雙職家庭其中一個難處是夫妻辛勞一天下班後，還要照顧孩子及應付數之不盡的家務，因此需要大家分工合作且有效地完成！但如果有一方是豬隊友，越幫越忙就可能會引起紛爭。正如一位港媽近日在網上發文抱怨自己的老公每次幫忙做家事都會有甩漏，到頭來都要她「執手尾」，老公不但沒有給予她精神上的支持，更埋頭玩手機，引起港媽極度不滿，甚至想禁止對方玩手機。
一位港媽在網上討論區親子王國以「 唔俾老公响屋企玩手機係咪好過份？」為題發文分享，指自己是雙職家庭並育有1歲的女兒，平日由於女兒喜歡黏著她多過爸爸，因此每天照顧女兒的重任都落在她身上，加上還要完成其他家務，因此自己沒有多餘時間玩電話。港媽指也有分工給老公幫忙做，但對方卻經常幫倒忙，只埋頭玩手機，「老公做嘢甩甩漏漏，沖奶啲水又唔啱，落藥又落錯，呢樣唔記得嗰樣做漏，唔係唔肯做，但好多野都做得唔好又甩漏，但就永遠不會忘記玩手機。」
港媽認為自己的老公在分擔家務的表現很差，實際上幫到的不多，「已經冇乜嘢幫倒手，仲甩甩漏漏，已經好忙啦，我成日要翻手做」，重點是當港媽再看到對方玩電話時就更是生氣，認為最低限度應該要精神上支持自己，而不是只顧著自己玩樂，「如果佢咁無能，最低限度要俾精神support我，我忙到冇時間玩手機，佢都唔好成個大爺咁响度玩手機啦！」，正因為以上問題，港媽甚至想要求老公在家不要玩手機，因此發問求問網民的意見。
帖文引起熱議，大部分網民都不贊成港媽限制老公玩手機，反而要多給予機會教對方做家務，「我覺得應該要佢做返好啲嘢，多過你限制佢玩手機」、「你俾機會佢先會越做越好，做得好記得要讃，鼓勵佢肯出力」、「唔俾佢幫忙，又唔俾佢用手機，呢個係咩玩法？意氣用事非好事」、「禁止佢玩手機當然不可以，你要多讚美他，慢慢誘導他做多d」。
另外有網民認為港媽應多體諒老公，降低自己的期望值，「講真你叫佢地做野, 一定唔會100%合你滿意, 有做幫到手已經好好, 執手尾既我係預左」、「如果自己做, 可以做到自己的想, 人地做, 必須要打7 折, 6折, 5 折, 挺正常」。
亦有網民留言提醒港媽寧可改變自己的心態，也很難去控制別人，「禁止用電話, 梗係唔得, 控制人已經唔啱」、「只有自己心態改變，如果要一意孤行恐怕婚姻隨時出現問題」。
