無性婚姻可以撐多久？有港媽近日在網上發文抱怨自從生二胎後與老公的性生活大減，覺得老公有意無意避免跟她有房事，懷疑外面有第三者卻沒有證據，終於令港媽受不了提出離婚，而老公竟欣然接受。對此港媽覺得十分迷惘，為了子女不想離婚，但是夫妻間的信任及性生活問題又令她很辛苦。
一位港媽近日在網上討論區親子王國以「生小朋友後，性生活，離婚？」為題發文，抱怨自從生了二胎之後就跟老公分房睡，性生活也隨之而減少，「佢應承我一個月最少一次，但始終都無發生，我好似個個月等佢搞我咁，結果失望又失望。」，令港媽不禁懷疑對方是否有外遇，所以對自己沒有興趣。
當港媽與老公探討性生活的問題時，對方曾以生理狀況問題為由作解釋，但港媽半信半疑，「隔左年幾佢先話自己下面狀態變差，朝早起身唔係日日有晨勃，我唔知真定假，因期間我地有行埋時佢都無問題！」。
上述問題更令夫妻關係決裂鬧離婚，港媽分享早前向老公暗示是時候進行房事，但懷疑老公特意嘈醒小朋友，以破壞機會，「尋晚佢本身諗住做，因我早兩日有暗示一個月又就快完，但佢抱起小朋友去隔離房時，兩個小朋友都比佢整醒曬。我就好嬲，覺得佢專登整到佢地醒曬，就唔洗同我做」，終於港媽受不了向老公說要離婚。老公問了一句「後唔後悔我話我受夠」，之後就答應離婚，「佢都話離婚Ok，佢話或者大家緣份到此。」。
港媽十分掙扎，指她老公曾經暪著她跟女同事曖昧，令她失去信任，「成日要check住佢，我都好辛苦，但現實係搵唔到有第三者。」，但同時又指其實老公其他各方面都很好，「佢亦都好照顧屋企，每個月有比錢我，亦都好有儀式感，情人節有送花有出街食飯慶祝，放工番屋企，星期六日陪小朋友」，唯獨信任及性生活方面令她感到很辛苦，覺得受夠。
港媽指老公不斷答應自己會改善問題，但結果都是令她失望。面對離婚的決定，她感到很迷惘，不知道是否應該給大家多一次機會，「我兩個小朋友仲細，兩個小朋友好錫我好痴我，我好想比完整家庭佢地，我而家好迷惘唔知點做好。」，另外疑惑當男人到40歲後性能力是否真的會下降，於是求問網民。
帖文引起熱議，有網民直言分房睡對夫妻關係不健康，「兩公婆不是老人家, 有咩理由不同房訓? 問題會好多。」、「大家都冷靜d先，由而家開始同房瞓」。亦有網民支持港媽，認為男方有問題，「男方一直都唔願行最後一步，一係有問題存在。」、「40歲仍然好後生, 正常唔會下降得咁快, 除非一直有問題.」、「你多次要求無果，呢個問題嘈過無數次，結果都係無行埋。照顧兩位小朋友為主為中心吧。」。
