當女人成為媽媽後是否連扮靚的資格都沒有？一位髮型師日前在社文平台發帖分享關於女人當媽媽後的悲哀，她指遇到一位港媽帶著老公和兒子來弄頭髮造型，一開始港媽興奮又期待地在挑選造型，但當她想尋求老公的意見時，卻遭對方嫌棄說：「你整咩都係咁嘅樣架啦，帶住個仔，同朋友食餐飯洗乜搞咁多嘢呀？」，髮型師雖然沒有即場出聲，但心底裡替港媽不值及不忿為何港媽默默地接受批評，而不忠於自己的感受，概嘆女人是否當媽後就連扮靚的資格都沒有，「原來，帶住個仔，連老公嘅基本尊重都唔值得擁有」，帖文引起網民討論，很多人指媽媽們應該好好善待自己，不應該失去自我。
一位髮型在社文平台threads發帖分享，指近日遇到一位港媽客人帶著老公及兒子到髮夾屋弄頭髮造型，一開始港媽很興奮地跟她相討不同的造型，自己都有介紹了幾個款式供挑選，但當港媽想尋求老公的意見時卻遭對方嫌棄及嘲諷，「佢指咗其中一個比較華麗嘅髮型問老公呢個啱唔啱佢，老公一臉嫌棄咁講：『你整咩都係咁嘅樣架啦，帶住個仔，同朋友食餐飯洗乜搞咁多嘢呀？』。髮型師聽後覺得很火大，認為港媽不被尊重，「果刻我用左手㩒住右手，右手再㩒返住左手先可以控制到自己唔好發火」。
可是，港媽的反應只係表情有啲無奈，然後問個老公咁揀其他款好冇呀？
髮型師雖然沒有即場出聲，但心底裡替港媽不值及不忿為何港媽默默地接受批評，而不忠於自己的感受，「當你以為媽媽聽完會同我一樣咁發火，但我話你知係冇，係冇啊！！！！！！！」，她形容該港媽只是表情有點無奈，再默默地問老公挑選其他款好不好。對此，髮型師概嘆當女人當媽後原來是會失去自我：
//
原來，帶住個仔，冇得扮靚
原來，帶住個仔，整咩都係咁
原來，帶住個仔，連老公嘅基本尊重都唔值得擁有
//
髮型師表示，最後她幫港媽設計了一個比較簡單髮型，弄完後事主老公說：「嗱！咁簡簡單單咪幾好」。她心底裡很想替港媽出一口氣，認為她應該捍衛自己的自由，「我好想同媽媽講：『其實你想整乜咪整乜，洗乜理你老公講乜？』」，並表示只要港媽出一句聲，她一定會落力替她打扮到最美，「你出句聲，你想整到孔雀咁我都會盡力幫你」。
帖文引起熱議，大部分的網民都替港媽感到不值，「我哋都係獨立個體，先生都要俾返最基本嘅尊重太太。黑人問號，有邊個先生唔希望自己太大靚？」、「點解有d人可以對住呢d講嘢咁難聽嘅另一半」、「呢啲淨係識打擊老婆 踩老婆既男人，我相信都係D廢人黎」。
亦有網民鼓勵媽媽們，即使生了小朋友都不應放棄自己，要有自己的堅持，「有小朋友一樣可以扮靚，點解唔可以，我都最憎聽到啲老公咁講，扮靚係要令自己開心，唔係取悅任何人的。」、「生咗仔都唔代表要放棄打扮，就好似有啲姨姨、婆婆都仲會着得好靚咁嘅姐。」、「媽媽係一個身份，唔係一個束縛」。
