信貸評級越高，按揭利息越低？
現在香港樓價長期高企， 年輕人只能望門興嘆；與其不斷儲錢都上唔到車，倒不如及時行樂，立即消費。開心最緊要嘛。
時下嘅貸款廣告，標榜借錢只需要身分證，手機，仲要唔使露面， 就係為咗睇演唱會、追星、去多轉旅行，即刻有cash，仲有現金回贈；但實際嘅利率可能高達10-20%，利息隨時高於本金。
好不容易儲到首期置業，卻遇上銀行借唔足成數、息口高，甚至拒絕借款，要撻訂；點解會咁？事出必有因，可能係您嘅環聯信貸報告評份唔達標所致。
香港環聯資訊有限公司，係全港首間及唯一間，記錄所有有關您信貸資料嘅服務機構。每人都會被給予一個評分，由A-J不等。銀行會參照報告上嘅評分，去釐定借款嘅成數及利率嘅高低。
Photo credit: Transunion HK
信貸報告上嘅記錄是跟你一世的，所以，必需學懂保護自己嘅個人信貸記錄：
1. 避免有大額的信用卡分期簽帳
2. 避免申請由財務公司提供的私人貸款
3. 所有債務包括卡數，每月需準時清還，避免只還min pay
4. 切勿在短時間內向多間銀行申請信用卡及私人貸款
如對自己的信貸記錄有懷疑，可自行到環聯申請報告查看，如評級為E級以上(E-J)，建議買樓前先尋求專業意見協助。
簡單來說，每月準時還款，謝絕向財務公司借錢，信貸報告評分必定良好。
