龔老師你好，一直都有睇開你的Facebook 及YouTube, 最近還有睇你的書，不過自己在處理財務這方面實在很蠢，所以寫信求指教。
本人已經34歲，有90萬在銀行，其中有25萬在英國投票脫歐時買入英磅，現在蝕到乜咁?
另外有大約20萬買左一d股票、有2382、騰訊、中移動、六福等等。其他為現金。
依家剛剛因對公司不滿辭左職，月入本來3萬。之後未來半年至一年應該搵唔番呢d錢，未必能月供股票或儲錢。
我想問下我呢個咁case我仲可以做d咩？股票/英磅/現金係咪應該重新分配？
覺得自己將來唔會可以靠男朋友/老公，亦相信唔會有小孩老左可以供養自己，亦都買唔到樓因有公屋。好想放棄人生，但未放棄前想睇下仲可以做d咩。謝謝老師。
個案重點：
‧34歲，剛辭職
‧45萬現金，25萬英鎊
‧20萬股票
‧未能存錢或月供股票
重點目標：
‧手上資產如何重新分配
‧如何翻身
‧重新找工作
龔成老師分析：
你唔需要放棄人生，因為這刻可能是你人生的突破點，每當我地遇到一些大難關時，往往是最大突破的時候，如果一切如常，你就唔會有進步！
比起理財，你要變得積極返，你要做3樣野，第一，做運動，保持身心健康，保持積極性，第二，自我提升，你這刻是學習的最好機會，無論是睇書、上堂，你都要盡力吸知識，這是你的突破點！
第三，尋找工作，除非你打算做生意，否則，這刻先找到工作先，令你每月有基本的現金流，否則會用盡你的儲蓄。
更多文章：【理財個案2021】20歲遇人生突變，如何是好？！
至於你的財富，記住，我地繼續持有一項資產與否，最重要是分析質素、前景，買入價只是心理因素。
現時你持有的股票，基本上都是有質素的，可長線。
英磅你賣出一半先，餘下持有，股票可以持有，其實這些股都有質素，但你不懂分析企業平貴，所以你之後要好好學習。
其餘的暫時不用改變，等你有收入，就可以開始用現金，分注投資優質股，暫時你持有的現金，不建議動用。
你34歲，仍然是財富增值的黃金時期，之後點發展，就睇你自己！
若然你有問題想向龔成老師發問，可在龔成的fb專頁中inbox龔成。
