母乳餵哺

收藏本版
回覆 發帖
返回列表
跳至頁

首頁
1

尾頁
   1
vernachung


大宅

積分: 1098

好媽媽勳章


1#
發表於 07-10-24 13:26 |只看該作者
以下是本人親身經歷.......當中可能有點兒核突…我並不是想嚇人....只是想各位mama引以為介...千萬別輕視乳腺炎…有問題要立即正視…


今年七月中我正式當上第一任mama....多得眾多bk mama的開解及指導…順利以母乳餵哺囡囡......

到九月中放畢產假....當然希望囡囡可以繼續食人奶....一早買了電泵...早兩星期開始儲奶.....最初一齊都尚算順利....可惜上班後....時常都忙得無時間泵奶.....每次隔4-6hrs.不定.....結果大家都估到.....便是乳腺塞了.....

最初以為沒什麼大不了....心想只要放工回家讓女兒多啜一點便可以....忽略了事情的嚴重性.....過了一個星期.....乳腺不但沒有通...還紅腫起來.....這當然要看醫生了....要吃消炎葯...可憐囡囡亦因此沒吃人奶一個星期.....但情況非如所願....吃了葯仍無改善...結果9月20日入院抽膿...9月24日才出院...囡囡前後停了兩個多星期人奶....

以為抽咗膿就好番啦…..出院之後已經比之前餵/泵密咗….希望避開復發的機會…..可惜事與願違….唔夠兩個星期…..10月12日同一個位置再次紅腫起來……今次學叻了立即睇醫生…..醫生話咁快就復發情況比較嚴重….勸我停人奶以便開較重的消炎葯控制病情…..醫生講明如果情況唔改善就要開刀放膿…..我當然極不願意做手術…唯有停奶食葯…..可能d菌勁得濟….我食緊葯都可以發高燒….10月15日朝早起身發現紅腫嘅地方表面既然好似出暗瘡般….有一片地方變了白色(好像看到膿泡般)….過咗兩個鐘還開始有些黃色液體滲出來…..嚇得我即刻去急症室…..醫院亦即時收咗我留醫…..外科醫生話情況唔樂觀….因為我一直唔退燒…..乳房又有很多血管…..怕再拖的話d菌有機會入血……要即時開刀放膿…當日半夜我便被推入手術室…

10月16日第一次洗傷口…..護士預先幫我打了止痛針….過了十分鐘便開始洗傷口…本人十分怕痛未開始我已經好驚...護士已經勁細心怕整親我…先用消毒葯水整番濕d敷料才好輕力掀起d紗布…仲一直引我傾偈分散我注意力…..但當佢慢慢抽出塞傷口入面d紗布時….我都係痛到忍唔住吵鬧起來…..當我眼尾瞄到護士抽出嘅紗布長近兩尺而且單係傷口表面已經有一蚊銀咁大時….我當堂喊了出來…..之後護士要用棉花放入傷口清洗消毒….消毒後要放一些紗布回傷口用來吸滲液….才在上面放紗布遮蓋傷口….

這才是惡夢的開始:cry:…..因為開力放膿後…..醫生是不會幫患處縫針的…..因為傷口仲有菌….要每日洗傷口直至身體自己康復埋口…..我在醫院的第四日護士已經唔比我打止痛針….因為出院後洗傷口係無止痛針用的….只可以靠止痛藥止痛…10月19日醫生批准出院….但每日要健康院洗傷口…

直至今日…手術後已經一個星期….傷口已經唔係太痛….平時都可以唔食止痛藥…係洗傷口前才會食….昨日幫我洗傷口嘅姑娘話傷口已經開始長肉….只要保持傷口衛生….相信兩三個月內可以完全康復…..

從洗傷口嘅姑娘口中得知…..佢都已經唔係第一次幫我這類病人洗傷口…年中都有不少mama出事….所以我才把親身經歷描述出來….希望大家唔會好似我一樣受不必要的苦….切記”病向淺中醫” …有唔舒服要
早日就醫….
私人傳訊回覆 引用

3cats


大宅

積分: 2122


2#
發表於 07-10-24 14:28 |只看該作者
睇完你的經歷後, 我都覺得你辛苦.

希望你早日康覆.
私人傳訊回覆 引用

Wing(婷婷媽咪)


男爵府

積分: 8112

熱血勳章


3#
發表於 07-10-24 15:26 |只看該作者
睇完唔係恐怖, 係"鄧"你好痛, 證明母愛既偉大, 我初時都係好易塞架, 一pump得唔清, 下一轉就塞架啦, 我都試過乳線炎發燒, 我就係怕再唔理就會有膿, 所以每次一塞我就一定按通返先罷休, 後來我放棄pump啦, 用手渣就冇乜點塞啦, 不過有時一懶呢, 渣得唔清呢又會開始塞架啦, 不過我一發現咁我就會按通返, 我平時塞左, 乳線炎已經好痛, 你仲要開刀洗傷口, 真係好慘, 好彩你囡囡都飲左2個幾月人奶, 希望你快d好返啦.
私人傳訊回覆 引用

yanlongma


男爵府

積分: 5016


4#
發表於 07-10-24 15:46 |只看該作者
真係'鄧'你痛！:cry:
希望你早日康復！

私人傳訊回覆 引用

racoy


別墅

積分: 812


5#
發表於 07-10-24 16:13 |只看該作者
嘩,真係好慘......
我都要小心d,多謝分享,早日康復!
私人傳訊回覆 引用

肥豬豬


洋房

積分: 294


6#
發表於 07-10-24 16:33 |只看該作者
vernachung,


Thanks for your sharing, poor you, take care yourself. Hope you are getting well. Every mother loves their babies.

My baby also 3 months now. She is very lucky, she can have full ma-ma-milk even I have to work.

You've done your best. The only thing is "You love your baby."
私人傳訊回覆 引用

KPB4000


大宅

積分: 2624


7#
發表於 07-10-24 17:17 |只看該作者
vernachung,
看完妳的故事，令我很為妳心痛，希望妳早日康復，同時亦很多謝妳的分享。

私人傳訊回覆 引用

陶陶媽


大宅

積分: 1477


8#
發表於 07-10-24 17:58 |只看該作者
我x母乳都差唔多有兩年了但從未試過乳腺炎,我10月2日晚7點幾開始有微燒100度到半夜12點幾燒到103度個人好暈冇力, 我老公就陪左我去睇急証仲要帶埋呀仔去真係慘:-( e生話我乳腺炎就開左退燒藥同抗生素比我,攪到半夜3點先走 最慘都係呀仔半夜都要一齊去 好在我冇去到咁嚴重真係謝天謝地
私人傳訊回覆 引用

cc123456


大宅

積分: 3385


9#
發表於 07-10-24 19:57 |只看該作者
多謝分享, 做奶媽的辛酸真不是旁人可以理解!唔餵過人奶的人真的不會知道個人的味道!

我都係經常塞的(平均都每10天都有1次),因為本人多奶又成日泵唔清, 有時未必係泵唔清, 可能係泵完收工, 再有letdown便中招, 全人奶左3個月, 掙扎左好耐, 直至對上個次頂唔順, 飲劑回奶茶, 奶量大跌後, 1個月都沒有再塞了, 現在還可以1天3餐人奶! 其餘的要補奶粉!

雖然唔可以全人奶, 但係身體舒暢, 照顧bb都醒d啦!

私人傳訊回覆 引用

~喵喵~


大宅

積分: 1136


10#
發表於 07-10-24 23:37 |只看該作者
請問點樣知道係塞左呢？
原文章由 Wing(婷婷媽咪) 於 07-10-24 15:26 發表
睇完唔係恐怖, 係"鄧"你好痛, 證明母愛既偉大, 我初時都係好易塞架, 一pump得唔清, 下一轉就塞架啦, 我都試過乳線炎發燒, 我就係怕再唔理就會有膿, 所以每次一塞我就一定按通返先罷休, 後來我放棄pump啦, 用手渣就冇 ...
歡迎參觀~~~~~田家小公主~~~~~網站
小公主2007年2月28日出世，重2.85kg
私人傳訊回覆 引用

22oct


複式洋房

積分: 282


11#
發表於 07-10-25 10:04 |只看該作者
謝謝vernachung的分享, 本人也是親身經歷乳線炎.

在囡囡剛出世時, 因為我奶量少, 狂飲了幾個星期上奶湯水, 又不眠不休的讓囡囡密密啜幾個星期, 終於做到全人奶, 但因太攰, 家人建議夜晚餵一餐奶粉, 等我可以有三四個鐘訓下再起身餵. 只是補了三日奶粉便塞了, 因為之前試過塞又學過點通, 自己試通了幾天,
情況沒改善 (但也沒變壞), 去看醫生, 又打去母乳熱線, 都是教同一方法, 也沒開antibiotics給我, 我一路都沒有發燒, 以為只是塞沒有發炎, 以為一路自己通便可, 如是者又過了一個星期, 再去看醫生, 醫生說十天都不通, 可能已有膿, 可能要開刀.

姑娘上門擠
-----------------
我好驚, 不知道原來這樣嚴重, 我不想開刀, 醫生開了antibiotics, 又介紹我找lactation counsellor上門擠, 即晚開始連擠了三天, 擠到好多鼻涕咁既膿出(sorry, 真係好核突), 但都清唔晒, 痛到黐線, 成個breast上半腫晒, 開始小小發冷, lactation counsellor要離港, 不能再幫我, 要我自己擠, 我去睇醫生覆診, 醫生話己經就快爆, 叫我唔好擠, 介紹我去針抽.

針抽
-------
即日插隊去外科專科抽, 抽了兩針, 又是兩筒膿, 但抽唔清, 醫生開了些更勁的antibiotics給我, 叫我停止餵bb, 要我回奶, 一個星期後再去抽. 過了幾天仍覺很脹很痛, 提早自己上去覆診, 醫生再抽, 支抽不停轉方向, 都只抽到很少很少, 醫生說一定要開刀, 並要我吃回奶丸(不能用傳統方法).

開刀
-------
即晚入院開刀, 全身麻醉, 抽膿, 還要割了一條乳線, 手術後仍插住一條管入個breast, 因為仲要keep住抽五日, 五日後拆管,
醫生說個lung會再有野流出來, 所以不會連針, 由得個lung自己埋口.

由拆管到現在約兩星期, 已經無乜事, 但個breast仍硬和小小痛, 醫生說做完手術咁係正常.

各位mama, 初為人母, 又要餵人奶己十分辛苦, 但對bb好, 辛苦都是值得, 但乳線炎其實及早就診是可以避免的, 沒有必要受這些無謂的痛苦.
所以請各位注意, 乳線炎不一定會發燒, 一有塞要立即通, 自己通唔到要立即求醫.

----
其實件事對我心理影響好大, 我好唔開心左好多日, 呢日係我發現事情嚴重性既第一日:
http://hk.myblog.yahoo.com/our22oct/article?mid=979

[ 本文章最後由 22oct 於 07-10-25 10:39 編輯 ]
私人傳訊回覆 引用

Wing(婷婷媽咪)


男爵府

積分: 8112

熱血勳章


12#
發表於 07-10-25 12:11 |只看該作者
塞左既時候呢, 你會摸到個胸有d位係硬左架, 不過唔痛既, 但係就點都整唔返軟, 咁如果發覺呢個情況呢, 如果埋身餵就最快要比bb啜返通, 如果全pump既就要pump返通, 一路pump一路推睇下得唔得, 我就全手渣既, 所以我每次都會摸到邊到唔對路, 一發現後我就不斷咁推按, 我既經驗呢就係每次一有塞時我就等let down, let down一開始我就不斷咁推塞果個位, 咁通常let down完呢, 塞果個位會冇咁硬架啦, 咁如果真係幾塞下呢, 我就會再等多個let down, 再做一次, 但求通返, 就算未通晒都起碼放咁d奶出黎, 唔會惡化先, 我3嬸同我講(佢係母嬰健康院姑娘黎架), 佢話好多人pump都會好易塞, 好渣就最清, 所以我由bb滿月開始就轉左做全手渣lu

原文章由 ~喵喵~ 於 07-10-24 23:37 發表
請問點樣知道係塞左呢？
私人傳訊回覆 引用

彤b^^


禁止訪問

積分: 20403


13#
發表於 07-10-25 13:01 |只看該作者
提示: 作者被禁止或刪除 內容自動屏蔽
私人傳訊回覆 引用

sykimama


男爵府

積分: 6873


14#
發表於 07-10-25 15:18 |只看該作者
我都有此經歷, 發燒發到40.1度tim, 但只要Pump之前用熱毛巾按摩(醫生/姑娘教)(Very Important)和勤力D pump 出來就可以了. 我都無食藥, 不過燒咗&痛咗好幾日,差不多一星期.

有姑娘話, 最好用傳統方法回奶, 怕回奶丸會影響下一胎的奶量.
私人傳訊回覆 引用

marcusBma


別墅

積分: 679


15#
發表於 07-10-28 00:05 |只看該作者
怪不知健康院姑娘話奶bump係人奶媽既敵人啦
私人傳訊回覆 引用

~喵喵~


大宅

積分: 1136


16#
發表於 07-10-28 14:47 |只看該作者
謝謝分享
歡迎參觀~~~~~田家小公主~~~~~網站
小公主2007年2月28日出世，重2.85kg
私人傳訊回覆 引用

KAREN789


大宅

積分: 2223


17#
發表於 07-10-29 18:12 |只看該作者
let down係咩意思,咁let down時會有咩感覺???
私人傳訊回覆 引用

vernachung


大宅

積分: 1098

好媽媽勳章


18#
發表於 07-11-1 21:49 |只看該作者
all BK mama,

thank you for supporting

but i have a bad news....昨日幫我洗傷口嘅姑娘話傷口再有野流出來....:cry: :cry: i hope that it will recover soon....

p.s.
i know 回奶丸會影響下一胎的奶量...
i also 飲回奶茶 before 開刀....
私人傳訊回覆 引用

tautaub


男爵府

積分: 6264


19#
發表於 07-11-12 12:17 |只看該作者
我已經好耐沒有回來這個topic了, 我大仔05年出世, 開始時係全人奶, 但係有一邊食得唔係咁好, 仔仔滿月那天晚上我開始發燒....第二朝立即去健康院搵醫生/姑娘幫手(其實由仔仔出世後, 因餵得唔係咁好, 一星期都起碼要返健康院3至5次), 醫生話可能塞左, 問我想唔想食消炎藥, 當時覺得食藥可能對仔仔唔係咁好, 所以醫生開了藥給我也沒有食....直至2星期後, 塞的程況也沒有改善, 醫生便要求我開始食藥, 仲話唔會對bb有影響...於是在遲了2星期後才開始食藥....食了2星期...每日去健康院由醫生同姑娘試幫我通....結果有一日醫生發現有一部分皮膚表面開始紅腫跟住2日後開始脫皮....醫師說要refer我去醫院的breast clinic, 因為應該要抽膿, 如果唔係皮膚表面會爆開....醫生寫了封referal　ｌｅｔｔｅｒ　吩咐我立即去急証室．．．．

去到急証室，　外科醫生一見，　便立即幫我安排緊急手術，　結果要全身麻醉介開皮膚表面抽膿及割除發炎的腺．．．同你們一樣經歷洗傷口的痛楚（約一個月每日去外科日間病房）．．．外科話傷口已經乾淨可以幫我縫合傷口唔駛日日洗．．．．諗住好開心啦．．．再次到手術室全麻縫合傷口，住了３天醫院．．．出院啦．．．唔夠２日，　傷口不停有膿流出．．．．立即回醫院．．．醫生話傷口再次發炎，　要將縫合了的傷口界開清理那些膿．．．．如是者．．．再洗傷口一個月．．．醫生再次話已經好了很多是時候縫合傷口了．．．

問了醫生很多次，　真的不會再有問題了嗎，　她說應該可以了．．．便聽從專業意見…第二次到手術室全麻縫合傷口，再住了３天醫院．．．出院啦．．．今次過了4日，　傷口開始有膿流出．．．．立即回醫院．．．醫生話傷口再一次發炎，　同上一次一樣要將縫合了的傷口界開清理那些膿．．．．如是者．．．再次開始洗傷口的生涯...一個多月後．．．醫生話已經好了很多, 可以縫合傷口了．．．我問醫生可唔可以唔縫合傷口讓他自然癒合…他說可以讓他自然癒合但時間會長一些以及傷口會很醜陋…為免不停出入醫院我決定讓他自然癒合…每天去健康院洗傷口...直至自然癒合...由仔仔出世至傷口自然癒合我總共花了5個多月的時間, 期間在程況許可下(不用食抗生素或那抗生素不會對仔仔有副作用), 我都有埋身餵或泵出來餵仔仔, 當然有傷口那一邊較正常那一邊產量相差很大(6安vs3安)以及要補奶粉....其實在這期間都曾經試過很多次想放棄(特別是當外科日間病房的人知道我堅持繼續餵人奶而決定將我放棄...掉回健康院的時候)...現在回想起來真不知道當時是好勝(因為已經為這事付出了很多)還是真的很想堅持所以沒有停止餵奶...直至仔仔約8個月大, 因工作太忙的關係我才停止餵奶....

我的第2個bb將會在12月頭出世, 現在我還是心大心細今次是否應該餵人奶(家人當然投反對票啦, 健康院醫生姑娘都話可以餵不過要小心留意情況)….
私人傳訊回覆 引用


首頁
1

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見