其實我好鍾意飲奶昔，但最近都無出街…又無咩地方買到奶昔飲。不如自己動手做啦，原來材料都勁簡單，只需要兩樣材料加熱撈埋就搞掂！過程輕鬆簡單，口感仲好似雪葩，所以和牛B都超鍾意呢。
茶點時間整一杯，再配手指餅。和牛B直情當佢係醬咁食~
^ 雪葩口感
雲尼拿奶昔 (一杯份量)
材料:
材料:
牛奶 140ml
棉花糖 40g
朱古力奶昔 (一杯份量)
材料:
朱古力奶 140ml
棉花糖 40g
做法:
1. 先將棉花糖倒入牛奶/朱古力中，再用細火加熱，保持攪拌，直至棉花糖完全融化。
2. 將混合物放涼後，再放入冰格3小時。
3. 完成!
朱古力奶昔做法都係一樣~
再送多個懶人大法，如果嫌開爐都麻煩，亦可以直接將所有材料放入微波爐用玻璃器皿加保鮮紙。放入微波爐加熱(600W) 2分鐘，就融晒啦。
