有出過力就當贏！一個冬日的早上，在大嶼山水口濕地看到一對母女的身影，一手提着鉗，一手提着垃圾袋，彎下身清理垃圾。
這對落力的身影，是媽媽Sarah和9歲的女兒祈祈。疫情以來，母女的抗疫活動之一便是到郊外執垃圾。祈祈看似駕輕就熟，只是對付樹枝上難纏的膠帶有點吃力。不過，定力維持了大概15分鐘，祈祈就溜了去「自由活動」。
Sarah放心讓祈祈四處跑，邊低着頭執垃圾邊輕輕笑道︰「頭十幾分鐘好落力，跟住就唔知走咗去邊！不過佢開心又影響唔到人就得！」
大概拾了一個多小時，她們和隨行的義工已經執了近40袋垃圾。Sarah坦言祈祈的「貢獻」只佔一少部分，而且垃圾執極都不會執完，在別人眼中好像很傻。但她一於懶理，因為深信做每件事背後一定有得著︰「我好想佢（祈祈）知道，大家覺得佢哋（小朋友）係做唔到，其實係做得到！」
放手讓孩子奔跑，又放手讓孩子做回真實的自己。在Sarah眼中，祈祈一直是隻活潑好動的開籠雀。她從不強迫女兒報讀任何興趣班，反而常帶她去做不同義工，因為做個有愛人和快樂的人，才是Sarah對祈祈的最大期望。
一起用4分鐘，感受一下勇敢開懷的祈祈是如何「煉成」的。
