我並不只一次聽很多working mum抱怨想陪小朋友但時間太少工作太忙，的確，香港這個畸型的社會，對小朋友對媽媽都很殘酷，一年年假才10多日，好彩嘅有20日，產假10星期，bb嘅時候去健康院打針要用假，大d去番學bb病咗發燒又用假陪佢，想帶佢去旅行又用假，再大d考試家長日又故事爸媽等林林總總嘅野都要請假去做，假期根本多多都不夠用。
唔好講話你仲要佔用番工時間泵奶等事，要一路番工一路湊好bb幾乎就係mission impossible!
平時番咗工要交俾長輩/工人姐姐湊，放咗工忍受住成個office都未走而你仲要早早走先番到去見得bb兩三個鐘，跟著佢又要訓喇，每日都好想可以陪佢耐d，那怕只多半小時……
我做咗媽媽之後一直係度諗到底係咩社會共識令媽媽咁辛苦？又要搵錢又要湊b，結果兩樣都好難做得好，最衰嘅如果想要唔做野湊b好似會淪為大家嘅口實。
「下？讀咁多書唔做野？」
「唔做野係屋企做乜？」
「咁後生唔做野梗係唔好啦！」
「請工人湊law!」
Bla bla bla 諸如此類既說話真係識背了。
其實full time mum絕不是悠閒的工作，上一輩好多媽媽都係一有咗就唔做野湊大自己個bb嘅，點解今日就對新一代嘅媽媽咁harsh呢？
再加上今日咁多小朋友承受嘅壓力比我地以前大好多，媽媽係咪應該花更多時間陪伴小朋友呢？情緒管理係非常重要嘅課題，誰又比媽媽更稱職去擔任小朋友嘅老師呢？
就算係家中長輩，愛心足夠知識不足，工人姐姐好多都係打份工，抱住不求有功但求無過既心態有對小朋友嘅成長好嗎？今時今日講嘅港孩其實好多時就係因為有工人姐姐，令大家少咗對家務同自理既負擔，當中多少也有關係的。
不滿還不滿，還是要繼續一支蠟燭兩頭燒的生活，好了，呻完，又係時候繼續番工！
(圖片係其中一張早上番工前影下個大dir嘅睡照一張！)
