上次講過説好了的母乳對初生嬰兒有幾好，但都要視乎不同情況而選擇是否繼續餵母乳。如果要揀初生嬰兒的奶粉又點好呢？中途轉奶粉又點算？
最初LuLu由母乳轉奶粉係跟返醫院食開果隻，但食左一排，就覺得佢容易咳同多痰。之後聽朋友講有隻貴奶粉好好，講到好似BB食完識飛天同唸英詩禁。有幾貴？本身食開250蚊一罐，貴果罐要500蚊。嘩！以一星期食一罐計，一個月最少2000蚊，簡直係奶粉中的豪宅，平民嘅Lu爸為左LuLu個肚仔都硬着頭皮去試左兩個月。結果呢？LuLu啲便便都係唔靚。
即係貴野未必好，Cheap野未必衰！又要轉奶粉。當然每次轉奶粉都要比BB慢慢適應，新舊奶粉要互相漸進交替，唔好一下子換新。其實奶粉可以多問不同用家意見，及從以下角度參考：甜度、上火程度、便便狀況、有冇敏感反應…等，當然都要視乎唔同BB的體質有所調整。
