近日多了很多放電新場地，
但讓我有點期待的其中一個就是新加坡獲獎遊樂場Kiztopia Hong Kong
之前看到網上設計圖，Kiztopia的波波池與巨型攀爬區，一看就知是小火子杯茶！
超巨型攀爬區
場內最搶眼的巨型攀爬區，造型超級可愛，
放電也不忘要拍照啊
攀爬區內有不同挑戰項目，
基本上小孩入咗去玩就唔肯出返嚟啦
瘋狂溜滑梯
設置了8條，最高可達4米高的滑梯，滑梯離心力十足，除咗小朋友，媽媽都玩得好開心，滑梯仲係粉紫粉紅色，暗地裏加分
更多文章：【親子好去處】放假必去！古洞隱世特色茶座 休閒打卡@獅藝館農莊茶座
挑戰不同障礙
攀爬區內有不同障礙，如流星錘、懸索橋、十字轉門等等，設計都幾有心思
小火子覺得非常過癮，我陪玩一次已經爆汗，陪玩果然就是最不經意的瘦身活動
彈跳地帶
攀爬區背面仲可以跳彈床，彈床面積都唔細，咁就可以跳得更盡情更安全
充氣彈床
各位電力寶寶的媽媽一定明白，有得玩小朋友嘅電量無限嘅⋯咁就去充氣彈床推繼續跳啦，冷氣下跳彈床係爽嘅，而且有一個好似香蕉船咁嘅裝置，好玩！
原創角色體驗
Kiztopia着重寓學習於玩樂，場內設有超市、廚房、汽車維修工場、衣帽架等等的職業體驗，每一個位置的裝潢都10分可愛，不過空間就唔算好大，如果人多可能就要輪候一下。
更多文章：【親子好去處】山頂廣場Ｘ快閃西高山 挑戰600級樓梯登山！
幼兒看護區
有迷你的滑梯與攀爬牆，適合六歲以下的幼兒使用
積木遊戲牆
展示了很可愛的原創角色，小朋友也可以運用積木發揮創意
派對場地
巨型攀爬區對面一間Tiffany Blue的房間
吸引了媽媽的視線，原來是一間可以舉行派對的房間
如果喺度開生日會一定好開心
超多原創角色打卡位
Kiztopia有8位原創卡通角色，場內充斥着可愛嘅卡通角色，仲有親子叢林打卡區 俾大家影相，記得帶埋小朋友去打卡啊，咁得意嘅原創角色公仔仲可以買走添
更多文章：【親子好去處】全港首個KAKAO FRIENDS主題Staycation 好玩好食兼打卡able！
提供輕食及休息區
場內有一間Cafe提供輕食，也有座位可以休息，玩累了就可以充電囉。
不過幾時都係有人陪玩更好玩
爸媽們準備好一齊放電未
Kiztopia Hong Kong
地址：沙田新城市廣場一期LB08-09, PLAY PARK
營業時間：10am – 10pm
預訂門票：klook (https://tinyurl.com/2kk66z8w)
謝謝收看，如果喜歡貓町媽媽的文章或想觀看更多親子玩樂情報，歡迎到訪貓町媽媽的Facebook專頁:<貓町媽媽 親子 玩樂 扮靚日誌>
加我IG: catdingmama
