龔老師你好，經男朋友介紹下，睇左你Facebook的資訊同問答題環節，糾正左我唔少投資壞習慣。
之前會短炒股票，諗住賺少少就會即刻走，但係overall真係有蝕錢，所以依家諗住做返個月供股票計劃。
而加有幾個問題想請教下，講返少少背景先：
我同我男朋友一齊夾錢買樓，打算出租一年，第二年收返來自住。下個月開始就要每人月供各10K樓宇貸款，但我工作同月收入唔穩定，一般月入25k-30k。
更多文章：【理財個案--合約教師的股票組合配置】
我地有個聯名戶口，存款約100k、而我個人戶口就大約有300k-400k。現手持匯豐1600股，打算長渣收息。
1）我想做返個月供股票計劃，想唔影響生活質素既情況下，應該每月幾多錢出來供會比較好？
2）爬文見到龔老師有講到，盈富基金、比亞迪、港鐵、金沙等等，假設我月供6000，我平均分配 2000/盈富基金，2000/比亞迪，1000/中電控股或匯豐，1000/中國平安或，呢個組合比例可行嗎？或者有冇其他建議？
3） 係而加仲有流動資金情況下，要唔要短線投資比亞迪？而家呢個價位適唔適合入市？
麻煩龔老師你既解答～
個案重點：
‧短炒蝕錢
‧剛買樓
‧收入不穩定
‧現金約500k
‧持有1600股匯豐收息
重點目標：
‧月供股票供款額
‧月供股票比例是否合理
‧比亞迪適合短線入市？
龔成老師分析：
1）其實月供無話供多少錢才是好，你可以視乎番你現時生活開支，將餘下的大部份進行月供。在月供同時，也把部份錢儲下，等待大跌市時出現的入市機會。但你要留意番，你第二年開始會無租金收入去抵銷樓字供款，不要忘記計算這筆數。
2）當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目。所以月供應配置什麼性質股票，要視乎你年紀。
更多文章：【理財個案--20出頭，月供基金還是月供股票？】
例如你是25-35歲較年青，我會建議你投資在平穩增長股+潛力股。
所以，匯豐（0005）這類收息股，就未必適合這年齡的人士。
平穩增長股︰盈富（2800）、金沙（1928）、恆基（0012）、中銀（2388）、港鐵（0066）、長建（1038）、領展（0823）
潛力股︰安碩恒生科技（3067），中生（1177）或福壽園（1448），因為這些股票都以增值為主。
你所講的月供股票是優質的，都可以供。但要留意番盈富和平安是平穩增值類、中電控股和；匯豐是收息類（適合較年長人仕）、比亞迪是潛力股類。你要視乎番自已年齡，去選擇合適的投資組合。
3）投資任何股票，我都唔建議短炒。短炒根本是無法賺錢，我之前做銀行、證券行多年，見證大量客短炒全部都蝕錢，只有長線才能有錢賺。
因為投資股票其實就是投資企業，而企業成長需要時間。就算是優質股，中短期都會有股價上落，要長期先可以確保股價向上。
至於比亞迪（1211），你有貨可長線投資，但如果想加注，現價唔太建議。同埋唔建議短炒。
或者你可考慮月供：GX中國電車（2845），這基金的目標是追蹤Solactive中國電動車指數NTR「相關指數」表現緊密相關的投資回報。
持股中最重就係比亞迪A股（002594），中國因為能源問題，長遠一定要發展電動車，這是大方向，故此股有一定投資價值。
由於近期不少車股被炒起，此股現價略貴。無貨可以現時入少少，到有明顯回調才再慢慢加注。
潛力度是有的，但會比較波動，如投資宜慢慢分注，可長線。
若然你有問題想向龔成老師發問，可在龔成的fb專頁中inbox龔成。
