兩夫妻要經營一個家庭絕不容易，如果只有一方付出而另一半卻只愛自己，總有一天會爆煲。一位港媽在網上發文抱怨，指自己嫁給一個愛自己比其他人多一萬倍的人，感覺很難受。港媽列舉了多個例子指出老公只顧自己的興趣，但對照顧小朋友或家中的大小事卻不聞不問，不覺得自己有責任要分擔，一直以來都是奉旨港媽去獨力完成，久而久之令她感到很厭倦。
一位港媽在網上討論區親子王國以「無限嘅失望」為題發文分享，分享老公愛自己比起其他人多一萬倍，表示很難受，「雖然都明白喺呢個世界上，老婆已係佢叫做最錫嘅人，不過一秤埋佢自己嘅興趣，無任何人或事比佢自己嘅興趣更重要，其實呢個感覺好灰。」
而其中一個令港媽鬱鬱不歡的原因是，她覺得沒有人明白自己，老公身邊的朋友都為他發聲，「覺得個老友去做自己嘅興趣都無自由」，但事實上港媽指老公從來都沒有犧牲過自己的興趣，指小朋友出生頭幾年都沒有停過每個星期外出。港媽再舉出例子，「個老婆痛到死去活來，要自己瞓喺床邊，擺個三個月嘅仔喺入面，驚自己痛到暈咗睇唔到個仔，個仔會翻落床，都無打電話叫佢回家。」，港媽認為即使當時致電對方都無補於事，「個男人只會怨，覺得又少咗一次去自己玩嘅機會，佢只會覺得個老婆係唔鍾意佢出街，扮病。」。港媽再透露，最後才知道原來自己一直有個腫瘤，「繼續自己挨咗十幾年先知」。
港媽再指老公經常都會鼓勵她外出遊樂輕鬆一下，但實際上都沒有站在她的角度去思考，「每次出街後回家，都係要做番家中籃子嘅嘢。感覺係出完街仲慘過無出街。」，反觀老公出街過後是完全無後顧之憂，因為家中一切一定有人會打點。「我出街，出完要用番時間去做番原本喺家可以做妥嘅野。」。
不論是家中對內對外，由小朋友讀書，至到搬屋裝修，港媽指出老都從不參與，「有次叫佢去睇吓裝修進度，可能佢覺得自己都唔識，睇嚟都無用，唔去。咁你唔去，咪我去。一開門，見到一個無着上衫嘅裝修工人迎面行出嚟，頭頂有盞只有黃光無燈罩嘅燈膽搖擺住。個感覺係即刻想掉頭走。當然呢啲野阿朋友們唔會知。」。
談到育兒的問題，港媽指另一半都沒有盡力配合。她舉出玩電話的例子，指出兒子已經長大，跟時下年青人一樣，機不離手，作為人母她認為要以身作則教好兒子，但老公完全就手旁觀，也沒有做好榜樣，「呢頭話個仔，嗰頭個老豆一直無離開過個電話。」。
以上種種事件令港媽很心談，對於這段夫妻關係很麻木，坦言只有無限失望。帖文一出引起熱議，不少網民認為港媽不應再留戀這段關係，「走得快好世界」、「佢唔係出軌，就同屋主啦！如後生有經濟能力先走」。另外亦有網民同情港媽的情況，「要改變一個人係無可能，時間耐左，係令自己接受左事實就係咁，對方就係咁…已經無得變，無得回頭。唯有向前望，多d擺心機落小朋友身上仲實際。」、「明白同體會！同你都一樣，同佢過咗大半世人， 仔女都大曬， 而家隨心而行， 放開一切就會舒服好多！」。
