記揀飲擇食。
-可以善用蔬菜將空隙填滿，令整體造型更立體而不至於空洞。
-使用天然食物顏色改變飯糰外觀，令便當色彩更繽紛，更接近像真。例如蝶豆花加水＝藍色；薑黃粉加水＝黃色。
-配合不同節日令便當更特別：萬聖節、兒童節、聖誕節等。
一位叫做上田太太嘅日本主婦，特別善長用米飯做還原度超高嘅造型便當！不論係迪士尼角色、蛋黃哥、妖怪手錶定係麵包超人，都難唔到呢位專業太太！每個便當賣相都相當吸引，而且佢本身係台灣人，網站更有中文食譜。大家不妨同小朋友跟住食譜一齊做！
呢位keiko0424 日本媽媽，為咗俾小朋友有更均衡飲食，都會花盡心思去炮製特別而可愛嘅便當，除咗每日帶返學校嘅便當，就連焗製甜品都相當用心，每日屋企一定陣陣香味，見到相都流哂口水。
造型便當、甜品、就連曲奇都係呢位媽媽嘅拿手好戲，每一個都唔係料理咁簡單，已經可以用作品形容。睇住佢哋Instagram 真係會嘩聲四起，簡直係專業甜品店售賣商品，好想快啲落手同小朋友嘗試製作！
