海外菲係我生前一個月黎左我家,做家務正正常常聽聽話話,但未試過幫人湊bb,只係湊過自己果個(現4歲)。到我坐月期間陪月教佢幫bb沖涼,佢話怕整親bb,等個囝大d先。我接受既。坐月期間幫我洗奶樽,煮飯做家務。直至返工我已經冇信心比佢幫bb沖涼。只好食晏時間叫婆婆上黎幫手沖個涼(好在婆婆返工地方近我家)。到我囝而家5個月喇~~佢工作表現仲係令我好唔滿意!!例子如下,我應該炒定留?想留既原因係怕下一個仲差。(現佢都算聽話既)想炒既原因係唔想見到佢
1). 洗奶樽液兩個月入面用左我一支
2). 投訴完洗奶樽液用得太快後,比我發現奶樽油油既 (佢解釋人奶好難洗。但我唔投訴佢唔出聲)
3). 3個鍾入面熱左我15安人奶
4). 我買左既playmat 同玩具佢唔會主動拎出黎同bb玩,日間大部份時間都比bb訓覺
5). 經常同bb講話bb唔鍾意飲奶,成日喊**最唔滿意
6). 間中發現抹poopoo 抹得唔clean
我放工回家後就會自己湊返,我老公覺得佢問題不大,都唔係好想我轉工人。