年尾長假期即將來到，特別多唔同嘅 Party 要出席，狂歡後面對嘅就係皮膚狀態一夜之間變差；面部水腫、黑眼圈明顯、皮膚又暗黄。最大重要係過多幾日又有Party 要去！個樣咁殘，幾厚粉都遮唔住啦，都咪話唔頭痛呀！
以下幾個方法可以幫到大家：
1. 補水修復
捱夜後，皮膚會變得暗黄，可以試下將化妝水倒喺化妝棉或面膜紙度濕敷3分鐘，快速令皮膚吸滿水份，或者係敷15分鐘面膜，之後按摩面部，加強吸收補濕精華，快速為皮膚補充養分，然後繼續搽平時嘅護膚品。
2. 熱敷眼部
唔夠瞓，血液循環唔好，自然就會出然熊貓眼！呢個時候就可以用眼部按摩機，交替冷暖嚟刺激眼周嘅血液循環。
最就手嘅做法，就係攞條毛巾，濕啲暖水直接敷眼，經濟又方便。
3. 預防水腫
Party 飲酒食零食，都會令我哋容易出現水腫。墊高啲枕頭先瞓，就可以預防水腫變包包面。攞埋梳化個咕?墊高埋對腳，咁就唔會出現蘿蔔腳啦！
第朝起身後，記得要按摩面部同小腿，消除浮腫。
4. 補充養分
為身體補充大量嘅礦物質同維他命，皮膚自然都會攞到足夠嘅養分，修復受損細胞，Party過後食多啲水果，尤其係抗氧化嘅莓果，都有助修復皮膚。
