http://hk.apple.nextmedia.com/enews/realtime/20150626/53900398 | |||||||||||
鄭嘉穎接受內地傳媒訪問時，直認同陳凱琳交往中。 父親節，搞到女神爸爸嬲豬，呢個罪名，可大可小。45歲鄭嘉穎，為追求24歲港姐陳凱琳，又剃鬚扮young又去法國陪女友開工兼預支蜜月。返到香港，齊齊落機之後再車埋女友返自己位於大坑嘅寓所，再度過甜蜜一夜。報道指，陳凱琳爸爸當時根本唔知阿女已經返港喇……父親節唔陪父親，反而陪可以做得佢父親嘅男友，仲有之前發表嘅「處女論」……依家……換著你係陳爸爸都嬲啦。
報道出街之後，陳凱琳馬上消毒澄清謂爸爸係知佢幾時返港嘅，但對於「處女」呢個point，陳凱琳就避談，話係私人事。冇理由「出事」之後得個女仔喺度撐0架，今日身在內地開工嘅鄭嘉穎，回應傳媒時就大方承認，確係同陳凱琳發展中，又係嗰句啦:請大家俾多啲空間佢哋。
鄭嘉穎話:「其實我很謝謝大家的關心，那其實真的我最近講得最多的一句話就是:希望多給我們一點空間。那……但是香港的朋友好像沒有聽明白這句話甚麼意思。那……沒有啊，我覺得是很正常的一件事，還有，是在交往中，就謝謝大家關心。那……因為我說了很多遍，也不是一個真人騷，也不是有甚麼發展，就每次都……好像要交代啊、匯報一下啊這樣子。那……所以就，給我們多點空間就好了。謝謝大家。」 
發表於 
返回列表
