Happy Friday! 假期前夕分享一下玩樂情報~
召喚太陽伯伯，好想去玩啊!
之前約咗朋友快閃一轉錦田，
原本諗住可以玩多幾個points，
不過玩完錦上路環保農莊燒烤場
再去埋市集玩彈波機就已經冇電啦....
錦上路環保燒烤農莊面積唔大，
但勝在唔使入場費，有動物有嘢玩，
小火子兩三年前人生第一次玩射擊就係呢度！
估唔到而家仲有得玩，好懷念啊 ^^
遊戲可以逐次收費，或者用$100買遊戲券，就會送$10遊戲券，玩完遊戲可以換禮物。
更多文章：【親子好去處】暑假酒店第一擊！親子友善Staycation 吃喝玩樂 體驗度假感覺
地方細細，其實都幾多嘢啱小朋友玩：
水珠彈 （$40/10分鐘）
場地佈置都算認真，
開戰前可以先同小朋友影相。
小火子同爸爸對戰，好興奮！
不過比水珠彈打中都會有少少痛，
呢個位係場內最多蚊嘅位置!!
請做好防蚊準備!
撈金魚 （$25/10分鐘）
可能因為水池呈長方形關係，魚群更容易游走，
我覺得應該係冇咩可能撈到嘅....
不過小朋友開心就OK啦。
環保釣魚 （$15/好像是10分鐘）
想滿足感大啲，可以釣玩具魚，
玩具魚顏色繽紛，影相效果都唔錯㗎。
奶樽餵魚 （$10）
頗有趣的遊戲，不過如果奶樽內有太多水，魚魚就食唔到魚糧，爸爸媽媽要幫幫手。
更多文章：【親子好去處】夏日放電@天水圍綠田園 在農場玩勻海陸刺激遊戲！
親親動物 （飼料$5/份）
兔仔超可愛，只要$5就可以被兔兔包圍啦。
電動車（好像$40/10分鐘）
車既外觀都幾有型，不過馬力唔係好夠，轉彎有難度⋯小火子玩左幾個圈直接放棄。
其實仲可以整手工，玩掉圈，節目都算豐富吧～
天氣咁熱，當然要坐低休息下，可以點豆腐花，菠蘿冰與蜜桃冰也很推薦。
更多文章：【親子好去處】西貢獨木舟初體驗 乘風破浪 完成不可能任務！
錦上路環保農莊燒烤場
Facebook: https://www.facebook.com/greensbbq
玩完轉場去了位於鐵路站旁跳蚤市場的一間店玩彈珠，大多數遊戲都像是$25一大盒波，可以慢慢玩。
但如果說單純為市集去錦田就不大推薦，湊合其他景點一齊玩吧！
市集旁就是時租停車場，自駕的朋友可以泊車在這裡啊！
謝謝收看，如果喜歡貓町媽媽的文章或想觀看更多親子玩樂情報，歡迎到訪貓町媽媽的Facebook專頁: <貓町媽媽 親子 玩樂 扮靚日誌>
加我IG: catdingmama
