你好！！龔成老師
想請教一下你關於強積金問題
我之前驚強積金會輸晒，所以只係揀咗兩隻低風險保本基金
東X（行業計劃）均衡基金 40%
東X（行業計劃）強積金保守基金60%
但我覺得你所講嘅嘢好合理，年輕可以進取啲
所以想將強積金 轉為
東X（行業計劃）香港股票基金50%
東X香港追蹤指數基金 50%
1.其實供強積金係唔係我每月所供嘅錢，銀行幫我做月供去供呢兩隻基金？
2.同埋我見東X香港追蹤指數基金系99.8%買盈富基金，如果咁樣嘅話，仲有無需要再額外喺出面月供盈富基金？
3.我個人想買一啲有唔錯息率，但又有增長力股票，暫時睇左老師啲書，比較想買 2388、66、16、1928
其實823我都想買 但係長期都唔平，我個人推測佢嘅合理價只係$62左右。
希望指教一下！唔該晒。
個案重點：
‧強積金60%在保守基金
‧年輕人
重點目標：
‧想調整強積金
‧強積金已有追港股，應該再買盈富
龔成老師分析：
對呀，年輕時你可以進取少少，太保守會浪費左複息增長的能力，特別是你年輕，所以，強積金只需簡單配置，因年輕而慢慢調低風險就得。
1）基本上係，但具體上，因為佢地有佢地的運作方法，所以有可能正式買賣會差少少，但原理上，你當是如同月供就得。
2）出面都可以月供，強積金你在65歲前都取唔到，而出面的資金你可以自己運用、配置，所以出面照供盈富（2800），是無問題的。
3）這幾隻都是有平穩增長，同埋股息不差的股票，基本上你可以分注投資。至於領展（0823）的確長期處略貴水平，你比較佢同其他房託的息率就知，但領展的確優質，所以又有少少貴得有道理，所以，要等做回到較合理水平，唔知等唔等到，這類股，都可以考慮做月供，但就不會現價大手入。
