今期流行…嬰兒腳甲油？
原來英國嘅三胞胎實在太似樣，唯有搽唔同顏色嘅腳甲油去分辨佢地。
就咁睇佢地嘅生活照，真係好難認到邊個打邊個，但可以肯定嘅係每一個都好得意，難怪俾電影公司睇中做童星。「佢地其中一個拍戲拍到攰，就由另一個代替。反正佢地個樣都一樣！」
呢三個BB比預產期早咗兩個月出世，屬於同卵三胞胎，出現嘅機會率係十六萬分之一。大姐姐Faye為咗分清楚佢地三個，就分別幫佢地搽唔同顏色嘅腳甲油，用BB名嘅頭一個字母配合返腳甲油顏色嘅頭一個字母：Ffion --- Fuschia (櫻紅色)、Maddison --- Mint Green (薄荷綠色)、Paige --- Purple (紫色)
嗲哋媽咪啱啱同三胞胎慶祝咗一歲生日，踢哂腳嘅一年，唔知佢地有咩感受？「同一時間照顧三個BB的確唔容易，但比起其他爸爸媽媽，我地所得嘅係三倍快樂，所以非常值得。」
資料來源：
